KIWIS Again😍

_source

ඉතින් යාළුවනේ අද ලියන්න යන්නෙත් ක්‍රිකට් හා සම්බන්ධ දෙයක් ගැන.මොකද ශ්‍රී ලංකාව සහ නවසීලන්තය අතර විස්සයි විස්ස සහ එක්දින තරඟාවලිය හිටින ආරම්භ වීමට නියමිතයි.ඉතින් ඒ හින්දම මේ ගැන නොලිය ඉදලා බැහැනෙ.කොහොම හරි නවසීලන්ත කණ්ඩායම පසුගිය දවසේත් ශ්‍රී ලංකාව සමග ටෙස්ට් තරගාවලියක් ක්‍රීඩා කළ අතර එයින් නම් තරග දෙකම ඔවුන්ට පරාජය වීමට සිදුවුණා.එහිදී ශ්‍රී ලංකා කණ්ඩායමේ පිතිකරුවන් සහ දගපන්දු යවන්නන්ගේ විශිෂ්ට ක්‍රීඩා විලාශය නිසා තරගාවලිය පහසුවෙන් ජය ගැනීමට අපේ කණ්ඩායමට හැකි වුණා.ඉතින් මෙවර නම් මොවුන් පැමිණෙන්නේ එක් දින සහ විස්සයි විස්ස තරඟාවලියකට පමණයි.නවසීලන්ත කණ්ඩායම ශ්‍රී ලංකාවට එරෙහිව ටෙස්ට් තරඟාවලිය පරාජය වුණත් ඉන්දියාවේදී ඉන්දියාවට එරෙහිව පළමු වරට පෙරළිකාර තරගාවලි ජයක් ලබන්නට ඔවුන් සමත් වුණා.

ඉතින් ඒ නිසාම ශ්‍රී ලංකාපු සහ නවසීලන්ත යන කණ්ඩායම් දෙකම මෙම තරගාවලියට පැමිණෙන්නේ හොඳ යහපත් මානසිකත්වයකින් යුතුවයි.ශ්‍රී ලංකා කණ්ඩායමෙන් නායකත්වය චරිත් අසලංක හොබවන අතර නවසීලන්ත කණ්ඩායමේ ජේෂ්ඨ ක්‍රීඩකයන් කිහිපයක්ම තරඟාවලියට සහභාගී වන්නේ නැහැ.ඉතින් තරගාවලියේ විස්සයි විස්ස තරඟ දෙක හෙට සහ අනිද්දා පැවැත්වීමට නියමිතයි.තරග දෙකම රංගිරි දඹුලු ක්‍රීඩාංගනයේදී ක්‍රීඩා කරන අතර රාත්‍රී 7ට ආරම්භ වෙනවා.ඉතින් බටහිර ඉන්දීය කොදෙව් කණ්ඩායම සමගම ක්‍රීඩා කළ ශ්‍රී ලංකා කණ්ඩායම මෙම තරගාවලියේදීත් බොහෝ දුරට සුළු වෙනස්කම් සහිතව තරඟ වැදීමට නියමිතයි. ඉතින් ශ්‍රී ලංකා කණ්ඩායම මෙම තරගාවලියත් සාර්ථකව නිම කරනු ඇතැයි ක්‍රිකට් රසිකයන් විදියට බලාපොරොත්තු වෙනවා.