පරණ මෙන්ඩා ආයිත් - 5% For SL Charity
ඉතින් මිනිස්සුන්ගේ ප්‍රශ්න මදකට සනසමින් පැවති එක්දින තරගාවලිය ඊයේ නිමාවට පත්වුනේ අවසන් තරගය කැංගරුවන් ජයගන්නා අතරේ තරගාවලි ජයග්‍රහනය ශ්‍රී ලංකාව උරුම කරගනිමින්.ශ්‍රී ලංකාව කබලෙන් ලිපට වැටී ඇති අවස්තාවක ඕස්ට්‍රේලියා කණ්ඩායම මෙරටට පැමිණියේ ගොඩක් රටවල් විසින් ශ්‍රී ලංකාව සංචාරය සදහා නුසුදුසු රටක් බවට පෙන්වා දී ඇති වාතාවරණයක වීම විශේෂත්වයක්. ඒ වගේම තමයි ඔවුන් මේ තරගාවලි කිහිපය සදහා තම ප්‍රබලම කණ්ඩායම රැගෙන ඒමටද අමතක කරේ නෑ. එහි ප්‍රතිඵලයක් ලෙස විස්සයි විස්ස තරගාවලිය තියුණු තරගයකින් පසුව ජයගත්තත් එක්දින තරගාව්ලියද බන්දේසියක දමා දීමට ශ්‍රී ලංකා ක්‍රීඩකයින් ඉඩදුන්නේ නෑ.
ඒ අනුව ප්‍රථම තරගයද පරාජය වුනත් විශිශ්ට තරගයක් දීමට ශ්‍රී ලංකඅ ක්‍රීඩකයින් සමත් වුනා. නමුත් ඉදිරි තරග තුනම කනපිට පෙරලවමින් ප්‍රබල කැංගරුවන් පරාජය කිරීමට අපේ ක්‍රීඩකයින් සමත් වුනේ චරිත් අසලංක සහ පැතුම් නිස්සංක තම මංගල ශතකද ඔවුන් හමුවේ ලබා ගනිමින්. අවසන් තරගය පරාජයට පත් වුනත් එම තරගයත් කැංගරුවන්ට ලේසියෙන් ජය ලබාදීමට අපේ කොල්ලෝ ඉඩනොදුන්නේ ලකුණු 160ක පහසු ඉලක්කය වුනත් ඔවුන්ගේ කඩුලු හයක් ලබාගනිමින්. චාමික තම ප්‍රතම අර්ධ ශතකයත් කණ්ඩායමට අවශ්‍යම අවස්තාවකදී ලබාග්ණීමටද මෙහිදී සමත් වුනා.
ඒ විදියට එක්දින තරගාව්ලිය අවසන් වුනේ කුසල් මෙන්ඩිස් තම කලින් රිද්මයත් නැවතත් පවත්වා ගැනීමට සමත් වෙමින්. ඒ අනුව තරගාවලියේ වීරයා සම්මානය ඔහුට හිමිවුනු අතර මෙම තරගාවලියෙන් එක්දින වරම් හිමිකරගත් දුනිත් වෙල්ලාලගේත් මෙම තරගාව්ලිය අමතක නොවන එකක් කරගැනීමට සමත් වුනා. තරග පහේදී කඩුලු නවයක් දවාගැනීමට සමත් වුනු ඔහු තරගාවලියේ වැඩිම කඩුලු ලාභියා බවටද සමත් වුනා. ඉතින් මේ පොඩි කොල්ලා ශ්‍රී ලංකා ක්‍රිකට් අනාගතයට ලොකු පිටුවහලක් වෙන බව මේ තරගාවලියෙන් මනාවට ඔප්පු කරා. ඊලගට තිබෙන ටෙස්ට් තරගාවලියෙත් අපේ කොල්ලොන්ගෙ දක්ශතා සහ ජයග්‍රහනය ක්‍රිකට් රසිකයින් සියල්ලම පාහේ බලාපොරොත්තු දල්වාගෙන බලා සිටිනවා
මැච් එකෙන් පස්සේ වෙල්ලට මාලි දීපු සප්‍රයිස් එක තමා මරු😍
ඔව්ව් 🥺😍
මේ විදියට දිගටම හිටියොත් නම් හොඳයි.❤🏏
හිටියොත් නියමයි 🥺😍