ANG PAGSINTA NG ISANG MAGINOO
Pawis na tumatagaktak, sa bukirin ay magdamag
Kumukulong tiyan at sikmurang kinakabag
Mayroon pa kayang iibig sa akin na dilag?
Aking naaninag sa sapa ay may nagtatampisaw
Pulutong ng kababaihan, hagikhik ay umaalingawngaw
Aking pansin ay napukol sa binibining nangingibabaw.
Batya at pamalo ang kanyang tangan, daig pa si Dagohoy
Ako’y napangiting lihim sabay ng sabon na dumadaloy
Dagliang napahanga ang puso kong hindi pusoy.
Lumang gitara ay hinanap at pinunasan ang maruming kuwerdas
Sa aking tampipi ay may gunting na sa buhok ay pantabas
Pilit na iginupit kahit wala na itong talas.
Takip-silim na nang ako’y dumating sa harap ng pintuan
Nagsimula akong bumigkas ng himig sa saliw ng tugtugan
Datapwa’t sa totoo lamang tuhod ay halos mag-atrasan.
Salamat sa iyong inay at ako’y pinatuloy muna
Tayo ay naupo ngunit pumagitna ang iyong ama
Labis ang kanyang pagbabantay sa anak na kaisa-isa.
Nagkasya na lamang ako na ikaw ay sulyapan
Kahoy ay aking sinibak at ako ay nanilbihan
Tanging hiling ng iyong ama’t ina upang ako’y sang-ayunan.
Wala akong hindi kakayanin ikaw lamang ay maging katipan
Sinuyo ko ang iyong magulang at nakuha rin kanilang kalooban
Ngayon ikaw ay akin na at aking kasintahan.
Hindi ko mawari ngunit luha ko’y pumatak na tila ulan
Akin nang nasa harap ang matagal kong pinangarap alagaan
“Ikaw lamang ang iibigin hanggang sa aking kamatayan.”
Inilathala: Enero 29, 2018
https://www.pexels.com/photo/adult-art-barren-beautiful-417040/
Good written mam :)
Thank you so much :)
Ganda ng tula..god bless
Maraming salamat po :)
Before marrying my husband, and even until now, I am telling him, ikaw at ang ating anak, kayo lamang ang aking paka-iibigin hanggang kamatayan. 5 years na kaming mag asawa, at dasal ko sa May Kapal, bigyan pa niya ako ng mahabang oras sa aking pamilya upang ipadama ko sa kanila kung gano sila kahalaga sakin.
God will surely answer your prayers ma'am, mabuting asawa at ina po kasi kayo :)
we are so lucky to have some who will love us, no matter what
Indeed sir, your wife and daughter is lucky to have you :)
very nice pam ^_^
Thank you sir :)
uh huh. beauiful poem! thanx. :)
ps. i follow u, u follow me.
Yes I will always remember that, you are on my list hehe
:P u know i was joking right? i only got about 2% of what u said, but i just know it was great!..
galing mo palang gumawa ng tula madam :)
Salamat po madam ;D
Its a wonderful poetry,nice post
salamat kaibigan ;)
Nice poem, keep it up.
thank you for appreciating :)