ලෝක කුසලානයට සූදානම්ද??

ඉතින් හැමෝම පරිස්සමෙන් ඇති කියල හිතනවා.ඉතින් කාලයක් ක්‍රිකට් මැච් එකක් නැතුව පාලුවෙන් හිටපු ශ්‍රී ලංකා ක්‍රිකට් රසිකයින්ගේ පාළුව මකන්න දැන් විස්සයි විස්ස ලෝක කුසලානය ආරම්භ වීමට නියමිතයි.IPL නිසා සමහරවිට ඒ අඩුව ලොකුවට දැනෙන්නේ නැතිව ඇති. ඒත් ලංකාවේ ගොඩක් රසිකයින් ඉන්නවා ipl වලට වැඩි කැමැත්තක් නැති.මාත් මේ පාර KKR නිසා කැමැත්තෙන් බැලුවත් ipl වලට ලොකු කැමැත්තක් නැහැ. ඉතින් කොහොම හරි දැන් තියෙන්නේ එක දිගට උදේ උදේ හවස භේදයකින් තොරව match බලන්න තමයි.මොකද දැනටමත් ඔයාට දන්නවා ඇති අපිට සවුත් අප්‍රිකා එක්ක තියෙන තරගය පමණයි රාත්‍රී අටට පැවැත්වෙන්න.අනිත් තරග තුනම තියෙන්නේ උදේ වෙලාවෙ.ඉතින් ඒ සමහර මැච් බලන්න ටිකක් පාන්දරෙන් අවදි වෙන්නත් වෙනවා.ඕක මොකක්ද NZ එක්ක සීරීස් වලදී ජීවිතේට උදේ හතරට තුනහමාරට නැගිටින්නෙ නැති අපි ටෙස්ට් මැච් බලන්න උදේ පාන්දර තුනහමාරට හතරට නැගිටල ආසාවෙන් බැලුවනම් world cup එකක් බලන්න අනික විස්සයි විස්ස ඒව බලන්න ඇහැරෙන්නෙ ණැතුව ඉදීවිද?කොහොම හරි මේ පාර විස්සයි විස්ස ලෝක කුසලානයට කණ්ඩායම් විස්සක් තරඟ වදිනවා.ඉතිං අපේ group එකේ ඉන්නේ දකුණු අප්‍රිකාව, බංගලාදේශය ,නේපාලය සහ නෙදර්ලන්තයයි .

භාණුකත් අවසන් 15 අතර හිටියනම් හොඳ උනත් දැන් තෝරලා ඉන්න 15ත් මේ පාර ලොකු දෙයක් කරාවි කියලා හිතනවා.වන්නිදු හසරංග මේ වන කොටත් තුන් ඉරියව් ක්‍රීඩකයන් ශ්‍රේණිගත කිරීම්හි පළවන ස්ථානයේ රැඳී සිටීම තවත් විශේෂත්වයක්.ඉතින් මතීශ පතිරණ. දිල්ෂාන් මධුසංක ,දුෂ්මන්ත චමීර සහ නුවන් තුෂාර යන ප්‍රබල වේග පන්දු බලඇනියක් ද ශ්‍රී ලංකා කණ්ඩායම සතු වෙනවා. ඒ වගේම වඩිදු හසරංග සහ මහීශ් තීක්ෂණ දඟපන්දුවෙන් පිතිකරුවන් අසරණ කරන්න පුළුවන් පන්දු යවන්න න් දෙදෙනෙක්.ඒ වගේම අත්දැකීම් බහුල ඇන්ජලෝ මැතිව්ස් සහ හිටපු නායක දසුන් ශානක මැද පෙළ ප්‍රබල තුන් ඉරියව් ක්‍රීඩකයන් දෙදෙනෙකු විදිහට පෙන්වා දෙන්න පුළුවන්.ඉතින් ඇත්තටම ඒ විදිහට බැලුවොත් මේ කණ්ඩායම ප්‍රබල කණ්ඩායමක් තමයි.කොහොම හරි අපේ කොල්ලන්ට තියෙන ප්‍රථම තරඟයම තියෙන්නේ එසේ මෙසේ කණ්ඩායමක් එක්ක නෙමෙයි ඒ දකුණු අප්‍රිකාව එක්ක . ඉතින් අපේ කොල්ලොන්ට මුල් තරඟයම ජයගෙන තරගාවලිය හොඳින් අවසන් කරන්න හැකි වේවායි ශ්‍රී ලංකා ක්‍රිකට් රසිකයින් විදියට අපි බලාපොරොත්තු සහගතව බලාගෙන ඉන්නවා.