කොලොම්පුරේ

හැමෝම පරිස්සමෙන් කියල හිතනව. ඉතින් අද ලියන්නෙ @ashen99 ගෙයි මගෙයි කොලබ ගමන් ගැන. අපි ටික දවසක ඉදන් කොලබ යන්න හිටියත් එක එක වැඩ නිසා දවසින් දවස කල් ගියා. යන්න ඕන වුන ප්‍රධානම හේතුවනම් අපේ cacticare එකේ පෙට්ටි හදන්න කාඩ්බෝඩ් ඉවර වුන එක. කොහොමහරි දවසින් දවස කල් ගියපු නිසා අන්තිමට ඔක්කොම ඉවර උනාම තමා යන්න වුනේ. කොහොමහරි අන්තිමට අපි තීරණය කරගත්ත විදියට ඊයෙ කොලබ යන්න අපිට පුලුවන් උනා. ඉක්මනින් යන්න පුලුවන් නිසත් , වියදමත් අඩු නිසා කෝච්චියෙ තමයි ගියේ. උදේ හතයි දහයට තිබුණු රුහුණු කුමාරි ශීඝ්‍රගාමී කෝච්චියෙ නැග්ග අපිට නමය වෙන්න කලින් කොළඹට එන්න පුලුවන් උනා.

ඉතින් අපි දෙන්න මුලින්ම ගියේ කාඩ්බෝඩ් ගන්න ඒත් කඩේ වහල . කෝල් කරාම විනාඩි විස්සකින් එන්නම් කිව්ව හින්ද අපි දෙන්න පොඩ්ඩ්ක් ඇවිදල බැලුව පැල දාන්න පොට් ගන්න තැනක් තියෙද කියල . පැය බාගෙකට පස්සෙ කඩේ ගාවට එනකොටත් කඩේ ඇරල නෑ .කොහොමහරි තවත් බඩු ටිකක් අරන් ඇවිල්ල අපි දෙන්න කඩේ අරිනකන් එතනට වෙලා කතා කර කර හිටිය. කොහොමහරි අපිට දහය හමාර වෙද්දි කාඩ්බෝඩ් ටික අරගන්න පුලුවන් උනා .

ඒ ටිකත් අරගෙන ඇවිල්ල බිස්නස් එකේම දේවල් ටිකක් කතා කරල , දවල්ටත් කාල එන්න බැලුවත් කෝච්චියක් තිබ්බෙ දෙකයි ගානට. ඒ නිසා අකමැත්තෙන් උනත් අපිට ටිකක් වෙලා ඉන්න සිද්ද වුනා. කොහොමහරි ශීට් එකක් අරන් දෙන පොරොන්දුව පිට අශේන් එක්ක ආවත් ශීට් එකක් හම්බුනේ අම්බලන්ගොඩදි . ඉතින් එනකන් පොරගෙන් බැනුම් අහ අහ තමයි ආවෙ . කොහොමහරි හවස පහ වෙද්දි ගෙදර එන්න පුලුවන් උනා. ඔහොම තමයි ඊයෙ දවස ගතවුනේ.