# ඔයාලට කොහොමද ඉතින්.හැමෝම පරිස්සමින් ඇති කියල මම හිතනව. එන්න එන්නම අමාරු වෙනව නේද ජීවත් වෙන්න.ඉතින් ඒ නිසා පුංචි අහිංසක මගේ අදහසක් කියන්න තමා මම අද අදහස් කරේ.ඒ තමයි අපිට පුලුවන් මොනාම හරි වවාගමු කියන එක. ඇත්තටම මේ වෙනකොටත් දරාගන්න බැරි තරමට බඩුමිල ඉහල ගිහින්.අත්‍යාවශ්‍යම දෙය වන හාල් මාරම විදිහට ගනන්. ඉතින් ගොඩාක් දෙනා කන්නෙ එක මාලුවක් එක්ක තමා. ඒ තරමටම එලවලු ගනන්. අපි අපිට පුලුවන් මොනාම හරි වගාකරන්න දැන්වත් පුරුදුවෙමු. මොකද අරගල කරන්නත් අපි ශක්තිමත්ව,නීරෝගීව සිටිය යුතුමයි. මම දැනට ඉන්න ගෙදර වටපිටාව තියෙන්නෙ පොඩි ඉඩක්. ඒ උනත් අපි අපිට පුලුවන් පොඩි පොඩි දේවල් ටිකක් වගාකරගෙන තියෙන්නෙ. ගොඩක් නෙමේ.හැමදේකින්ම පොඩ්ඩ පොඩ්ඩ අපේ පවුලට ඇතිවෙන්න වගේ අපි හිටවල තියෙන්නෙ. අපි එහෙම කරොත් නිවාස සංකීර්ණ වල ඉන්න අයට ඒකත් පොඩි හරි සහනයක් වෙයි නේද?

මේ තියෙන්නෙ අපි වගාකරල තියන පොඩි පොඩි දේවල් කිහිපයක්.
ඉතින් අනිත් දේ තමයි අපිට තියන, අපි වවාගත් දේ ගෙදාගෙන කමු කියන එක.මම කතාකරන්නෙ අසල්වාසීන් සමග බෙදාහදාගන්න එක නෙමේ.ඒක කොහොමත් මිනිස්සු කරනවනෙ. අහිංසක සතුන් ගැනයි මම කතාකරන්නෙ.
අපිට මෙහෙම අමාරු නං නගරබදව එහෙම ජීවත් වන සතුන්ට කොතරම් අසීරු ඇත්ද කෑම ටිකක් හොයාගන්න. ඔවුනුත් කොතරම් දුක් විදිනවා ඇතිද.
සල්ලි වියදම් කරල නෙමේ අපිට පුලුවන් එයාලට බොහොම සරලව උදව් කරන්න.අපිට පුලුවන් නේද බත් ලෑල්ලක් අපේ ගෙවල් වල හදන්න. ඒකෙන් අහිංසක සත්තු කීයක් බඩ පුරවාගන්නවද. අපේ ගෙදර තියෙනවා බත් ලෑලි දෙකක්. හැමදාම අපි ඒකට බත්, පලතුරු එහෙම පුලුවන් දේවල් තියෙනවා,

විශ්වාස කරන්න හැමදාම වගේ සත්තු 100කට වඩා ඒකෙන් බඩ පුරවාගන්නවා. ලොකු වියදමක් යන්නෑනෙ.අපි කන දෙයින්ම බත් ටිකක් ඒකට දාන්නනෙ තියෙන්නෙ.ඒ සත්තු කාලා සතුටින් යනකොට හිතට ලොකු සතුටක් දැනෙනවා. සත්තුන්ට කෑම දෙනඑක අපේ ආච්චි අම්මා අපට පුරුදු කරපු දෙයක්. මට මතකයි ඇය ජීවත්ව සිටි කාලයේ වෙනම බත් මුට්ටියක් උයල සත්තුන්ට දෙනව. ඉතින් ඒ පුරුදු දරු මුනුපුරන් වෙන අපිටත් ඇවිත් තියෙනවා.
මට කියන්න ඕනි උනේ අපිට වගේම සතුන්ටත් ගොඩාක් අමාරු කාලයක් වගේම අපිට පුලුවන් පොඩි දේකින් ලොකු උදව්වක් එයාලට කරන්න කියන එක. ඔයාලගෙ අදහස් මට කියන්න. තවත් යෝජනා ඉදිරිපත් කරන්න. හැමෝම එක්ව ජයගමු..
ස්තූතියි 🙏🏻