දික්කසාදය
source
ඉතින් හැමෝම පරිස්සමෙන් ඇති කියල හිතනව . අද ලියන්න යන්නෙ ටිකක් වෙනස්ම මාතෘකාවක් ගැන. ලොකුවට දැනුමක් තේරුමක් නැති උනත් ඇහුව කවියකට පස්සෙ ලියන්න හිතුනා. දික්කසාදය කියන්නෙ කාට කොහොම උනොත් ජීවිතේ ඉතා අමිහිරිම අත්දැකීමක්.ඒක විදින මිනිස්සු ඒකෙ කටුක බව දන්නව. තමන් ජීවිතේ ආදරය, දුක, වේදනාව සියල්ලම සමසේ බෙදාගන්න බැදුනු කෙනා මගදි අපිව දාල ගියාම ඒක දරාගන්න ගොඩක් අමාරුයි. ආදරය කරන කාලෙට වඩා විවාහ වුනාට පස්සෙ ඒක වුනාම ඒක තවත් බරපතලයි. අපේ රටේ සංස්කෘතියත් එක්ක කොහොමත් ජීවත්වෙන්න අමාරුයි. ඉතින් කොහොමහරි ප්රියයන්ගෙන් වෙන්වීම කියන්නෙ වේදනාවක්. ආදරය කියන්නෙ හෑම කෙනෙක්ම විදින්න කැමති දෙයක්. ඉතින් අපි තරුන කාලෙදි ආදරය මුලින් විදල කාලයක් ආශ්රය කරල ඔහු හෝ ඇය එක්ක ජීවිතේ ඉතුරු කාලය ගෙවන්න පුලුවන් කියන හැගීම ආවට පස්සෙ විවාහය කියන මාතෘකාවට එනව. මේ ජීවිත විවාහයෙන් පස්සෙත්, බොහෝ දුරට දෙන්න ගැන තේරුම් අරන් ඉන්න නිසා ජීවිතේ ඉතුරු කාලයත් ප්රශ්න අඩුවෙන් ගෙවන්න පුලුවන් වෙනව. නමුත් මිනිස්සු වෙනස් වෙනව. ඒ නිසා සමහර වෙලාවට විවාහයෙන් පස්සෙ කලින් සිටිය කෙනාට හාත්පසින් වෙනස් කෙනෙක්ගෙ ස්වරූපයක් මැවෙන එකත් වෙන්නැතුවම නෙවෙයි.ඉතින් ඒ ඇතිවෙන පොඩි පොඩි ප්රශ්න කෙල්වර වෙන්නෙ දික්කසාදයකින් .
දික්කසාද ප්රධානයෙන් සිදුවෙන අනිත් විදිය තමයි දෙමව්පියන්ගේ පමනක් කැමැත්තෙන් සිදුවන විවාහ.මේ විවාහ දෙදරා යන්න ප්රධාන හේතුවක් තමය් දෙදෙනාගෙ හැගීම් දැනීම් ගැන තේරුම් ගැනීමක් නොමැති වීම. ඉතින් සිදුවන දික්කසාද වලින් ගොඩක් යටත් වෙන්නෙ මේ කාණ්ඩයට. දෙදෙනා අතර ඇතිවෙන පොඩි පොඩි ප්රශ්න අන්තිමට කෙලවර වෙන්නෙ දික්කසාදයකින්.කලින්ට් වඩා දැන් වෙනකොට දික්කසාද සිදුවෙන සම්භාවිතාව වැඩියි. ඒක උසාවියක් ගාවට ගියාම බලාගන්න පුලුවන් , නඩත්තු ගන්න එන අයගෙන්. ප්රශ්න වලින් නිදහස් වෙන්න දික්කසාදය තෝරාගත්තත් අන්තිමට ඒ තීරණය නිසා විදවන පුද්ගලයොත් නැතුවම නෙවෙයි.මගතොටේදි හම්බුනාම ඔවුන් අතර තිබුන ටිකක් හරි සොදුරු මතක නැවත මතක් වෙද්දි ඒ දැනෙන වේදනාව දරාගන්න ලේසි නෑ. මේ කවියෙන් කියන්නෙත් ඒ වගේ දෙයක්. ඉතින් හිතුව මේකෙන්ම ඉවර කරොත් හොදයි කියල.කවියෙ මාතෘකාව පුතාට දහඅටයි ,
හැම නඩුවාරෙකදිම වගේ
අදත් තරහින් ඔයා
මමනෙ දන්නෙ
ඉක්මනින් නිවන ඔය තරහ ගැන
උසාවියෙ සෙනග අස්සෙන්
බංකුවක දුරක පේනකොට
මතක් වෙනවා එකම පන්තියෙ උන් කාලය
අත්කොට කමීසය තාමත් හැඩයි ඔයාට
කියාගන්න තිබ්බනම්
යන්න කලියෙන් ඒ ගැන
ඒ කාලෙ අපි එකම හුස්මක් තුල
වැඩිම වාර ගණනක් ආදරේ කියාගත්තා තරගෙට
ඔයයි දිනුවේ හැමදේම
බැදපු අලුත ඔයගෙ ගෙදරදි
මතකද අම්මලට හොරෙන් බත් අහුරු දාපු හැටි මගේ පිගානට
මසකට වරක් මූන දැකගත්
මගේ පෙම් කතාවේ
අන්තිම දවස අද ඉතින් අදින් පසු නඩත්තු
වෙන්නේ කෙලසද මගේ හද
ඉදහිටවත් දකින්නට නොලැබෙන කල නුබ...
ඉතින් ලස්සනට මේ කවියෙන් කියනව භෞතිකව වෙන්වුනත් මානසිකව වෙන්වීම එච්චර පහසු නෑ කියල.
ළමයි ඉන්න අය දික්කසාද වුණාම ලොකුම බලපෑම වෙන්නෙ ළමයින්ට, අන්තිමට අසරණ වෙන්නෙ ළමයි
ගන්න තීරන ගොඩක් හිතල ගන්න ඕන ,දික්කසාදය වැරදි දෙයක් නෙවෙයි නමුත් දික්කසාදයට බලපාන හේතු අපිට මුලින්ම විසදගන්න අමාරු නෑ.