අඹ වාරේ | 5% to SL Charity

අපට මේ පාර වෙනදා තරම් අවුරුදු උනුසුම දැනෙන්නේ නැති උනත් මේ අවුරුදු මාසේනේ. වෙනදා උනා නම් මේ වෙද්දි ගෙවල් දොරවල් කල එලි වෙනවා කැවිලි පෙවිලි හදනවා අලුත් ඇදුම් ගන්නවා. ගොඩක් ගොඩක් අලුත් දේවල්. ඒත් මේ රටේ තියෙන වාතාවරනය එක්ක මිනිස්සුන්ට අවුරුද්ද සමරන්න මානසිකත්වයක් වගේම ආර්තික හැකියාවක් නැති නිසා මේ පාර අවුරුද්ද ජයට සැමරෙන ලකුනු නෑ. ඒ මිනිස් අපට දැනෙන දේවල්නේ.

මන් මේ කියන්න යන්නේ අවුරුද්ද ආව බව අපට කියන වෙන දෙයක් ගැන. මිනිස් අපි අවුරුද්ද සූදානමක් නැතත් ඒක නොදන්න පරිසරය නම් අවුරුද්ද සූදානම් වෙන බවට ලකුනු තියෙනවා. එයින් එකක් තමය් අඹ ගහ.

අඹ කියන්නෙ අවුරුද්ද පුරාවටම කඩවල් වලින් ගන්න පුලුවන් පලතුරක් උනත් ඒක බහුලවම හැදෙනවා අවුරුද්ද කිට්ටුව. ගෙවල් වල තියෙන ගස් අඹ වලින් පිරිලා යනවා වගේම හැම තැණම අඹ මිලදී ගන්න තියෙනවා. මේ දවස් වලත් අන්න ඒ වගේ අඹ වාරයක්.

අඹ වාරේ කිව්වාම මට මතක් වෙන්නේ අපේ මිදුලේ තිබුන ලොකු අඹ ගහ. ඒක රට අඹ ගහක්. ඒකේ මේ කාලෙට එනවා ගෙඩි සෑහෙන්න ගොඩක්. ඒ ගහේ අඹ ගොඩක් රහය් පනුවෝ එහෙම නෑ. ඒනිසා කව්රුත් ආසය් ඒකෙන් කන්න. ඉදුනු ගෙඩි උදේට බිම වැටිලා තියනවා. ඉතින් වාරේ ආවම තාත්තාට අලුත් රාජකාරියක් තියෙනවා. එයා උදේම කොහොමත් අවදි වෙන නිසා එයා අඹ ටික ඇහිදලා තියනවා. ඉතින් අපිත් නැගිටලා දුවන් එන්නේ අඹ ඇහිදින්න. අපි බලද්දි අඹ නෑ. එතකොට අපි දන්නවා තාත්තා ඒව කලින්ම ඇහිදලා කියලා. ඒ කාලෙට සෑහෙන්න අඹ කනවා ඉස්සර. දැන් අවාසනාවකට ඒ ගහ නෑ. ඒත් තවම මතක් වෙනවා අඹ වාරෙට ඒක.

දැන් ඉතින් කලින් වගේ ඕන තරම් කන්න ගෙදර ගහක් නෑනේ. එත් මේ පාර කැම්පස් එකේ ඉද්දි යාලුවෙක්ගෙන් ලැබුනා අඹ මල්ලක්. ඒකේ මුල්ම ගෙඩිය කපද්දි පනුවො ඉදපු නිසා හරි පරිස්සමෙන් ඒක කෑවේ. ඒක කද්දිත් මට අපේ ගහ මතක් උනා.

ඒ වගේම අපෙ මල්ලි අරන් ආව අමු අබයක්. මන් ඒ වෙලේ කර කර ඉදපු වැඩෙත් නවත්තලා ඒක මිරිස් දාන් හදන් ආවා. අම්මටය් තාත්තටය් කිව්ව මෙන්න කන්න කියලා සද්ද නෑ. මල්ලිත් පේන්න හිටියේ නෑ. ඉතින් මන් කන්න ගත්තා. ටිකකින් බලද්දි මන් නොදැනීම ඔක්කොම ටික කාලා.

ඉතින් තවම ගස් වල අඹ තියෙනවා. බලමුකෝ ආයෙම අඹයක් කන්න ලැබෙන්නේ කවදාද කියලා.