ආයුබෝවන් !! ඔයාලට කොහොමද ඉතින්.පරිස්සමින් ඉන්නව කියල මම හිතනවා. කලින්ටත් වඩා අමාරුම කාලයක් නේද අපි හැමෝටම. ඉතින් මට මතක් උනේ මම උසස්පෙලට සහබාගී වෙලා ඒක ඉවර උනාම ගිය ගමන් ගැන. ඇත්තටම හරිම සුන්දරයි ඒ මතකය. මාරම පීඩනයකින් අපි හිටියෙ එක්සෑම් නිසා. ඉතින් එක්සෑම් එක ඉවර උන දවසට පසු දිනයෙම මමයි මගේ යාලුවා මල්ශානුයි ගියා සචින් ලගෙ ගෙදර. විබාග පීඩනයෙන් ඉදල ඉදල අපිට ඕනි උනා යම් මානසික නිදහසක්.ඉතින් එදා රෑ හොදටම වැස්ස.ඒ නමුත් සචින්ල්ගෙ ගෙවල් ලගම තියෙනවා කන්ද උඩම මහමෙව්නා භාවනා අසපුවක්.අපි තුන්දෙනා රෑම ගියා ඒ අසපුවට. රාත්‍රියට මාරම ලස්සනයි ඒ අසපුව. ඉතින් අපි වන්දනා කටයුතු කරල එහෙම ආයෙ ගෙදර ආවා. ![PicsArt_06-02-12.16.57.jpg]()

පහුවදා උදේම අපි ගියා හැමෝම දන්න දෙමෝදර ආරුක්කු නවයෙ පාලම බලන්න.
දෙමෝදර ආරුක්කු නමය පාලම සංචාරකයින් ඉතාමත් කැමති තැනක්.මාරම ලස්සනක් එතන තියෙන්නෙ. ඒ පාලමේ සැලසුම ශ්‍රීලාංකිකයෙකුගේ වීමත් අපට ඉතාමත් ආඩම්බරයක්. එහෙම නේද ,

ඊට පස්සෙ අපි නැවත ආවා සචින්ලගෙ ගෙදරට.නැවත හවස අපිට යන්න ඕනි උනා ගමනක්. අපි ගියා හවස වලස්බැද්ද කියන තේ වත්තට. ඇත්තටම ඒ වලස්බැද්ද කන්ද camping සදහා බාවිතා කරන තැනක්. තේ වත්තක් මැදින් ඉතාමත් අපහසු පාරක ගොඩාක් දුර යන්න ඕනි. උඩට ගියාම ඉතාමත් සීතල සුන්දර තැනක්. කන්ද උඩම තියෙනවා ගහක්. ඒක හරිම ප්‍රසිද්දයි. අපි යනකොට මීදුමෙන් වැහිල තිබ්බෙ. ඒ කාලගුණය තමා මම ආසම කාලගුණය. හරියට නුවරඑළිය වගේමයි. ඉතින් නැවත අපි හවස් වෙලා ගෙදර ආවා.

ඉතින් ඒ ගමන් ගිය විදිහට දැන් කොහොමද යන්නෙ. පෙට්‍රල් මාරම විදිහට ගනන්. කෑම බීම මාරම විදිහට ගනන්. ඉතින් කන්න බොන්න නැති මේ කාලෙ ගමන් යන්න තියා හිතන්නවත් බෑනෙ. රට ආපසු ගොඩයනතුරු ඉතින් ඒ අතීතය මතක් කර කර යාලුවොත් එක්ක බෙදාගෙන ප්‍රවේශමෙන් ඉන්න තමා වෙන්නෙ. ඉක්මනට අපි හැමෝටම සුබ කාලයක් එන්න කියල මම ප්‍රාර්ථනා කරනවා !

සියලුම චායාරූප මා විසින් මාගේ දුරකතනයෙන් ලබාගත් ඒවා වේ 🙂
ස්තූතියි 🙏🏻