ඇදිරි නීතිය | 5% to SL Charity

ඒ වෙලේ මමය් මගේ යාලුවය් පුස්තකාලෙට වෙලා හිටියේ. කොච්චර වැඩ කරන්න ආවත් ෆෝන් එක දැක්කම ඉබේම ඒක අතට අරන් වට්ස් ඇප් ඕපන් කරලා ඉවරය් බලද්දී ඉදලා හිටලා. ඉතින් ෆෝන් එක නොපෙනෙන්න තියන් ඉන්නේ වැඩ කරද්දි වෙලාවකට. කලින් කිව්වා වගේම වැඩ කර කර ඉද්දි කම්මැලි හිතිල ෆෝන් එක ගනිපු වෙලාවක දැක්කා එක ස්ටේටස් එකක්. ඒක ඒ වෙලේම දාපු එකක්. ඒකෙන් කිව්වේ ඒ දවසේ හවස 6ට ඇදිරි නීතිය දාන බව ඊට පස්සේ දවසට පස්සේ දවසේ උදේ හය වෙනකන්. ඒ කියන්නේ සදුදා උදේ හය වෙනකන්. මුලින් හිතුනේ මේ ආරන්චිය ආව දවස සිකුරාද කියලා. ඉතින් එක පාරට බය හිතුනා දවස් දෙකක් ඉන්න වෙනවානේ කියලා. ඉතින් මන් මගේ යාලුවටත් මන් දැක්ක දේ කිව්වා ඉක්මනට. එයාත් බය උනා.

පුස්තකාලේ වටපිට බැලුවාම මුලින්ම බලද්දි කිසි කෙනෙක් කලබලයක් නෑ . පාඩුවේ වැඩ. අපි බැලුව අපට වැරදි ආරන්චියක් වත් ලැබිලාද කියලා. අපි කෝකටත් අපේ බඩු ටික ලෑස්ති කරගත්තා. ඔන්න විනාඩියක් දෙකක් යද්දි පුස්තකාලේ ඉදපු අනිත් ලමයිනුත් පොඩි පොඩි සද්ද කරන්න ගත්තා. ටිකකින් කඩි රැල වගේ ඇවිස්සුනා.

ඇදිරි නීතිය දානවා කියලා කිව්වාම මුලින්ම මතක් උනේ ඊලග දවස් දෙකේ කන්නෙ බොන්නෙ කෝමද කියලා.ඒ දවස් දෙක සෙනසුරාද ඉරිදා නිසා වෙනදාට ඇරලා තියේන එකම කැන්ටිමත් වහලා. ඉතින් අපි දෙන්න කීල්ස් එකට දුවන්න කතා උනා. මන් ඉක්මනට @sandun98 ට කෝල් කරා එයත් අපේ ගමනට සම්බන්ද උනා.

ඉක්මන්ට කීලස් එකට ගොඩ උනාම දැක්කේ අපි ටිකක් කලින් ඇවිල්ලා. අපි ගියාට පස්සේ මාරම විදියට සෙනග ගොඩක් ආවා. අපි ආව ගමන් දුවන් ගිහින් පාන් ගෙඩියක් ගත්තේ. ඒ වගේම තියන් කන්න ලේසි වෙන්න බිස්කට්, කෙසෙල් ඇවරියක්, ඇස්ට්‍රා එකක් වගේ බඩු ටිකක් ගත්තා වෙන කන්න විදියක් නැති උනොත් ඒවා හරි කාලා ඉන්න. මුලින් නූඩ්ල්ස් මතක් උනේ නෑ. පස්සේ එතනට යද්දි අපි හොයපු වර්ගේ තිබුනේ නෑ .ඒත් පස්සේ හිතුනා වෙන එකක් හරි ගත්තා නම් හරී කියලා. කෝම හරි ඉක්මනට අපේ බඩු ටික අරන් ආවා එලියට සෙනග අස්සෙන්.

අපි ඉක්මනට ආවේ වාසනාවකට කියලා හිතුනා. අපි ටිකකින් බලද්දි පාන් මුකුත්ම නෑ . නූඩ්ල්ස් ඔක්කොම ඉවරය්. අපේ බාශාවෙන් කිව්වොත්‍ රොඩ්ඩක් වත් නෑ. කැම්පස් එකෙ ගොඩක් ලමය් ඇවිල්ල තිබුනා කීල්ස් එකට.ඒ ගොඩක් අයගෙ අතේ තිබුනේ බිස්කට්, නූඩ්ල්ස් , කෙසෙල් වගේ දේවල්.

පස්සේ රෑ වෙද්දි අපට ෆෝන් නම්බර්ස් වගේකුත් ලැබුනා ලගටම කෑම ගෙනල්ල දෙන්නම් කියලා කියපු කඩවල් වල. ඉතින් කෑම නම් අඩුවක් උනේ නෑ. ඔලුවට දැනුන මානසික පීඩනේ එක්ක වෙනදාටත් වැඩියෙන් කෑවා කියලා ත් හිතෙනවා. කෝම හරි අර කීලස් එකෙ තියෙන දිගම දිග පාන් ගෙඩියට නම් ඉක්මනටම අපි වැඩේ දුන්නා😂