Aceh Tragedi

Malam kajula ka lewat poh dua blah
Di ulon that susah han teungeut mata
Lon beudoh lon duk ateuh peuratah
Hp lon peuhah steemit lon buka

Postingan @sogata lon buka bagah
Meu tuleh kisah lomba pantoen ka teuka
Panton Aceh keurakan meutuah
Katrep lon keubah jino ta buka

Ulee seumikee neuk peugot rawi
Ya Allah neubi beutrang pikiran lon
Seugala pujo puwoe bak illahi
Aceh tsunami lon peugah bak phon

Tanggai 12 Desember tapeuringati
Saboh tragedi peu ulang ulang tahon
Nyan keuh seujarah Aceh hai akhi
Dilee terjadi keheundak rabbon

Seugolom teken Aceh ngon R.I
Manteng su minimi di rata jurong
Rakyat sengsara geuklik meu ie’ie
Hana le meuri siksa ngen hukom

Tanggai 26 troh kuasa rabbi
Na keuh tragedi nibak akhee thon
Thon 2004 lam masehi
Cobaan geubi bala geupeutron

Beungoh minggu geumpa teurjadi
Meugokgok bumi Aceh meu hayon
Tanoh dum crah di tubit ie
Reuloh titi runtoh ngen geudong

Troh geulumbang raya ngen tinggi
Mulai di pasi ban bandum di ron
Rumoh ngen toko warong meukat mi
Ngen moto mitsubishi geulumbang guloeng

Ban di guloeng manyet meuriti
Meuhamboe u bineh pasi mandum hareuta
Han le taruri ayah ngen ummi
Seubab ie tsunami seu um ban nuraka

Nyang keuh kisah Aceh seurambi
Bacut lon bri dak pih menan-menan
Seubago haba peu ingat keu akhi
Nyang keuh tsunami teuma geuboh nan

Meumada oh no teuntang Aceh tragedi
Soal meuriti kata han jeut lon suson
Mungken golom jeut lon peugot rawi
Meauh beu neubri abi dan aboen