Salam, Bakı.

Sabahınız xeyir. Əlahəzrət koronavirusdan birtəhər icazə aldıq ki, ənənəvi surətdə dərsə başlayaq. O da yarı yarımçıq icazə verdi. Yəni yarı distant, yarı ənənəvi. Bakıya gəldik.

Bəndəniz akademiyanın önündə. 😊 Bir kurs yoldaşım da gəlib çıxdı. Gələcək kurs yoldaşım. Hayıf gizli çəkiliş edə bilmədim. Özüm doyunca fotosessiya elədim.:)

Sən demə tutduğumuz ev Dövlət Sərhəd Qoşunları Akademiyası ilə yan yana imiş. Balkondan görünür. Sərhədlərimizi qoruyanlar burada oxuyurmuş. Eşq olsun!

Bu şəkildə gördüyünüz akademiyanın həyətidi ha. Sonra akademiya hanı bəs?- deyib irad tutmayın. Akademiya belə olar ha. Çox bəyəndim. Mütləq buranı bitirib akademik olmaq lazımdır:)

Desəniz ki, tələbəliyiniz necə oldu? Cavab verərəm ki, çayı qaynadıb, kasıbın olanından süfrəyə düzüb qaşığı əlimə alıb şirinçay edəcəyəm deyərkən, şəkər tozunun olmamağından başladı hər şey.

Əslində tələbəlik axşam yatmağa hazırlaşanda, anamın tör-töküntünü yığışdır, sonra yat, komandasını eşitmədiyim andan başladı. Bir az qərib, bir az qəribə oldum. Öyrəşəcəm yəqin.

Oxuduğunuz və gülümsədiyiniz üçün təşəkkürlər :)