Steemit Philippines Photography Contest Week #5 - Filipino Food Photography : Gisadong Hipon

Ngayon po ay ibabahagi ko naman ang "Gisadong Hipon" na amoy at tingin pa lang ay tiyak na matatakam ka.

Sa totoo lang hindi ako pwedeng kumain nito dahil sa allergies ko ngunit ganun pa man alam ko na sobrang sarap nito dahil minsan din akong nakakain nito nung kabataan ko pa lang. Isa ito sa paminsan-minsan lang kung maihain dahil masyadong mapresyo kaya kadalasan sa mga espesyal na okasyon lang ito makikita o sa mga iilan na seafood restaurant. At dahil mahilig sa seafoods ang pamilya ng aking nobya ay isa ito sa espesyal na inihanda para sa kaarawan ng kanyang pamangkin at isa pa ang hipon ay isa sa paborito ng birthday celebrant.

Requested din daw ng birthday boy na ang lolo niya ang magluto at hinarangan pa daw ito upang hindi pumasok sa trabaho ayon sa nobya ko dahil daw kaarawan niya kaya walang nagawa kundi pagbigyan ito. Tumutulong din ako sa paghahandang ginawa nila at nakapag-obserba kung paano ito lutuin.

Pina-init muna ang cooking oil pagkatapos iginisa ang bawang(garlic) at sibuyas(onion). Sunod na iginisa ang hipon hanggang sa maluto na ito pagkatapos binuhusan ng soy sauce. Idinagdag ang tomato sauce at pinakulo ito. At ang huling idinagdag ay ang spring onions na pang-toppings at ito ay ready to serve na.

Ang hipon ay mayaman sa protina na kailangan sa pagbuo ng fibers ng kalamnan at pagpapalakas ng buto ng ating katawan. Ang karne din ng hipon ay may mababang nilalaman na calorie. Nakakatulong din ang hipon upang maiwasan ang sakit sa puso na kadalasan ay aktibo sa pangangatawan ng nasa edad na 40 pataas. May marami din itong benepisyo gaya ng napapabuti nito ang daloy ng apdo, nagpapagaan sa atay, nag-aalis ng kolesterol, nagpapahina ng presyon ng dugo at marami pang iba.

Yan lamang po muna sa ngayon at laging tatandaan "Health is wealth". Iniimbitahan ko din kayo kabayan @sweetspicy, @zoe21 at @traderpaw na makisaya sa pagbahagi ng inyung Filipino Food Photography.