රට වෙනුවෙන් ❤️

() අපේ රටට මේ වෙනකොට වෙලා තියෙන දේ වැටිල තියෙන තත්වය අමුතුවෙන් කියන්න ඕන නෑ . මිනිස්සුන්ට රට එපා වෙන තරමටම මේ පාලකයන් මේ රට විනාශ කරල ඉවරයි . ඊයෙ තවත් ගණනකින් පෙට්‍රල් මිල හා ඩීසල් මිල වැඩි කරල මිනිස්සුන්ව තවත් අසරණ තත්වයට පත් කරන්න තරම් මේ පාලකයන් කෲර උනා. අවුරුදු එකක් දෙකක් නෙවෙයිනෙ අවුරුදු හැත්තගානක් මේ අමන පාලකයන් විසින් මාරුවෙන් මාරුවට කරේ මේ රට විනාශ කරපු එක විතරයි . ඉතින් අසරන මිනිස්සු අවුරුදු ගානක් හිතේ තද කරගෙන හිටිය දුක , වේදනාව හා තරහව අන්තිමට මහා සෙනගක් ගෝල්ෆේස් එකට එකතු කරන්න සමත් වුනා.

අපි වෙනද දැක්කෙ පැය තුනෙන් හතරකින් ඉවර වෙන උද්ගෝශණ හා පෙලපාලි. නමුත් මේක ඊටහාත්පසින්ම වෙනස් එකක් වුනා. මිනිස්සු දවසක් දෙකක් නෙවෙයි අද වෙනකොට අඛණ්ඩව දවස් දහයකට වැඩි ගණනක් මේ පාලන ක්‍රමයට එරෙහිව එකතු වෙලා ඉන්නව. ජාතිබේද ආගම්බේද කිසිම දෙයක් ඔවුන් අතර නෑ. ඒක හරිම ලස්සන දෙයක් .මේ පාලකයන් හැමදාම කරේ මිනිස්සුන් අතර ජාතිබේද ආගම්බේද ඇති කරපු එක විතරයි. ඉතින් මේ සහෝදර බැදීම ඇතිවීමම තරුණයන් විදියට අපි ලබපු ලොකු ජයග්‍රහනයක්. සින්හල , මුස්ලිම් , දෙමල කියල කිසි වෙනසක් නැතුව හැමෝම එකිනෙකාට උදව් කරගන්නව .

ඉතින් මිනිස්සු කිසිම පක්ශයක මැදිහත්වීමකින් තොරව රට වෙනුවෙන් සහ අපේ අයිතිවාසිකම් දිනා ගැනීමට පෙරට ඇවිල්ල තියනවා. පෞද්ගලික විශ්ව විද්‍යාල රජයේ විශ්ව විද්‍යාල කියලා වෙනසකින් තොරව එකම අරමුණක් වෙනුවෙන් අද එකට එකතු වෙලා තියෙනවා . ඉතින් NDES අපිත් ඊයෙ දවස අරගලය වෙනුවෙන් වෙනුවෙන් වෙන් කරා . කොහොමහරි අපි හැමෝගෙම බලාපොරොත්තුව රට වැටිල තියෙන තත්වයෙන් ගොඩගැනිමයි . ඒක ඉක්මනින් සිදුකිරීමට හැකි වන තෙක් ශ්‍ර්‍රීලාංකිකයන් විදියට අපි හැමෝම දෑස් දල්වා බලාගෙන ඉන්නව.