පිස්සු හැදෙන අවසානයක්🥺❤️
ඉතින් මගේ මතක ශක්තිය කොච්චරද කියනවනම් ඊයෙ රෑ නිදමරාගෙන IPL අවසන් තරගය බලල නින්දට ගියේම අද මේක ගැනම ලියනව කියල. ඒත් වෙනත් මාතෘකාවක් ගැන ලියල ඉවර උනාටත් පස්සෙ තමයි මතක් උනේ ලියන්න හිටිය්‍ර් මේක ගැන නේද කියල. කොහොමහරි කම්ක් නෑ කියල හිත හදන් හිටියත් හිත කියන්නෙම ලිව්වනම් හරි කියල. ඒ හින්දම පලවෙනි වතාවට IPL ගැන පොඩ්ඩක් ලියන්න හිතුව. ඒකත් අවසන් තරගය ගැනම ලියන්න හිතුව.
කණ්ඩායම් ගණන වැඩිකරාත් එක්කම.මැච් වැඩිවුන නිසා මං කලින්ම හිතාගත්ත මේ පාරනම් බලන්නෙ නෑ කියල. මොකද IPL යනව කියන්නෙ අනිත් සීරීස් ඔක්කොම වගේ කල් ය්නව. ඒත් ඉතින් ඉත්තෑව ඒකට ඉඩදෙන්නෙ නෑ. මැච් එක ය්ද්දි බලන් ඉන්න බෑ. එතකොට ඒ ඔක්කොම අමතක වෙනව. මට ආසම ටීම් එකක් කියල නෑ මේ පාරනම් චෙන්නායි තමයි ඒත් කලින් එපාම කරපු ටීම් වලින් එකක් ඒක. හැබැයි මට එපාම කරපු ටීම් එකක් තියෙනව. නෑ නෑ ඒ RCB නෙවෙයි. 😂මං ආසම නැත්තෙ ලංකාවෙ ගොඩක් අය ආසම ටීම් එකකට ඔව් ඒ Mumbai Indians කන්ඩායමට.කොහොමහරි මේ පාර මුලින් ඉදන්ම දැනගත්ත Gujarat Titans ක්ණ්ඩායම Final එනව කියල. මොකද ඒ ටීම් එක පට්ටම බැලන්ස්. බැටින් , මිඩ්ල් ඕඩර් එක වගේම බෝලින් සුපිරිය්ටම තිබුන. හිතුව වගේම ගිල් වැඩිම ලකුනුත් , ශමී වැඩිම විකටුත් අරන් ෆයිනල් එකට එන්න ඔවුන්ට හැකිවුනා.
චෙන්නායිල ෆයිනල් එන්න අප්‍රෙ කොල්ලො දෙන්නත් සෑහෙන්න වගකීමක් ඉශ්ට කරා. මතීශ ඒ අතරින් විකට් දහනමයක් ලබාගන්න සමත් වුනා. කොල්ලට තාම විස්සයි. ඔහුට හොද අනාගතයක් වගේම ශ්‍රී ලංකා ක්‍රිකට් වලටත් හොද අනාගත්‍යක් තියෙනව කියල මතීශ මහීශ් පෙන්නල දුන්න.ඉතින් කොහොමින් කොහොමහරි ගුජරාට් චෙන්නායි අවසන් තරගයට වැස්සෙන් බාධා එල්ලවුන නිසා දවසින් තරගය කල්දාන්න සිද්ද වුනා. ඊළඟ දවසෙ ඒ කියන්නෙ ඊයෙ නැවත ආරම්බ වුනු තරගයෙන් කාසියේ වාසිය දිනාගන්න දෝනි ස්මත් වුනා. වැස්සෙන් බාධා එල්ලවේවි කියන සැකේටමද කොහෙද දෝනි ප්‍රථමයෙන් පන්දු රකින්න තීරණය කරා. දෝනිගේ අවසන් තරගය මෙය වීමට ඉඩ ඇති බව දැනගත් මිනිස්සු විශාල ප්‍රමාණයක් තරගය නැරබීමට පැමින තිබුණ් තනිකර කහ මල් යායක් වගෙ පිට්ටනිය ලස්සන කරමින්.
දෝනිගේ තීරණය දෙවරක් සිතා බලන්න ඉඩ සැලසූ නියමිත පන්දුවාර විස්ස තුල ලකුනු 214 ක් ලබගැනීමට සමත් වුනේ අවසන් තරගයක ලබාගත් වැඩිම ලකුනු සංක්‍යාවද වාර්තා කරමින්.එහිදී සායි සුදර්ශන් ලකුනු 96ක් ලබාගැනීමට සමත් වුනා. ඔහුගේ කඩුල්ලද සමගින් තවත් කඩුලු දෙකක් දවාගැනීමට මතීශ සමත් වුනා. පිලිතුරු ඉනිම ක්‍රීඩාකිරීමට චෙන්නායි ආරම්භක පිතිකරුවන් පිටියට පිවිසියත් වැසිකාලගුනය හමුවේ නැවත ක්‍රීඩාගාරයට යාමට සිදුවුනා.
අධ්ක වර්ශාව නිසා නැවත තරගය ආරම්භ කිරීමට සිදුවුනේ පැය දෙකහමාරකට පසුවයි. ඒ අනුව DLS න්‍යායට අනුව පන්දුවාර පහලවකින් ලකුනු 171ක් ලබාගැනිමට සිදුවුනා. හොද ආරම්භයක් කොන්වේ අරන්දුන්නත් අවසාන හරියෙදි ටිකක් හිරවුනු නිසා තරගය දෙපිලටම දෝල්නය වුනා. නමුත් තම අවසන් තරගය ජයග්‍රහණයකින් නිම කිරීමට අවශ්‍ය වුනු රයිඩු මෝහිට් ශර්මාගේ පන්දුවාරයේ හයේ පහර දෙකක් සහ හතරේ පහරක් සමගින් නැවත චෙන්නායි කණ්ඩායමට වැඩි වාසි ලබා දුන්නා. නමුත් ලේසියෙන් පරාජයට අකමැති වුනු මෝහිට් ශර්මා එම වාඩුව ඒ පන්දුවාරයෙන්ම ගත්ත්‍රෙ රයිඩු සහ තලා හෙවත් දෝණිද දවාගනිමින්. ඉතින් මොහොතකට ප්‍රේක්ශකාගාරය නිහඩ වුනේ දෝනිගේ දැවීයාමත් සමගින්. ප්‍රාහාරාත්මක පිතිකරු ඩුබේ සහ ජඩ්ඩුව මනාව පාලනය කරමින් අවසන් පන්දුවාරයේ අවසන් පන්දු දෙකට ලකුනු දහයක් ලබාගැනීමේ අභියෝගය ජඩ්ඩුට ලබාදෙන්නට ගුජරාට් ක්‍රීඩකයින් සමත් වුනා. කදුලින් බරව තිබුණ් චෙන්නායි ප්‍රේක්ශකයන්ගේ ඇස් වලට සතුටු කදුලු පුරවමින් හයේ පහරකින් හා හතරේ පහරකින් නොසිතූ ජයක් චෙන්නායි කණ්ඩායමට ලබාදෙමින් පස් වෙනි වරට IPL ශූරතාව තමන් සතු කරගනිම්න් මුම්බායි කණ්ඩායම සමග සමාන වීමට චෙන්නායි කණ්ඩායම සමත් වුනේ ශ්‍රී ලාංකික ක්‍රිකට් රසිකයන්ගෙද සිත් වල සතුටක් ඇති කරමින්.