Remember the Name "Dasun Shanaka"
ශ්රී ලංකාව හා ඕස්ට්රේලියාව අතර පැවති විස්සයි විස්ස තරගාවලිය සුවහසක් ක්රීඩාලෝලීන් බලන් හිටියේ තරගාවලි ජයක් ලබාගනීයැයි බලාපොරොත්තුවෙන් වුනත් අවාසනාවට තවත් තරගයක් ඉතිරිව තිබයදීම එය ලෝකශූර ඔස්ට්රේලියාවට ලබාදීමට අපිට සිදුවුනා. ඕස්ට්රේලියාවත් තම ප්රබලම කණ්ඩායම මෙම තරගාවලිය සදහා එක්කර තිබුණ් අතර දෙවන තරගයේදී යම්කිසි පීඩණයක් එල්ල කිරීමට වනිදු හසරංග ප්රමුඛ අපේ පන්දු බලඇණියට හැකිවුණා.කෙසේ හෝ අවසන් තරගය පැවතියේ පල්ලෙකැලේ ජාත්යන්තර ක්රීඩාංගණයේදීයී. සුපුරුදු පරිදි කාසියේ වාසිය දිනාගත් ෆින්ච් මෙම තරගයේදී පන්දුවට පහර දීමට තීරණය කරා . නායකයාගේ තීරණය සාර්තක තීරණයක් බවට පත්කර පිතිකරුවන් ශ්රීලංකා පන්දුයවන්නන්ව මනාසේ හසුරවමින් ලකුණු 177 ක දැවැන්ත ඉලක්කයක් ලබා දුන්නා.
චරිත් අසලංක සැලකිය යුතු ඉනිමක් ක්රීඩා කලත් ඉනිමේ මුල් භාගයේදී ජයග්රහනයනම් පෙනන මායිමක තිබුනෙ නෑ. කඩුලු දැවීමත් සමග පිටියට පිවිසි කලින් තරග දෙකේම අඩුලකුනු වලට දැවීගිය දසුන් ශානකත් පන්දු දොලහක් වැය කරමින් ලකුණු තුනක් පමණක් 17වන පන්දුවාරය නිමාවන තෙක් ලබා සිටියා. 17වන පන්දුවාරය හිමිවුනේ තරගාවලිය පුරා අතිසාර්තක පන්දු යැවිමක නිරත වුනු හෙස්ල්වුඩ් හටයි. ඔහු ඒ වන විටත් තම පන්දුවාර තුනේදී කඩුලු දෙකක් දවාගෙන ලබාදී තිබුනේ ලකුණු දහයකටත් අඩු ගණනක්. අවසන් පන්දුවා තුනේදී ලකුණු 58ක අසිරු ඉලක්කයක් කණ්ඩායමේ.නායකයා සහ චාමිකගේ කර මත වැටුණා. ඉතින් දසුන් ශානක තුල සිටි ප්රහාරාත්මක පිතිකරුවා එම පන්දුවාරයේදී අවදිවුනේ දැවැන්ත හයේපහරවල් දෙකක් සහ හතරේ පහරවල් දෙකක් සමගින් ලකුණු 22ක් ලබාගනිමින්. 19වන පන්දු වාරයේදීත් ක්රියාත්මක වු දසුන් ලකුනු 16ක් එම ඕවරයේදී ලබා ගනිමින් තීරණාත්මක අවස්න් පන්දුවාරය කරා පැමිණියා.
රිචඩ්සන්ට හිමිවූ අවසන් පන්දුවාරයේ පන්දු දෙකක් ගතවන තුරුත් දැවැන්ත පහරක යෑමට නොහැකි වුන දසුන් අවසන් පන්දු හතර තමන්ගේ කරගනිමින් ලකුණු 15ක ඉලක්කය හබායෑමට පලමු හතරේ පහර තම පිත්තෙන් දියත් කරා . කීඩාංගණය පුරා පැතිරුණු ප්රීතී ඝෝශා මැද්දේ ඊලග පන්දුවටත් එල්ල කල ප්රබල හතරේ පහරත් සමගින් පන්දු දෙකකදී අවශ්ය වුනේ ලකුණු 7ක් පමණයි. දෑස් දල්වා බලාසිටි සුවහසක් ක්රිකට් ලෝලීන්ගේ දෙනෙත් වලට සතුටු කදුලු ගෙනඑමින් ඊලග පන්දුවට දැවැන්ත හයේ පහරක් එල්ල කරමින් තම අර්ධ ශතකයත් තරගයේ ලකුණු සම කිරීමටත් මේ අද්විතීය ක්රීඩකයා සමත් වුනා. ඊලගට එල්ල කල වයිඩ් පන්දුවත් සමගින් තරගයේ ජය ලබාගැනීමට ශ්රී ලංකා කණ්ඩායමට හැකිවුන අතර ජය ලැබිමෙන් පසු දසුන්ගේ පිත්ත ඉහලට ඔසවමින් සියලු ප්රේක්ශකයන්ට ආචාර කලේ රැස්ව සිටි සියල්ලන්ගේ පමණක් නොව තිරය හරහා තරගය නැරබූවන්ගේද දෑස් තෙත් කරමින්. ඉතින් ඒ අයුරින් කිසිදා අමතක නොවන තරග ජයක් ලබාගැනීමට දසුන් ශානකගේ මනරම් නායකත්ව ඉනිම නිසා හැකිවුණා.
Last over ekanm supiriyi.... eka mathaka tiyagenawath minissu ape team eka match ekaking paradunoth team ekatama banina eka adu kaloth hodai 😔
Ou aka aththa 🙂