හීන සහ මිනිස්සු

හැමෝම පරිස්සමෙන් ඇති කියල හිතනව. ලියන්න වටින දෙයක් නොවුනත් ඇත්ත තත්වය ගැනත් මිනිස්සුන්ගෙ දුප්පත් අහින්සක හීන මේ ආණ්ඩු මාරුවෙන් මාරුවට විනාශ කරපු හැටිත් ගැන ටිකක් ලියන්න හිතුන. රටක් විදියට වැටෙන්න පුලුවන් උපරිමයටම දැන් අපි වැටිල ඉවරයි. ඒකට මේ රට පාලනය කරපු හැමෝම අඩු වැඩි වශයෙන් වගකියන්න ඕන. ඇත්තටම මං අද ලියන්නෙනම් ඒක ගැන නෙවෙයි. රටේ වැඩිපුර සිටින්නෙ දුප්පත් මිනිස්සු සහ මද්‍යම පාන්තික මිනිස්සු. මේ මිනිස්සුන්ට ලොකු ලොකු හීන තිබ්බෙ නෑ. ලොකු හීන දකින්න ඕන උනෙත් නැ. මොකද දන්නව මේ රටේ ඒව හැබෑ කරගන්න එක හීනම විතරක් නිසා. සමහරක් මිනිස්සු තමන්ගෙ හීන හැබෑ කරගන්න පිටරට රැකියාවලට ගිහිල්ල මහන්සි වෙලා හම්බකරපු අතරෙ තවත් සමහරක් මිනිස්සු කොහොමහරි ගේමක් ගහල මේ රටේ ඉදලම ගොඩයන්න විදියක් හොයාගත්ත. නමුත් මිනිස්සු ඒ ගහපු ගේම් තමන් අමාරුවෙන ගොඩනගාගත්තු ගොඩක් දේවල් දැන් ටිකෙන් ටික නැතිවෙලා යනව. මේක අද ඊයෙක වෙච්ච දෙයක් නෙවෙයි. කාලයක්.තිස්සෙ වුන දෙයක් නමුත් දැන් ඒක වෙන්න ඕන හොදටම වෙලා ඉවරයි.

කොල්ලෙක්ගෙ හීනයක් තමයි තමන්ටම කියල බයික් එකක් ගන්න එක. අවුරුදු ගානක් ජොබ් එකක් කරල වයස විසිපහක් තිහක් වෙද්දි තමන්ටම කියල බයික් එකක් නැත්නම් ඇත්තටම ඒ කොල්ල කරගත්ත දෙයක් නැති තරම්. නමුත් දැන් රටේ තත්වෙ එක්ක බයික් එකක් ගන්න තියා හිතන්නවත් පුලුවන්ද ? ලක්ශ දෙකකට වගේ තිබ්බ බයික් ලක්ශ හතරක් විතර වෙනව. වාහන ගැනනම් කතා කරන්නම බෑ.ගෙයක් දොරක් හදාගන්න මවපු හීන ඇත්තටම හීන විතරක් වෙයිද කියන සැකයත් දැන් තියෙනව. සිමෙන්ති කොට්ටයක ගාන කලින් තිබ්බට වඩා තුන්ගුනයකටත් වැඩියි.කම්බිත් ඒ වගේ තමයි ඉතින්. තිස් හතලිස්දාහක් පඩි ගන්න මනුස්සයෙක් පවුලක් නඩත්තු කරන හැටි හාස්කමක් වගේ. ඒලෙවෙල් කරන ලමයි දෙන්නෙක් ගෙදර ඉන්නවනම් පන්ති වලටම පහලොස්දාහක් විතර වියදම් වෙනව. ඒ විතරක්ද?? බයික් වලට තෙල් ගහන්න කලින්ට වඩා තුන් ගුණයක් විතර දැන් වියදම් වෙනව. ඒ අතරෙ කරන්ට් බිල , වතුර බිලත් ගෙවල ඉවර කරාම මිනිස්සුන්ට මාසෙ ගෙවන්න වෙන්නෙ හාමතේ. අපි කියන්න අකමැති වුනත් ඇත්ත ඒකයි. ඒ ප්‍රශ්න ඉතින් අපිට විතරයි. පාලකයො හම්බකරගත්ත විදිය තවත් හොදට ඊයෙ පැහැදිලි වුනා. ඒ කොහොම උනත් මේ පාලකයන් නැති කරේ කොල්ලො කෙල්ලො ගෙයක් දොරක් හදාගන්න තමන්ටම කියල වාහනයක් ගන්න මවපු අහින්සක හීන . එක දෙයක් හොදටම විශ්වාසයි .කවුරු පාලනයට ආවත් රටේ මිනිස්සුන්ගෙ දුප්පත්කමයි, දේශපාලනික නූගත්කකමයි , මොවුන් නැතිවෙන්න දෙන්නෑ. මොකද ඔවුන්ට තියෙන හොදම අවි ඒව.