පොල් ටොෆි

කාලෙකින් අලුත් කෑමක් බීමක් හදලා බලන්නත් බැරිවුනු නිසා මොනවහරි අලුත් දෙයක් හදලා බලන්න අසාවක් හිතට ආවා. අදහස හිතින් අයින් වෙලා යන්න කලින් youtube එක ඉහල පහල යව යව, එක එක කෑම ජාති හොය හොයා ඉන්න වෙලාවෙ තමයි පොල් ටොෆි හදන video කිහිපයක් හම්බුනේ. ලොකු ලොකු දේවල් ඕනෙත් නැති එකේ වැඩේ පටන් ගත්තා. මෙන්න මෙහෙමයි මම පොල් ටොෆි හැදුවේ.

මම පලවෙනි වතාවට හදලා බලන නිසා මම පොල් ගෙඩියකින් භාගයක් තමයි ගත්තේ. ඉතින් ඒකට සීනි 250g තමයි ඕනේ උනේ. ඉතින් මුලින්ම සීනි ටික භාජනේකට දාල වතුර කෝප්පයක් විතර ඒකට එකතු කරලා ලිපේ තිබ්බා. සීනී ටික හොඳට උනු වෙලා පෙන පෙන වීගෙන එනකොට ඒකට පොල් ටික එකතු කරන්න. දැන් හොඳින් හැදිගාන්න.

විනාඩි 2ක් වගේ ගියාට පස්සේ රසේ හැටියට ලුණු ටිකක් එකතු කරලා හොඳන් හැදි ගාන්න. පොල් වල තියෙන තෙත ගතිය ටිකක් අඩු වෙන්කල් හැදි ගාන්න ඕනෙ. ඔන්න දැන් තමයි අපි කිරිපිටි හැන්දක් 2ක් එකතු කරන්න ඕනේ. දැන් ආයෙම හොඳන් හැදි ගාන්න. විනාඩි 2ක් වගේ ගියාට පස්සේ වැනිලා ටිකක් එකතු කරන්න. තේ හැන්දක් වගේ.

දැන් ආයෙමත් හොඳන් හැදි ගාන්න තමයි තියෙන්නේ. විනාඩි 3ක් වගේ ගියාට පස්සේ පොල් වල තෙත ගතිය ටිකක් අඩු උනාට පස්සේ බටර් ටිකක් එකතු කරන්න. ඔන්න දැන් අපේ මිශ්‍රණය අයෙම ටිකක් තෙත් වේවි. පොල් වල තෙත ගතිය ටිකක් අඩු වෙන්කල් ආයෙමත් හොඳන් හැදි ගාන්න. විනාඩි 2ක් 3ක් වගේ ගියාට පස්සේ food colouring වලින් බින්දුවක් 2ක් එකතු කරන්න. ආයෙමත් හොඳන් හැදි ගාන්න.

මිශ්‍රණය තෙත ගතිය අඩූවිගෙන එදද් ඔයාලට තෙරෙයි මිශ්‍රණය එකට ගුලියක් වගේ එන්න ගනිවි. මෙන්න මේ වෙලවෙදි කලින් බටර් ගලා ලැහස්ති කරගත්තු tray එකකට මිශ්‍රණය දාලා හොඳින් තුනී කරගන්න. දැන් මිශ්‍රණය ටිකක් නිවීගෙන එද්දි කෑලි කපාග්නන.