Salam, Steemit Azərbaycan topluluğu. Bu gün həqiqətən doğma bir gün idi. Səhəri dörd gözlə gözlədim. Bu gün anam gəlirdi. Sevindiyimdən uçurdum:)

Səhəri açanda günəşi görüb çox sevindim. Hava gözəl olacaqdı. Balkon hidrometeoroloji proqnozlar bürosu elə xəbər verirdi))

Bu gecə cızma-qara eləmişdim və onu öz WhatsApp durumumda paylaşmışdım. Tapın görək, ona kim baxıb?) Bizim dekanatlığın əməkdaşı Fəxri müəllim. Çox həyəcanlıyam. Gərək daha səliqəli əsərlər yaradıb duruma qoyam. Nə olar, nə olmaz😊

Bunlar mənim yaşadığım qarışıq durumların rəsmidi. İçində darıxmaq, həyəcan, məsuliyyət və başqa bir çox insan ovqatını əks etdirmək istəmişəm. Nəysə ki, anam gəldi. İlk öncə kitab mağazasına baş çəkdik.Sağ olsun, tarix müəllimimiz. Bir kilometr uzunluqda kitab siyahısı verib ki, alın. Birini tapa bildik.

Alış-veriş edib evə gəldik. Çoxlu şeylər aldıq. Reklam olmasın deyə paylaşmıram)) Bir az dincələndən sonra anam qayıdıb getməli idi. Oturduğumuz yerdə birdən söhbət aşdan düşdü. Anamın getməyinə yarım saat qalmışdı. Qəfildən dedi ki, gəlin, sizə aş bişirim. İldırım sürətilə işə qoyulduq. Anama kömək elədik. Bir gözümüz saatda, bir gözümüz qazanda. Anam aşı çatdırdı. Dəmə qoyub getdi. İndi anam yoldadı, biz də aşı yeməkdə😐

Bu qədər. Bu gecə bir darıxmaqlığa qapılıb yatacağam. Sabah yenə də eyniliyə qayıdacağam. Oxuduğunuz üçün təşəkkürlər.