නුවර දවසක් ❤️
Hello Everyone !..
ඔයාලට කොහොමද? හැමෝම පරිස්සමින් ඇති කියල මම හිතනවා.ඉතින් අද මම කියන්න යන්නෙ අපි නුවර ගිය ගමනේ නුවරදි අපේ අත්දැකීම් බෙදාගන්න.
බොහොම අමාරුවෙන් කෝච්චියෙන් නුවර ස්ටේශන් එකට ගිහින් ඉස්සර වෙලාම කරේ අපි පොඩ්ඩක් විවේක ගත්ත එක. ඊටපස්සෙ අපි ගෙවල් වලින් ගෙනාපු කෑම එක කෑවා. මේ දවස් වල කඩෙන් කනව කියන්නෙ ලොකු වියදමක් යනවනෙ. අනික ගෙදර කෑම එක තරම් වෙන කෑම අපිට හරියන්නෙත් නෑනෙ.ඊටපස්සෙ අපි කරේ සුදු ඇදුමක් දාගත්ත එක. මොකද මාලිගාවටනෙ අපි යන්නෙ.
නුවර ටවුමෙ මීට කලින් අපි රෑ ඇවිදලා තියෙනවා. පල්ලෙකැලේ මැච් එකක් බලන්න ගිහින් ආපහු එනකොට අපිට කෝච්චිය මගහැරුනා. ඉතින් අපිට උදේ 3 වෙනකං ඉන්න උනා පැය 4ක් විතර. නුවර වැව රවුමේ එහෙම ගොඩක් වෙලා අපි හිටියා එදානම්.
කොහොමහරි අපි ලෑස්තිවෙලා ටවුම මැදින් ඇවිදගෙන ආවා. නුවර ටවුම ටිකක් පැටලෙනව නේද නුහුරු කෙනෙක්ට. අපි ඉතින් කට්ටියගෙන් අහගෙන නුවර වැව ලගට ආවා. නුවර වැව නම් හරිම ලස්සනයි නෙ. ඉතින් අපි වැව වටේටම ඇවිද්දා.
ඊටපස්සෙ ගියේ queens hotel එක ලගට. එතන චායාරූපයක් ගන්න හැමෝම එනවනෙ. ඉතින් අපිත් නිදහසේ එතන චායාරූප ටිකක් ගත්තා.
ඊටපස්සෙ අපි මාලිගාවට යන්න ගියා. නිකම්ම අපිට යන්න බැරි නිසා මල් වට්ටියක් ගන්න ගියා. විශ්වාස කරන්න මල් වට්ටි වර්ග දෙකයි තිබ්බෙ. එකක් රු.500, අනිත් එක රු.1000.
ඇත්තටම ඒ ගානනම් වැඩියි කියල තමා මට හිතෙන්නෙ. කොහොමහරි අපි මල් වට්ටියකුත් අරගෙන මාලිගාවේ වදින්න ගියා. එදානම් ඇත්තටම මිනිස්සු හිටියෙම නැතිතරම්. මාලිගාව ගොඩක් නිස්කලංකයි. අපි නිදහසේ වන්දනාමාන කටයුතු කරා. මාලිගාව ඇතුලට ගියාම අමුතුම හැගීමක් ඇතිවෙන්නෙ. හිත මාර විදිහට නිදහස් වෙනව.
ඊටපස්සෙ අපි ගියා කෞතුකාගාරය බලන්න. ඒ කාලේ ඉදලම මාලිගාවට සම්බන්ද ගොඩක් දේවල් ඒකෙ තියෙනවා. මහා තේජස් සහිත සංරක්ෂණය කරපු රාජා ඇතා බලන්නත් අපි ගියා.
අන්තිමට අපි මාලිගාවෙන් එලියට ඇවිල්ල ආයෙත් නුවර වැව රවුමෙ ඇවිද්දා. ඊටපස්සෙ හවස් උනාට පස්සෙ අපේ නැවතුම උන නාවලපිටිය දක්වා පිටත් උනා. ඇත්තටම එදා දවස නම් නියමයි. මහන්සි උනත් දවස නියමයි.
කොහොමහරි හවස හොදටම වහිනවා. හොදටම තෙමිල තෙමිල අපි නවතින්න හිටපු ගෙදරට ආවා.
ඉතින් ඒ තමයි අපේ නුවර ගමන. කාලෙකින් ගිය නිසා හොදට විනෝද උනා. කොච්චර ප්රශ්න තියෙන කාලෙක උනත් ඉඩ ලැබුනොත් ටිකක් නිදහසේ ඉන්න. හැමෝම පරිස්සමින්.
ස්තූතියි 🙏🏻🙏🏻
dannm kandy giya eken wedak nathi wenawa etana idan pic eak gatte netnam. eth me awuruddata kandy 4 serayak giyath mata tama etana idan pic ekak ganna beri una
මේ දවස් වල ගියානං පුලුවන්
ගමන ප්රයෝජනවත් විදියට ගත කරලා හොදටම සතුටු වෙලත් තියන බව පේනවා. මෙහෙම තමයි ඉන්න ඕන සතුටින් ජිවිතේ ගත කරන්න ඕන. නැව ගිලුණත් බෑන් චූන් කියල ඉන්න ඕනැ. සුබ දවසක්.