sfcharity50pc | Vegan Lahmacun by @fatimasabirli

Hamıya kainatın gözəlliklərini arzulayıram.Bu gün sizinlə çoxumuzun sevimli yeməyi olan lahmacun resepti paylaşacam. Ancaq bildiyiniz kimi biz veqan ailə olduğumuz üçün, bu resepti də özümüzə uyğun, etik şəkildə hazırlayacam. Çox uzatmadan keçək reseptə

Xəmir üçün lazım olan inqrediyentlər:
200 qr un
1 ç.q duz
2 ç.q quru maya
40 ml bitki yağı
50 ml ilıq su ( lazım olsa, biraz da əlavə etmək olar)

İçlik üçün lazım olan inqrediyentlər:
150 qr soya qiyməsi
1 ədəd böyük boy soğan
2 ədəd pomidor
2 ədəd bibər
1 dəstə cəfəri
2 ç.q tomat pastası
3 diş sarımsaq
2 x.q duz
1 x.q istiot
1 x.q paprika
1 x.q sarımsaq tozu
100 ml bitki yağı

İlk öncə xəmiri hazırlayaq Unun üzərinə mayanı, duzu əlavə edib qarışdırın. Daha sonra ortasında yer açın və yağı və suyu töküb qarışdırın. Daha sonra xəmiri yoğurub, üzərini ya streçlə ya da dəsmalla bağlayın. Təxminən yarım saat qalsın.

İçlik üçün isə, ilk öncə soya qiyməsinin üzərinə qaynar su tökün, 20 dəqiqə qalsın. Sonra bütün tərəvəzləri xırda-xırda doğrayın və əlinizlə suyunu sıxın ( çünki suyu daha sonra xəmiri cıra bilər ). Soya qiyməsinin də suyunu süzüb, tərəvəzlər, ədviyyatlar, yağ və tomat pastası ilə yaxşıca yoğurun.

Daha sonra şişmiş xəmiri iki hissəyə bölün ( ya da istədiyiniz ölçülərə) və açın.

Bişirmə kağızının üzərinə qoyun və hazır içliyi xəmirin üzərinə yayın.

180 dərəcəli sobada 25-30 dəqiqə bişirin

Bişdikdən sonra üzərinə cəfəri, limon və sumaxlı soğan qoyub, nuş edin.

Sonda, bu prestijli cəmiyyətə @steemfoods və @alikoc07 -yə bizə reseptlərimizi öyrənib paylaşa biləcəyimiz bu məkanı təqdim etdikləri üçün təşəkkür etmək istəyirəm.

Bu yazıdan əldə edilən mükafatların 50% -i, ehtiyacı olanlara kömək etmək və dəstəkləmək üçün @ sf-xeyriyyə hesabına gedir.

Bütün fotoşəkillərin müəllifi mənəm və Redmi cib telefonu ilə çəkilib