ජයග්‍රාහී ආරම්භයක්

ඉතින් හැමෝම පරිස්සමෙන් ඇති කියල හිතනව. අද ලියන්නෙ ආසම දෙයක් ගැන. වෙන මොකක්ද ක්‍රිකට් තමයි ඉතින්. ශ්‍රී ලංකා කණ්ඩායමට මෙවරත් ලෝක කුසලානය සදහා ඇතුලත් වීමට සුදුසුකම් ලැබීමේ වටේට ක්‍රීඩා කරන්න සිදුවුණා. අතිවිශිෂ්ට ක්‍රිකට් ඉතිහාසයක් තිබුණු ශ්‍රී ලංකාව වගේ කණ්ඩායමක් සුදුසුකම් ලැබීමේ වටයකට ක්‍රීඩා කරනවා කියන්නේ ඇත්තටම කනගාටුවට කරුණක්.කාලයක් ක්‍රිකට් ප්‍රබලයන්ට පවා අභියෝගයක් වූ ශ්‍රී ලංකා කණ්ඩායමට දැන් ලෝක කුසලානය සඳහා තරග වැදීමට නම් සුදුසුකම් ලැබීමේ වටයකට මුලින් ක්‍රීඩා කරන්න වෙලා තියෙනවා.ඉතින් කොහොමින් කොහොම හරි සිම්ම්බාබ්වේහිදී පැවැත්වෙන සුදුසුකම් ලැබීමේ තරඟ වටයේ පළමු තරගය ශ්‍රී ලංකා කණ්ඩායම එක්සත් අරාබි එමිර් කණ්ඩායම සමග තරග වැදුණා.එහිදී ප්‍රථමයෙන් පන්දුවට පහර දුන් ශ්‍රී ලංකා කණ්ඩායම ලකුනු 355ක් ලබාගනිමින් අරාබි කණ්ඩායමට දැවැන්ත ඉලක්කයක් ලබා දුන්නා. ශ්‍රී ලංකා කණ්ඩායමේ පලමු පෙල පිතිකරුවන් හතරදෙනාම පාහේ අර්ධ ශතක ලබාගැනීමට සමත්වුනා. එහිදී සදීර සහ කුස්ල් මෙන්ඩිස් පිලිවෙලින් ලකුනු 73 සහ 78ක් ලබාගනිමින් ඉනිම වර්නවත් කිරීමටද සමත්වුනා.

ඒ අනුව ලකුනු 356ක දැවැන්ත ඉලක්කයක් හබායැමට පැමිනි එක්සත් අරාබි පිතිකරුවන් අන්ද මන්ද කිරීමට වනිදු හසරංග ප්‍රමුක පන්දු යවන්නන් සමත් වුනා.අති විශිශ්ට පන්දු යැවීමක නිරත වූ වනිදු හසරංග එක්දින පිටියෙ තම හොදම පන්දු යැවීම වාර්තා කරේ ලකුනු 24ට කඩුලු හයක් ලබාගනිමින්. ඒ අනුව එම තරගය 175ක දැවැන්ත ජයක් ලැබීමට ශ්‍රී ලංකා කණ්ඩායම සමත් වුනා.තරගයේ විරයා සම්මානය හිමිවුනේ වනිදු හසරංගටයි.ශ්‍රී ලංකාව තරග වදින දෙවන තරගය හෙට ඕමාන් කණ්ඩායම සමග බුලවායෝ හීදී පැවැත්වීමට නියමිතයි. ශ්‍රී ලංකාව තරග වදින කණ්ඩායම් සමූහයෙන් ඕමාන්, අයර්ලන්ත සහ ස්කොට්ලන්ත කණ්ඩායම් අතර තරග තවමත් ක්‍රීඩාකිරීමට ඉතිරිව පවතිනවා.