ආදරණීය පිරිමි
ඉතින් හැමෝම පරිස්සමෙන් ඇති කියල හිතනව. අද ලියන්න යන්නෙ සමාජ මාද්යජාලයේන් ඇහිදගත්ත දෙයක් ගැන. ගොඩක් වෙලාවට ඔබේ බිරිද , පෙම්වතිය හෝ දුව ඔබගෙන් ලොකු ලොකු දේවල් බලාපොරොත්තු වෙන්නෙ නෑ. ගොඩක් වෙලාවට ඔවුන්ට අවශ්ය හොද සවන්දෙන්නෙක්. ඔවුන්ගෙ පොඩි පොඩි දේවල් , දුක සතුට සියල්ල සම සිතින් බෙදාගන්න පුලුවන් හොද යාලුවෙක්.ඉතින් එහෙම ස්වාමිපුරුෂයෙක් ,පෙම්වතෙක්, පියෙක් ඔබට ලැබිලා තියෙනවානම් ඇත්තටම ඔබ ගොඩක් වාසනාවන්තයි.ටික දෙනෙක් ඇරුනම ගොඩක් පිරිමි එහෙම තමයි. පිටට නොපෙන්නුවට ඔවුන් කරන කැපකිරීම් සහ ආදරය අසීමාන්තිකයි. මේ කතාවත් ඒ වගේම එකක්. ඒ නිසා ඒකත් ඔයාලට ගේන්න මං හිතුව.
අසනීප නිසා මම ඉක්මනින් පිළිතුරු පත්රය බාර දීලා Exam hall එකෙන් එළියට ආවා.
මට ඒ සඳහා අවසර හිමිවෙලා තිබුනේ.
ඊට පස්සේ ගෙදරින් මාව ගන්න එනකං කැම්පස් එකේ ගේට්ටුව ලඟ තිබුන බැමිමකට හේත්තු වෙලා ඔහේ බලාගන උන්නා.
යන්තන් අඳුර වැටිගන එන වෙලාව.
රාස්සිගේ අව්ව වැටිලා තැඹිලි පාට වෙලා පළාතම.
මම එතැනට යද්දීම එතැන ස්කූටරයක් තියාගන හිටගන හිටියේ අංකල් කෙනෙක්.
අංකල් හිටියේ කැම්පස් එකේ ගේට්ටුව දිහා ඇස් අයාගන බලාගන.
විනාඩි දහයකට විතර පස්සේ එතැනට දුවගන ආවේ තරුණ දුවක්. ඇවිත් අංකල්ට මොනාද කතාවක් කියවන්න පටං ගත්තා. අංකල් හිනා වෙවී අහගන හිටියා. ටික වෙලාවකිං අංකල් හෙල්මට් එකක් අරගන තරුණ ළමයාගේ ඔළුවට දැම්මා. ඉන් පස්සෙත් දුව නතර වෙන්නේ නැතිව කියවන දිහා අංකල් හිනා වෙවී අහගන යන්න ගියා.
තව ටික වෙලාවකිං එතැනට ආවේ නවීන පන්නයේ මෝටර් රථයක්. ඇතුලේ හිටියේ කඩවසම් පිරිමි ළමයෙක්. දුවගන ඇවිත් මෝටර් රථයට නැගපු ගැහැණු ළමයෙක් ඔහුව වැලඳ ගත්තා.
ඔහුගෙන් ඇයගේ නලලට හාදුවක් ලැබුනා.
ඔහු හිනා වෙවී මොන මොනවදෝ කියනවත් මම බලාගන හිටියා.මට හිතුනේ පමා වීම ගැන ඔහු ඇයගෙන් සමාව ඉල්ලුවා කියලා.
ඒ ගමන්ම මට එහා පැත්තෙන් හිටගන හිටපු ගැබිණි කාන්තාවට පාර එහා පැත්තෙන් කව්දෝ පිරිමී කෙනෙක් කතා කරලා ඔතනම ඉන්න කියලා අතින් සංඥා කරා.
පාර මාරු වෙලා ඔහු ඇවිත් ඇයගේ අතින් අල්ලගන පරෙස්සමෙන් බසයකට නංවාගන යන්න ගියා.
මේ හැමදේම බලාගන හිටපු මට හිතුනේ ,
ලස්සන සම්බන්ධකම් ඇතුලේ අහිංසක පිරිමී පුදුමාකාර විදිහට ගැහැණිය වෙනුවෙන් කැප වෙනවා කියලා.
ඒ ගමන්ම වගේ මගේ පුතාත් මගේ ස්වාමීපුරුෂයාත් මගේ ලඟ වාහනේ නතර කරලා දොර ඇරියා.
එයාලා දෙන්නා මම වාහනයට ගොඩ වෙද්දීම රෝස පාට බොම්බයි මොටයි ගොට්ටක් මගේ පැත්තට දික් කරේ හිනා වෙවී.
අහිංසක ආදරේ හිත්වල පුරෝගත්ත පිරිමී නිසා ගැහැනු ලස්සන වෙනවා .
පෙනුමෙන් විතරක්ම නෙවෙයි හිත් වලිනුත්.
ඒ වගේම එහෙව් පිරිමි ලැබෙන ගැහැනු මේ ලෝකේ වාසනාවන්තම ගැහැනු වෙනවා.
This was written by Hasika Wijethunga. She writes nicely❣️
Yeahh she is 😍