පතොක් එක්ක වරුවක්

හැමෝම පරිස්සමෙන් ඇති කියල හිතනව. අද ලියන්න යන්නෙනම් ටිකක් කලින් ලියන්න හිටපු එකක්. ලෙඩ උන නිසා ලියන්න වුනේ අද. ඉතින් අවුරුදු නිවාඩුවෙන් පස්සෙ අකමැත්තෙන් උනත් යටියන්තොට සයිට් එකට යන්න සිද්දවුනා. දවස් ගානක් ගෙදර ඉදල කම්මැලිකමෙන් ගියාට පස්සෙ තමයි දැනගත්තෙ සයිට් එක තාවකාලිකව වහල කියල. ඉතින් නොදැන ආපු එකට තියෙන කේන්තියයි , ආයිත් ගෙදර ඉන්න පුලුවන් කියල හිතෙන සතුටයි එක්කම නැවත ගෙදර බලා ආව. ගෙදරට වෙලා ඉන්න එකේ ටිකක් අශේන්ලහට ගිහිල්ල පොඩ්ඩක් පැලවල තත්ත්වෙ බලන්න හිතුනා. ඉතින් අශේන්ට කතාකරල එයා එක්කම green house එකේ වැඩේට ඕන බට ටිකක් අරන් අශේන්ලගෙ ගෙදරට ගියා.

අපිට ඊටපස්සෙ දවසෙ ඕඩර් එකක් තිබ්බ නිසා හවස් වරුව ඒකට යොදන්න තීරණය කරා. ඉතින් මීට කලින් පැළයක් පැක් කරල නැති නිසා අශේන් එකින් එක මට කියල දීල දෙන්නත් එක්ක වැඩේ හෙමිහිට කරන්න පටන් ගත්තා. ආහ් අශේන්ලගෙ අක්කත් කැපුම් අංශේ ඉදන් ගොඩක් උදව් කරා වැඩේට 🙈😂 , මුලින්ම පොට් එකට කොහුබත් , කොම්පෝස්ට් එහෙම දාල පැලේ පරිස්සමට තියල උඩින් ගල් එහෙම දාල පොට් එකේ වැඩ ටික ඉවර කරගත්ත .

ඉතින් ඊලගට තමයි අමාරුම වැඩේ පෙට්ටිය හදාගන්න එක . ගොඩක් වෙලා යන්නෙ රෙ වැඩේට . අනික හෙමින් සීරුවට කරන්න ඕන.ඉතින් අශේන්ට ඒකෙ වගකීම සම්පූර්ණයෙන් බාරදීල මං ඉතින් පොඩියට ඕන ඒව ටික කරල දුන්න. කොහොමහරි වැඩේට පැය දෙකකට වඩානම් ගියා වැඩේට. ඕඩර් එක දීල තිබ්බෙ බටපොලින් නිසා අපිම ඒක ගිහිල්ල දෙන්න තීරණය කරා. ඉතින් අශේන් එක්ක ඊටපස්සෙ දවසෙ ඕඩර් එක ගිහින් දෙන්න බලාගෙන ගෙදර ආවත් උණ හැදුනු හින්ද අශේන්ට තනියෙන්ම ඕඩර් එක ගිහින් දෙන්න උනා.