සාම්ප්‍රදායික හූල්ලන්

_source
මං මේක කාලෙක ඉඳන් ලියන්න හිටපු දෙයක්.ඒත් කොහෙද ක්‍රිකට් භීෂණයේ එක්ක ඒක ටිකෙන් ටික කල් ගියා.මේක ලංකාවට සෑහෙන්න අදාල වෙන දෙයක්. මේක ගැන ලියන්න හිතුවේ ඇත්තටම මුහුණු පොතේ කියවන්න ලැබුණු කතාවකට පස්සේ.කොල්ලෙක් ටත් වඩා කෙල්ලෙක්ට තමන් කැමති දෙයක් කරන්න තමන් කැමති විදියට ජීවත්වෙන්න තාමත් මේ සමාජයේ ඉඩක් නෑ.එහෙම කරන එක හරි නෑ, එහෙම කරොත් මිනිස්සු මොනවා හිතයිද, වගේ සම්ප්‍රදාය ඔලුව උඩ තියන් තාමත් මිනිස්සු කෙල්ලොන්ගෙ විතරක් නෙවෙයි කොල්ලොන්ගෙත් හීන , ආසාවල් වලටත් ඉඩක් දෙන්නෙ නෑ.කණගාටුවට කරුණ නම් , අපි තාමත් ඉන්නේ අඳින ඇඳුමෙන් පැළඳුමෙන්, පිටතින් පේන ස්වරූපයෙන් මිනිස්සු මනින සමාජයක වීමයි.ඒක මේ සටහනෙන් ලස්සනට පැහැදිලි කරලා දීලා තියෙනවා.මේක ලියපු කෙනා ගැන සටහනක් හොයාගන්න තිබුනෙ නෑ.ඉතින් ඒකේ සම්පූර්ණ ගෞරවය ඔහුට හෝ ඇයට යන්න ඕන , ඒ නිසාම ඒක තිබූ මාතෘකාවම මං මේකට යොදා ගත්තා.

මාසෙට දවස් විසි නවයක්ම දිගට ඇදලා...
එක දවසක් බලපන් පොඩි කොට ගවුමක් ඇදලා..
දැන් නම් ඔකීට මගුල් විසේ හරියට ඔලුවට ගහලා..
කියයි සාම්ප්‍රදායික හුල්ලන් දකින දකින තැන හූල්ලලා...

අවුරුදු ගානක් ගොතාගෙන කොන්ඩය ගියොත් එක දවසක් ලිහලා...
මැසිවිලි නගයි අපොයි අපි නම් ඒ කාලෙ ඔහොම නෑ කියලා...
අවුවට කර වෙලා නාස්ති උනු කොන්ඩය බැලුවොත් ආසාවට පාට කරලා.. ..
නගයි උන් මේකි නම් මිනිහෙක් එක්ක යන දවස වැඩි ඈතක නෑ කියලා..