SRI LANKA CAN 😍 - 5% for SL Charity
ඉතින් හැමෝම පරිස්සමෙන් ඇති කියල හිතනව. ඉතින් මේ දවස් වල මිනිස්සු ටිකක් හරි සැනසීම ලබන්නෙ ක්රිකට් වලින්. අපේ කොල්ලො ටිකත් පුලුවන් විදියට මිනිස්සු සතුටු කරන්න උපරිමය කරනව. පහුගිය කාලෙ එකදිගට පරජයන් විතරක් උරුම කරගත්තත් දැන් අපේ කණ්ඩායම ටිකෙන් ටික දියුනු වෙමින් ප්රබල කණ්ඩායම් වලටත් හොද අභියෝගයක් වෙන්න සමත් වෙලා තියෙනව. ඉතින් අද මං ලියන්න යන්නෙ ශ්රී ලංකා කණ්ඩායම සහ ඕස්ට්රේලියා කණ්ඩායම අතර පැවති දෙවන එක්දින තරගය ගැන. දෙරට අතර පැවති විස්සයි විස්ස තරගය දෙකට එකක් ලෙස ජයගත් ඕස්ට්රේලියාව පලමු එක්දින තරගයත් තියුණු තරගයකින් අනතුරුව ජයගැනිමට සමත් වුනා. දෙවන තරගයට ශ්රී ලංකා කණ්ඩායම අවතීර්ණ වුනේ ප්රතම තරගයේදී ආබාධයකට ලක්වු ප්රබල වනිදු හසරංගද රහිතව වීම විශේශ වුනා.
පලමුව පන්දුවට පහරදීමට පැමිනි ශ්රී ලංකා ක්ණ්ඩායමට ප්රථම තරගයේ මෙන් සාර්තක වීමට ඕස්ට්රේලියානු පන්දු යවන්නන් ඉඩදුන්නේ නෑ. එහිදී කඩුලු හතරක් දවාගනිමින් ලංකා කණ්ඩායමේ පිතිකරුවන්ට ප්රබල තර්ජනයක් එල්ල කිරීමට පැට් කමින්ස් සමත් වුනා. ශ්රී ලංකා කණ්ඩායම ඉනිම අවසානයේ ලබාගැනීමට හැකිවුනේ ලකුණු 220ක් පමණයි. එකදු පිතිකරුවෙකුට හෝ අර්ධ ශතකයක් ලබාගත නොහැකි වීමද විශේශයි.
පිලිතුරු ඉනිම පිටියට පිවිසි කැංගරුවන්ගෙ ආරම්භය මදක් සාර්තක වුවත් පිතිකරුවන්ට එතරම් සාර්ථක වීමට පන්දු යවන්නන් ඉඩ දුන්නේ නෑ. පලමු තරගයේදී එතරම් අවස්තාවක් හිමි නොවූ චාමික කරුණාරත්න මෙම තරගයේදී උපරිම ඵල නෙලාගැනීමට සමත්වුණා. මැක්ස්වෙල්ගේ ඉනිම නිමාකිරීමත් සමග තරගය සම්පූර්ණ ශ්රී ලංකා කණ්ඩායම දෙසට හරවාගැනිමට වේග පන්දු බලඇණිය සමත්වුණා. ඒ අනුව DLS ක්රමයට අනුව හිමිවූ ඉලක්කය වූ 216 හබායාමේදී කැංගරුවන්ට ලබාකරගත හැකිවුනේ ලකුණු 189ක් පමණයි. ඒ අනුව පන්දු යවන්නන්ට සියලු ගෞරව අත්කර දෙමින් දෙවන තරගය ජයගැනීමට ශ්රී ලංකා කණ්ඩායම සමත් වුනා.
ඊයේත් දිනන්නනේ දැන් ඉතින් මරුම තමයි😍
ඔව්ව් 😎😎😎