අදුරු ජාලය හෙවත් dark web යනු කුමක්ද ?

හැමෝටම සුබ දවසක් වෙන්න කියල පතන ගමන් අද මං කතා කරන්න යන්නේ ටිකක් වෙනස් ක්ෂේත්‍රයක් ගැන. ඉතින් මං හිතනවා ඔයාලා ඔක්කොම මේ dark web එක ගැන දැනගන්න කැමති වෙයි කියලා. මමත් මේ සම්බන්ධව විශේෂඥයෙක් නොවුනත් පොඩි research එකක් කරලා හොයාගත්ත කරුණු එක්ක මේක ලියන්න හිතුනා. මේ ලිපිය තුල වෙනස් විය යුතු දේවල් තියනවා නම් මාව නිවැරදි කරන්න කියලා ඔයාලගෙන් ඉල්ලනවා . එහෙනම් අපි යමු dark web එක පැත්තට .

_{මූලාශ}

මේ ලිපිය තුලින් මම බලාපොරොත්තු වෙන්නේ මේ සංකල්පය පිලිබදව සමජගතවෙලා තියන මතය නිවැරදි එක නොවෙයි කියන එක පමණයි, මේ මගින් කිසිසේත්ම අදුරු ජාලය සදහා පෙලබවීමක් කරන්නේ නැති බව මුලින්ම කියන්නට ඕන. dark web කියපු ගමන් මතක් වෙන රූපය තමයි හැකර් කියන සංකල්පය මොකද කියනවා නම් සම්මුති නොමැති වීම නිසා මෙය ඔවුනට කියපු තෝතැන්නක් නමුත් කියන තරම් dark web එක නපුරු තැනක් නොවන බවත් අපි මේ භාවිතා කරන අන්තර්ජාලය සොදුරු යහනක් නොවන බවත් මතක තියා ගන්නම ඕන.

අදුරු ජාලයේ ඉතිහාසය

1990 වකවානුවේ ඇමරිකාවේ ආරක්ෂක කටයුතු හා සම්බන්ධවූ සංවේදී දත්ත හා තොරතුරු ආරක්ෂා කරගැනීමේ අරමුණින් නිර්මාණය වූ මෙවලමක් විදියට මේ සංකල්පය හදුන්වන්න පුළුවන්. එමනිසා සාමන්‍ය පරිශීලකයන් හට මේ දත්ත හට ලගා වීමට හැකියාවක් නොමැති නිසා තම ආරක්ෂක කටයුතු වලට මනා පිටිවහලක් සපයා තිබෙනවා. මතුපිට ජාලය තුල සැරිසැරීමතම අනන්‍යතාවය තහවුරුවන කරුණක් නිසා ඇමරිකා එක්සත්ජනපද නාවික හමුදාව විසින් TOR නොඑසේනම් The Onion Routing නම් ක්‍රමවේදය භාවිතා කරන ලැබුවා, මේ ක්‍රමයේ ප්‍රධාන වාසිය නම් තමා සිටින ප්‍රදේශය තහවුරු කරගැනීමට අවස්ථාවත් අත් නොවීමයි. උදාහරණයක් වශයෙන් අප එකරටක යැවූ දත්ත තම මාර්ගය කිහිප වරක් වෙනස් කෙරීමෙන් පසුව නිශ්චිත ඉලක්කය කර ළගාවීමට පෙළබේ. මේ හේතුව නිසා මෙය හමුදාමය අවශ්‍යතා සඳහා ඉතාමත් විශ්වාසවන්ත ක්‍රමයක් විය.

කියන තරම් භයානක දෙයක්ද මේක ?

dark web කියලා කියපු ගමන් අපිට හිතෙන පළමු දෙය තමයි අමුතුම ආකාරයේ බියකරු බවක් ඇති දෙයක් කියලා. නමුත් එය හුදෙක්ම තාක්ෂණික යෙදුමක් පමණක් බව මතක තබා ගන්නට ඕනේ. මොකද කියනවා නම් අපි මේ තුලට පිවිසි පමණින් අමුතු දෙයක් සිදුවන්නේ නැහැ. නමුත් මා ඉහත කී පරිදි සම්මුත නොමැති නිසා විවිධ වූ ජුගුප්සාජනක දේවල වලට නිරාවරණය වීමට ඉඩ තිබෙනවා. නොඑසේනම් සාමාන්‍ය වෙබ්අඩවියකට පිවිසීමක් හා සමානයි, නමුත් ඔබ එහි යමක් මිලදී ගැනීම, බාගත කෙරීම වැනි දේ කිරීමට යාම නිසා විටක විවිධ malware ඔබේ පරිගණකය තුලට ඇතුළුවීමට පුළුවන්. එනිසාම හැකර් කෙනෙකුගේ ග්‍රහණයට හසු වීමටත් ඔබේ සංවේදී දත්ත සොරකමට ලක්වීමටත් ඉඩ තිබෙනවා. වාර්තා වලට අනුව බොහෝ අපරාධ වලට රුකුල් දෙන ස්ථානයක් කියලා කියන්නත් පුළුවන්. විවිධ ගිනිඅවි වෙළදාම්, මත්ද්‍රව්‍ය අන්තර්ජාතික වශයෙන් හුවමාරු වන ස්ථානයක් ලෙස හදුන්වන්න පුළුවන්. ඩිජිටල් මුදල් නැත්නම් ක්‍රිප්ටෝ භාවිතා කරමින් මේ අදුරු ජාලයේ මිලදීගැනීම් කරන්නට පුළුවන් නමුත් එය හුදෙක් ඔබේ ජීවිතය වෙනස් මානයකට අද දමන්නක් විය හැකි මන්ද බොහොමයක් ගණුදෙනු කූට ඒවා වීමත් ආරක්ෂක අංශ මේ පිලිබදව ඉතමත් අවධානයෙන් සිටීමත් නිසා නොදැනුවත්ව විශාල ගැටළු වලට මුහුණදීමට සිදුවිය හැක.

මෙය යහපත් ආකාරයට භාවිත වූ අවස්ථා ද අපට ඉතිහාසය පිරික්සීම මගින් සොයා ගන්නට පුළුවන්. නිදසුනක් වශයෙන් යම් රටක මානව හිමිකම් කඩවීම් නීතිය ක්‍රියාත්මක නොවීම සහ සියලුම සමාජ මාධ්‍ය අහුරා ඇති අවස්ථාවක එම පුරවැසියන්ට මේ අදුරු ජාලය හරහා තම අනන්‍යතාවය රැකගෙන තම අදහස් ලොවට ප්‍රකාශ කිරීමේ හැකියාව පවතිනවා.

_{මූලාශ}

තවද මා ඔබට කියන්නට කැමති අදුරු ජාලයට පිවිසීමෙන් වලකින හැටියට , මන්දයත් සම්මුති හා නීති නොමැති ස්ථානයක අතරමං වීමේ සම්භාවිතාව ඉහල බැවින් , දැනුම සොයන්නට කැමති අයට ම වෙබ්අඩවි කිහිපයක යොමු පහලින් සදහන් කරන්නම්. එහෙනම් තවත් දවසක හමුවෙමු.

දැනුම සොයන්නන් හට ,

• https://us.norton.com/internetsecurity-emerging-threats-what-is-the-deep-dark-web-30sectech.html

• https://en.wikipedia.org/wiki/Dark_web

• https://us.norton.com/internetsecurity-how-to-how-can-i-access-the-deep-web.html

D 😉