පිරිමි හරි පිරිසිදුයි නාවලා ගත්තු කල ගෙට...

ඉතින් වෙනද වගේම හැමෝම පරිස්සමෙන් ඇති කියල හිතනව.අද ඔයාලට ලියන්නෙ අයියනම් නෙවෙයි.අද මටත් පොඩි අවස්තාවක් හම්බුනා ඔයාලට ලියන්න.
ඉතින් මට හිතුනා ඔයාලට ගැහැනු අපි ගැන පොඩ්ඩක් කතා කරන්න.
දන්නවද?පිරිමියෙක් වෙන්න ගොඩක් පින් කරන්න ඕනෙලු.ගොඩක් දෙමව්පියො උනත් කැමති තමන්ට කොල්ලෙක් හම්බෙනවටලු.ඒකෙ ඇත්ත නැත්තනම් මන් හරියටම දන්නෙ නෑ.හැබැයි පිරිමියෙක් වෙන්න ගොඩක් පින් කරන්න ඕන කියන කතාවනම් මන් පිලිගන්නව.
ඒක ඔයාලටත් තේරෙයි මේ පල්ලෙහා තියන නිසදැස කියෙව්වම.ඒක ලියල තියෙන්නෙ ශ්‍රීමත් වල්පොල කියල මහත්තයෙක්.

මල්වර වු යෞවනිය
දුක සෙමින් පුරුදු වන ...
රුව විඳින බඹර කැල
ඇගෙ හැඟුම් පුබුදුවන ...
රාගයෙන් දැවෙන සිත්
ප්‍රේමයේ අසුන ගෙන ...
සංසාර ගීතයක්
දැන් ඉතින් ගයනු මැන ...

දඩයමට පුරුදු සිත්
පිරිමි ගල් යුගේ සිට ...
ගැහැණු මුවපොව්වන් ය
හැඟුම් නම් උගුල් යට ...
පිරිමි හරි පිරිසිදුයි
නාවලා ගත්තු ගෙට ...
ගැහැණු හරි අසරණයි
කඩුල්ලක් දැවුනු කොට ...

පරපුරක නම රකින
ලේ උරුම තිළිණයට ...
හුස්ම දෙයි ගැහැණියක්,
වැරදුනොත් මරණයට ...
ඒ දුකත් ලියාගෙන
තනිව තම උරුමයට ...
කඳුළු මැද සිනාසෙයි
එය හැකිය ගැහැණියට ...

පුරුදු උණුසුම සොයන
පිරිමි හරි අසරණද ...
ඉවසීම පුරුදු නැති
වරදෙ බැදුණම හරිද ...
කිරි එරෙන ගැහැණියට
වෙන කිරුළු කුමකටද
මහමඟට වැටෙන බිය ,
ගැහැණියක වූ වරද ...

කුසත් ලේ දන්දෙමින්
රැකගන්න වරිගය ...
දිවි පුදා කුටුම්භය
රැකීමයි උරුමය ...
උපතින්ම අතින් අත
හිංසාව විරලය ...
අළු වුණේ ගෙයි ගින්න
පිට නොදුන් ඇයමය ...

_source

මල්වර උන දවසෙ ඉදන් වේදනාවන් ඉවසන් ඉන්න පුරුදු වෙන ගැහැනියට බොහෝ දුරට ඇය විවාහ දිවයට ගිය පසුව නොහිතූ සිද්දීන් වලට මුහුන දෙන්න සිදුවෙනව.තමන්ගෙ පවුල මෙන්ම හිතවත් පවුලක් ලැබීම ඉතා කලාතුරකින් වන සිද්දියක් ලෙස සමාජය දකින බව ඔබත් මමත් හොදටම දන්නව.
ඉතින් මේ කාන්තාවන්ට අත්වෙලා තියෙන තැන කවද වෙනස් වේවිද?
එය වෙනස් වේවිද,නැතහොත් මෙය දිගටම පවතීවිද???
විලංගු ලා
වෙදැගිල්ලට
හිමි යනවා ගෙයින් පිටට...........
කර මාලෙත්
සින්න වෙලා
අම්ම දුන්න දෑවැද්දට ...................
ඇදේ කොනක්
ඉකි බිදිනව
ඩබල් කරල හැදු පාපෙට............
වලං,මුට්ටි
ඕනෙ වෙන්නෙ
මහ හයියෙන් වහින දාට...........

ගෙයි මහ දොර
ඇත දිරලා
අපලයක් ලූ මහ මිනිහට...........
⁣ලිප් බොක්කේ
අලු පිරිලා
මූසලයිලූ ගෙයි ගෑනිට...............
පහන් පැලට
ගිනි ඇවිලී
දැවුනේ ගිය මහ පෝයට............
සීදේවී බය
වුනෙ මගෙ
මිනිහ ගත්ත හොර ගෑනිට........

සඳත් ඇවිත්
හොරෙන් සැරේ
සඳ රැස් දානවා බිමට...............
මල් සුවදත්
වලකනු බැහැ
පියන් කැඩුණු ජනේලයට.........
ගෙදර දෙවියො
යන්න කැමති
අනුන්ට හිමි දේවාලෙට............
වෙදැගිල්ලට
මුද්දක් දා
මම ඉන්නෙ විලංගු පිට ............

දඬුවැට තද
කර බැදපන්
සද්ද ඇහෙනවා ජාමෙට..........
පාලු ගෙදර
වලං බිදියි
ගොනා පැනල අම්බලමට......
මගෙ හීන
දිය කරගෙන
ඉන්නම් පතිදම් රැකගෙන.....
ඉදහිටවත්
වැට පැනපන්
ඇදේ මකුළු දැල් කැඩෙන්න...

ප්‍රසන්න මංජුල විසින් ගැහැනියකගේ තවත් පැතිකඩක් මේ විදියට ඉතාමත් අපූරුවට පෙන්වල දීල තියෙනව.
ඉදිරි අනාගතය බාර ගන්න ඉන්න අය විදියට අපි පුරුදු වෙන්න ඕන සමාජය විසින් හන්වඩු ගහල තියෙන සමාජ තත්වයන් ඉතා සාදාරනීය ලෙස වෙනස් කරන්න.