ANG AKING NILIKHANG TULA
Naghahanap ng makakausap
Mga papel at panulat ang kaharap
Nagsulat nakalikha ng isang taludtod
Hanggang sa naging sunod-sunod
Hindi namalayan nakailang saknong
Ang isip bumubulong at nagtatanong
Bakit ganito, bakit nga ba nagkaganoon
Kapalaran natin bakit nagkaganiyan
Madalas ang isip tumutula
Habang sa kawalan natutulala
Isip rin ang s'yang kumakabisa
Puso't damdamin ang s'yang nagbabasa
Pangarap na minsa'y sumungaw
Akala'y makukuha nang sigaw
Mga pagsubok 'di kayang tawirin
Pangarap 'di rin na nakayanan tuparin
Nakikinig na lamang sa mga ibong humuhuni
Habang sa bintana nagmumuni-muni
Nagsusulat pa rin sa mahinang tinig
Kahit ang sarili na lamang ang nakakarinig
Napapaluha na may halong impit
Sa panulat nanghihina na rin ang kapit
Mga salitang mananatili na lamang nakagapos
Pangarap na na mabilis na rin nagtapos.
Congratulations! Your post has been featured and has received 100% up vote from @bayanihan.
the-spirit-of-communal-unity-bayanihan-24th-philippines-curation-updates
Thank you so much! It's an honor 😊