කොදෙව්වන්ට අසුභයි

ක්‍රිකට් උණුසුමත් එක්ක ගත වෙන මේ දවස් කීපය ඉතිං ශ්‍රී ලංකා ක්‍රිකට් රසිකයින්ට නං සතුට දෝරේ ගලන දවස් කීපයක්. ශ්‍රී ලංකා කණ්ඩායමට ලෝක කුසලානය සඳහා තරග වැදීමට සුදුසුකම් ලැබීමේ වටයෙන් ජයග්‍රහනය කොට පැමිණීමට සිදු වුණත් තමන් ඊට සුදුසු නොවන බව මහීශ් තීක්ෂණ කියන්නා සේම ඔප්පු කිරීමටත් ශ්‍රී ලංකා කණ්ඩායම සමත් වුනා.සුදුසුකම් ලැබීමේ වටයේ දී තමන් තරග වැදි තරග සියල්ලම පාහේ ජයගත් ශ්‍රී ලංකා කණ්ඩායමට අවසාන තරගය යෙදුණේ එකල ප්‍රබල කණ්ඩායමක් වූ බටහිර ඉන්දීය කොදෙව් කණ්ඩායම සමඟයි. ඇත්තටම ඒ කාලේ අති දක්ෂ කණ්ඩායමක් වූ බටහිර ඉන්දීය කොදෙව් කණ්ඩායම අද ඉන්න තත්ත්වය ගැන නම් ශ්‍රී ලංකා ක්‍රිකට් රසිකයින් විදිහට අපිටත් සතුටු වෙන්න බැහැ. මොකද ශ්‍රී ලංකාව හැරුණු කොට අපි තවත් ආස කරන ටීම් එකක් තමයි කොදෙව් කණ්ඩායම කියන්නේ. කොහොම හරි ජයග්‍රාහි මානසිකත්වයෙන් සිටි ශ්‍රී ලංකා කණ්ඩායම මේ තරගයටත් පිවිසුණේ ජයග්‍රහණයකින් තරගාවලිය අවසන් කිරීමටයි.මේ අනුව කාසිය වාසිය ජයග්‍රහණයකට දසුන් ශානක ප්‍රථමයෙන් පන්දු යැවීමට තීරණය කළා.

ජය පැරදුම කෙසේ වෙතත් ලෝක කුසලානයට සුදුසුකම් ලබා සිටි ශ්‍රී ලංකා කණ්ඩායම මෙම තරගයට පිවිසුණේ ප්‍රබල වෙනස්කම් දෙකකින් ද සමගයි.ඒ අනුව වනිදු හසරංග හා ධනංජය ද සිල්වා විවේක ගන්වා දුෂාන් හේමන්ත සහන් ආරච්චිගේ තරඟයට කැඳවා තිබුණා.පලමු පන්දුවාර කිහිපයේ දී ක වත් ආරම්භයක් ලබා ගත්තත් එය දිගටම පවත්වා ගැනීමට මෙම තරග කිහිපය කිහිපයම අතිසාර්ථක වූ මහීශ් තීක්ෂණ ඉඩ ලබා දුන්නේ නෑ.ඒ අනුව මුල් ල්කඩුලු කිහිපය සාර්ථකව දවා ගනිමින් කොදෙව්වන් තමන් පාලනයට ගත්තත් තුන් ඉරියව් ක්‍රීඩක Carty විසින් ශ්‍රී ලංකා පන්දු යවන්නන්ට රිසි සේ පහර දෙමින් කොදෙව් ලකුණු පුවරුව 243 ක් දක්වා ඉහළ නැංවීමට සමත් වුණා.ඔහු ලබා ගත් පෞද්ගලික ලකුණු සංඛ්‍යාව 87ක්. විශිෂ්ට පන්දු යැවීමක නිරත වූ මහීශ් තීක්ෂණ ලකුණු 34කට කඩුලු 4ක් දවා ගැනීමට සමත් වුනා.

පිළිතුරු ඉනිම ක්‍රීඩා කිරීමට පැමිණි දිමුත් සහ පැතුම් වාර්තාගත සබඳතාවක් පවත්වමින් පළමු කඩුල්ලට ලකුණු 190 රැස් කිරිමට සමත් වුණා.දිමුත් කරුණාරත්න ලකුණු 83ක් ලබා ගැනීමට සමත් වූ අතර පැතුම් වටිනා ශතකයක් රැස් කිරීමට සමත් වුනා.ඒ අනුව පන්දුවාර 44යි පන්දු 2කදී කඩුලු දෙකක් පමණක් දැවී එම ඉලක්කය පහසුවෙන් ජය ගැනීමට ශ්‍රී ලංකා කණ්ඩායම සමත් වුනා. මේ ශ්‍රී ලංකාව නොකඩවා ජයගත් හත්වෙනි එක්දින තරඟයයි.ඉතින් මෙහි අවසන් මහා තරගය ලෝක කුසලනායට සුදුසුකම් ලැබූ ශ්‍රී ලංකා කණ්ඩායම සහ නෙදර්ලන්ත කණ්ඩායම අතර අද පැවැත්වීමට නියමිතයි.