Wedding.. | 5% for SL-Charity

මේ දවස් වල හැමෝටම Wedding. ඔන්න සැහෙන කාලයකට පස්සේ මටත් Wedding එකකට යන්න ලැබුනා. මේ Wedding එක මගේ පාසැල් කාලේ යාලුවෙක් Wedding එකක්. මන් මේකට යන්න ගොඩාක් ආසවෙන්න හේතු කීපයකම තිබුනා. එකක් තමයි මේ Wedding එකේ මන්මාලි මගේ පාසැල් කාලේ හොඳම යාලුවෙක්. අනික් කාරනාව තමයි Wedding එකට ගියාම පාසැල් කාලේ යාලුවෝ ගොඩාක් හම්බෙන්නත් පුලුවන් වෙන එක. ගොඩාක් කාලෙකින් ගොඩාක් අයව දැකලා තිබුනෙත් නෑ. මේ හැමදේටමත් වඩා මනමාලිගෙන් ආව තර්ජනය. අවේ නැත්නම් ආයේ යාලුකම් නැති පාටක් තිබුනු නිසා මම Wedding එකට සති 2ක් තියාම office එකෙන් leave ගත්තා.

දැන් ඉතින් ආයෙත් ප්‍රශන්යික් තමයි. ඒ තමයි Wedding එකට යන විදිහ. ගෝටාභය මහත්තයගේ ආර්ථික සංවර්ධනයට පින්සිද්ද වෙන්න දැන් මනුස්සයෙක්ට ගමන්ක් බිමනක් යනවා කියන එක ගැන නොසැහෙන්න හිතන්න වෙලා තියෙනවා. ඉතින්මාත් යන්නේ කොහොමද කියන දේ ගැන හිතන්න ගත්තා. සාරි ඇදන් බස් වල යන්නත් බෑ, එහෙමයි කියලා නොයා ඉදලත් බෑ. මේ වෙලවේ තමයි මන් වගේම යන එන විදිහක් ගැන කල්පනා කරන තව යාලුවෙක් හම්බුනේ. කොහොමහරි අපි දෙන්නා තීරනය කලා ලොකු දුරකුත් නැති නිසාබස් එකේ යන්න.

ඉතින් කලින් දවසේ කතා උනු විදිහට අපි යන්න ලැහැස්ති උනා. උදේම salon එකට ගිහින් එතනින්ම යාලුවා එන බස් එකට නගින්න තමා මම හිතන් හිටියේ. කොහෙදෝ තිබුනු හොඳ වෙලාවකට ඒ salon එකටම මම අදුනන අක්කෙක් ආවා. එයත් යන්න හිටියේ අපිට යන්න ඔනේ උන hotel එක කිට්ටුවටමයි. ඉතින් මගේ යාලුවත් බස් එකෙන් බස්සන් අපි ඒ අක්කත් එක්කම එයාලගේ වාහනේම hotel එකටම ගියා. එහෙම නොවුනානම් සාරිත් ඇදගෙන මේ ගමන එපා වෙන්න තිබුනා. කොහොමහරි අපි දැන් Wedding එකේ.