ඔයාට තාම කාලය තියෙනව

_source
ඉතින් හැමෝම පරිස්සමෙන් ඇති කියලා හිතනවා.අවුරුදු නිවාඩුවට ගෙදර ආවත් , එහේ හිටියට වඩා වැඩ මෙහෙදී කරන්න වෙලා තියෙනවා, ඒක නිසා ඉතිං ඇත්තටම මේක නිවාඩුවක් කියලා කියන්නත් බෑ.ඒත් වැඩවල නම් වෙනසක් තියෙනවා.ගෙදරදි කරන ගොඩක් වැඩ කරන්නේ කැමැත්තෙන් සහ ලොකුවට මහන්සියක් දැනෙන්නෙත් නෑ.ඇත්තටම ගෙදර කියන්නෙම මනුස්සයෙක් හිතේ සැනසිල්ලෙන් ඉන්න තැනක්නෙ.හරි අපි අද කතාවට යමු.අද ලියන්න යන්නේ ගොඩක් විශේෂ ඒ වගේම වර්තමානයට, අතීතයට සහ අනාගතයට ගොඩක් වැදගත් වන මාතෘකාවක් ගැන.ඉතින් ඇත්තටම ඔයත් මමත් ගොඩක් වෙලාවට හිතන දෙයක් තමයි අපි ඒ තීරණය ගන්න ඇත්තටම ගොඩක් පරක්කු වුණා නේද , නැත්නම් අපි ඒ තීරණය ගත්ත කලින් වැඩියිද කියල.ගොඩක් වෙලාවට ඒ ගත තීරණ වලින් පසුතැවෙන අවස්ථාවන්වලදී ඔයාලට ඒ හැඟීම නම් අනිවාර්යෙන්ම දැනිලා තියෙනවා ඇති.මට නං සෑහෙන්න දැනිලා තියෙනවා.ඉතින් මේ ගන්න තීරණ වලින් විශේෂම සහ ජීවිතයට වැදගත්ම තීරණ තමයි ආදරය සහ විවාහය.ඉතින් අද ලියන්න යන්නේ මේ ගැන.

ඇත්තටම අපි කොච්චර කල් ආශ්‍රය කරත් අපි කොච්චර කල් ඉඳන් දැනගෙන සිටියත්,සමහර මිනිස්සු හරි ඉක්මනට වෙනස් වෙනවා. ඒ වෙනස්වීම සමහර වෙලාවට අපිට හිතාගන්නවත් බැරි තරම් වෙන අවස්ථා තියෙනව.ඉතින් සමහරවිට ඔයා මම මෙයාව අවුරුදු ගානක් ආශ්‍රය කරල විවාහ උනේ අපි අවුරුදු ගානක් ආදරය කරල විවාහ වුනේ කියලා, ඔහු හෝ ඇය විවාහයෙන් පස්සේ වෙනස් වෙන්නේ නැහැ කියලා තහවුරු කරන්න බැහැ.මොකද මිනිස්සු එහෙමයි.නමුත් අපිට පුළුවන් මිනිස්සු ඒ තීරණය ගැන පසුතැවෙන වෙලාවන් වලදී ඔවුන් සමඟ ඔබ සැමවෙලාවෙම සිටින බව දැනෙන්න ඉඩ හරින්න.මේක ගොඩක් වෙලාවට පොදු වෙන්න දෙමව්පියන්ට.දරුවෙක් විවාහ වෙලා ගියාට පස්සේ ඔවුන්ගේ ජීවිතයේ ප්‍රශ්නවලදී තමන් හැම වෙලාවෙම දරුවාගේ පැත්තෙ ඉන්න බව ඔවුන්ට දැනෙන ඉඩ හරිද්දී ඔවුන්ට ඒ ප්‍රශ්නවලට සාර්ථකව මුහුණ දෙන්න පුළුවන්.ඉතින් මේ කතාවත් ඒ වගේ කතාවක්.ඔයාලත් කියවලා බලන්නම් ගොඩක් වෙලාවට ඔයාගේ ජීවිතේටත් මේක ගොඩක් වැදගත් වේවි කියලා මම හිතනවා.

දවසක දුවෙක්ට පෝරුවට නගින්නට පෙර අම්මෙක් මෙහෙම කිව්වා

මගේ දූ ඔයා පෝරුවට නගින්න තව තත්පර ගානක් තියෙනවා.ඔයාට තාමත් හිතෙනවා නම් "ඔයා වැරදි කියලා"ඒ තීරනේ ගන්න ඔයාට තාමත් කාලය තියෙනවා.....