තරගාවලි ජයක්
ඉතින් හැමෝම පරිස්සමෙන් ඇති කියලා හිතනවා.කාලෙකින් ක්‍රිකට් ගැන article එකක් දාන්න බැරි උන නිසාත් ,අපේ කණ්ඩායම ලබපු විශිෂ්ට ජයග්‍රහණය නිසාත් මේ තරගාවලිය ඉවර වුනාම දැම්මනම් හරි කියලා මට හිතුනා. කොහොමත් තරගාවලිය දිනනවා කියලා නම් ලොකු අධිෂ්ඨානයක් අපේ කණ්ඩායමට වඩා මගේ හිතේ තිබුණා.(ඒ තරම් ඉත්තෑව ප්‍රබලයි) කොහොම හරි ශ්‍රී ලංකාව සහ බංගලාදේශය කියන්නේ පොඩි පොඩි ආරවුල් නිසා කාලයත් එක්කම ඉන්දියාව සහ පාකිස්ථානය වගේ තත්ත්වයකට් පත්වෙමින් තියෙන කණ්ඩායම් දෙකක්.පසුගිය ලෝක කුසලානයේදී මැතිව්ස් ගේ සිදුවුණු ආන්දෝලනාත්මක දැවීයාම නිසා ඒක තවත් ප්‍රබල උනා. මේ හේතුව නිසාම මේ තරගාවලිය ගැන ශ්‍රී ලංකා ක්‍රිකට් කණ්ඩායමේ ක්‍රීඩකයින්ටත් වඩා ක්‍රිකට් රසිකයින් දැඩි උනන්දුවකින් බලා සිටින තරගාවලියක් වුණා.
පළමුවෙන්ම ආරම්භ වුන විස්සයි විස්ස
තරගාවලියේ පළමු තරඟයම ටිකට් රසිකයින්ගේ හදගැස්ම දෙගුණ තෙගුණ කරමින් ලකුණු තුනක තියුණු ජයක් ලබා ගැනීමට ශ්‍රී ලංකා කණ්ඩායම සමත් වුණා.මෙහි විශේෂත්වය වුණේ ප්‍රථමයෙන් පන්දුවට පහර දෙන කණ්ඩායමට රාත්‍රී කාලයේ පන්දු යැවීමේදී පින්න හේතුවෙන් පන්දු යැවීම දැඩි දුෂ්කර වුණා.ඒ වාසිය තරග දෙකේදීම ලබා ගැනීමට බංගලාදේශය කණ්ඩායම සමත් වුණේ කාසියේ වාසිය ජයග්‍රහණය කරමින්.ප්‍රථම තරඟයෙන් ලද පරාජයත් සමඟ තරගාවලියට අවතීර්ණ වූ බංගලාදේශ කණ්ඩායම දෙවන තරඟය ජයග්‍රහණය කරමින් තරගාවලිය එකට එකක් ලෙස සම කිරීමට සමත් වුණා.තරග තහනම නිසා ප්‍රථම තරග දෙකේදීම වනිදු හසරන්ගට ක්‍රීඩා කිරීමට නොහැකි වූ අතර චරිත් අසලංක විසින් කණ්ඩායම මෙහෙයවුවා.
තෙවන සහ තීරණාත්මක තරඟයට බංගලාදේශ කණ්ඩායම ජයග්‍රාහී මානසිකත්වයෙන්ද , ශ්‍රී ලංකා කණ්ඩායමේ ප්‍රබල වෙනස්කම් තුනක් ද සමඟින් තරඟයට අවතීර්ණ වුණා. ඒ අනුව අවසන් විස්සයි විස්ස තරග දොළහේදීම අසාර්ථක වූ අවිශ්ක ප්‍රනාන්දු වෙනුවට ද්නංජය සිල්වා ආරම්භක පිතිකරු ලෙස කැඳවා තිබුණා.ඒ වගේම නුවන් තුෂාරත්, තීරණාත්මක තරඟය මෙහෙයවීමේ වගකීම වනිදු හසුරංගටත් ලැබුනා.ඉතින් පැතුම් නිස්සංකගේ අඩුව මනාව කියාපාමින් මේ තරගයේදීත් ආරම්භක සබඳතාව එතරම් සාර්ථක වීමට බංගලාදේශ පන්දු යවන්නන් ඉඩ ලබා දුන්නේ නෑ.නමුත් බංගලාදේශ පන්දු යවන්නන්ට දුටු දුටු තැන පහර දෙන කුසල් මෙන්ඩිස් තරගාවලිය පුරා සාර්ථක වෙමින් මේ තරඟයේදීත් දැවැන්ත ලකුණු 86ක් ලබා ගැනීමට සමත් වුණා. ඒ අනුව පන්දුවාර විස්ස අවසානයේ ලකුණු 174ක ඉලක්කයක් ලබාදීමට ශ්‍රී ලංකා කණ්ඩායමට හැකි වුණා.
එම ඉලක්කය සාර්ථකව හඹායාමට පිටියට පිවිසි බංගලාදේශ පිතිකරන බලඇණිය සුනු විසුණු කිරීමට නුවන් තුෂාර සමත් වුණා. ඒ අනුව ක්‍රිකට් රසිකයන්ට නැවතත් මාලිංග සිහිපත් කරමින් අති විශිෂ්ට පන්දු තුනකින් කඩුලු ත්‍රිත්වයක් දවා ගැනීමටත් නුවන් තුෂාර සමත් වුණා.ඒ අනුව පන්දුවාර විස්ස අවසානයේ බංගලාදේශ කණ්ඩායමට ලබාගත හැකි වූයේ ලකුණු 146 ක් පමණයි.අති විශිෂ්ට පන්දු යැවීමක නිරත වූ නුවන් තුෂාර ලකුණු 20ට කඩුලු පහක් දවා ගැනීමට සමත් වුණා.ඒ අනුව තරඟයේ වීරයා ලෙස නුවන් තුෂාරත්, තරගාවලිය වීරයා ලෙස පිත්තෙන් දස්කම් පෑ කුසල් මෙන්ඩිස් ද සම්මානයට පාත්‍ර වුනා. ඒ අනුව විස්සයි තරගාවලියේ ජයග්‍රහණය 2-1 ලෙස ශ්‍රී ලංකා කණ්ඩායම ලබාගත් අතර එක් දින තරඟාවලිය ලබන 13 වෙනිදා ආරම්භ වීමට නියමිතයි.
ඇත්ත වශයෙන්ම ඒක පුදුමය දනවන තරගයක්. ඒ වගේම ඒ තරගයේ සැබෑම වීරයා වන්නේ නුවන් තුශාර.ඔහුගේ විශිෂ්ට පන්දු යැවීම හමුවේ බංගලාදේශයේ ක්‍රීඩකයන් අන්ත අසරණ තත්ත්වයට පත්වන අයුරු අපට දැකගන්න ලැබුණා. ශ්‍රී ලංකා මාතාවට මෙවැනි වූ ක්‍රීඩකයන් ඉතාමත් වටිනවා. ඉදිරියටත් ජය ගෙන එන්න අපේ සිංහ පැටවුන්ට සුභ පැතුම්.
😍😍😍