තාත්තගෙ ආදරය සහ සැමියාගේ ආදරය

ඉතින් හැමෝම පරිස්සමෙන් ඇති කියලා හිතෙනවාඅද ලියන්න යන්නේ අපේ ජීවිතයේ ජීවිතයට ගොඩක් වැදගත් වෙන දෙයක් ගැන.මුහුණු පොතේ තිබුන ලස්සන article එකක් කියෙව්වට පස්සේ තමයි මේ ගැන ලිව්ව නම් හොඳයි කියල හිතුවෙ.ඇත්තටම ඒක අපිට ගොඩක් වැදගත් වෙන දෙයක් විශේෂයෙන්ම විවාහක සහ අවිවාහක කාන්තාවන්ට. ඉතින් ගොඩක් වෙලාවට කෙල්ලෙක් බලාපොරොත්තු වෙන්නෙ තාත්තෙක් වගේ සැමියෙක්. ඇත්තටම ඒක හොදයිද, අද කතාකරන්න යන්නෙ ඒ ගැන.තාත්තෙක් වගේ සැමියෙක් හම්බෙන එක හොදයි. නමුත් තාත්තෙක්ගෙ ආදරය සැමියෙක්ගෙන් බලාපොරොත්තු වෙන එක එච්චර හරියන්නෙ නෑ. මොකද තාත්තෙක්ගෙ අදරයයි, සැමියාගේ ආදරයයි ගොඩක් වෙනස්. ඉතින් ඔබ එහෙම බලාපොරොත්තු වෙනවනම් නොදැනිම ඔබෙන් වෙන්නෙත් වැරැද්දක්. ඉතින් මේ ගැන තිබුන කතාව කියෙව්වම ඒක ඔයාලට තේරෙයි.

රෝහල් කාමරයේ දොරෙන් එකපෙළට ඇතුල් වුනෙ මගෙ තාත්තයි මගෙ මහත්තයයි..
දෙන්නගෙම ඇස් තිබුනෙ මගේ දිහාවටයි..
මගෙ ජීවිතේ විශේෂම පිරිමි දෙදෙනා මගේ දෑතම අල්ලගෙන මන් හොදින්ද ඇහුවා...
මන් ඔලුව වනල ඇස් කොනින් තොටිල්ලෙ නිදා උන්නු පැටියව පෙන්නුවා..
ඊටපස්සෙ ඒ ඇස් හතරම නිදන් හිටපු අලුත ඉපදුන මගේ දෝණි දිහාවට හැරුනා..
ඇස් හතරෙන් ඇස් දෙකක් ඒ දිහාම බලාගෙන හිටියත් අනිත් දෑස් ආයෙත් මගේ දිහාවට හැරුනා..

හැරුණු දෑසෙ හිමිකරු මගෙ පියායි..
"ඔයා හොදින් නේද පුතේ.. අමාරුවක් නෑ නේද..?"
මගෙ මූණෙ ඉදන් අතපය අතගගා ඔහු ආයෙ ආයෙ අහන්නෙ අපරිමිත වූ පිය සෙනෙහසකින්..
"මන් හොදින් තාත්තේ.. බබා බලන්නකෝ.."
ඊට පසුවයි ඔහු මිණිබිරියගෙ මුහුණ බැලුවෙ..