ටිකක් බිව්වට කමක් නැද්ද?

"අම්මා ගෙදර දූවිලි තියෙනවද ?"
"පාර අයිනෙද ගෙදර ?"
"වායු සංවහනය කොහොමද?
තේරෙන භාෂාවෙන් Ventilation
ඔය වගේ අතෝරක් ප්‍රශ්න ඇතුලේ
"ගෙදර සිගරට් බොන කවුරුහරි ඉන්නවද?" "අනේ ඔව් ඩොක්ට හස්බන්ඩ් සිගරට් බොනවා"

ඉතුරු කතාව නවත්තලා...මේ ටිකට යං...
"අම්මා ඔයාගේ හස්බන් සිගරට් බොන්නේ ඔයාව කසාද බැන්දට පස්සෙද නැත්තං කලින් ඉදන්ද ? "
හැබැයි එයාට උත්තර දෙන්න
මං ඉඩ තිබ්බේ නෑ.
මං කිව්වේ "දෙකටම වැරදිකාරයා ඔයා"
කසාද බඳින්න කලින් ඉඳන්
සිගරට් බොනවා නම්
ඇයි ඔයා ඒ මිනිහාව බැන්ඳේ ?

කසාද බැන්දට පස්සේ
සිගරට් බොන්න පුරුදු වුනානම්
ඔයා ටිකක් හිතලා බලන්න, කලින් හොඳට හිටපු මිනිහා සිගරට් බොන්නෙ
ඔයාගෙන් මොකක් හරි අඩුපාඩුවක්
වෙලා ඇති නේද ?

දැන් අද වෙනකොට ඔය දරුවගේ හතිය වෙනුවෙන් ඔයා දුක් වෙනවා....
එදා කල්පනා කළේ නෑ නේද ?

මම දකිනවා තරුණ පරම්පරාව,
හරිම ලිබරල් .... මේ වගේ දුරාචාර පුරුදු වලට හරිම සැහැල්ලුවෙන් උත්තර දෙන්නේ. ජීවිතය විඳින්න ඕනෙ කියලා අරක්කු බොනවා .... ඉතිං ඇයි මේ
අරක්කු බොන එකයි, සිගරට් බොන එකයි
මම පටලගෙනද......
නෑ..........
ගිය සතියේ.... ගොඩක් කල් නෙවෙයි,
මේ ගිය සතියේ මම අධ්‍යයනය කරන ජාන විද්‍යා විදේශ පුහුණුවෙදි ලන්ච් ටයිම් සෙමිනාර් තියනවා, ජර්නල් ක්ලබ් තියෙනවා
ඔය ෆොටෝ එක ගත්තේ ඒකෙ ඉන්නකොට.
Mutagenesis ගැන
ඒ කියන්නේ ජාන විකෘතිතා ඇතිවීම…
සාමාන්‍යයෙන් ඕනෙම කෙනෙක් දන්නවා
Cancer එකක් හැදෙන්නෙ ජාන විකෘතිතාවයක් නිසා. ඇත්තටම ගත්තොත්
අපේ ඇඟේ Cancer හදන ජාන, Oncogenes,
ඉතා විශාල ප්‍රමාණයක් තියෙනවා හැබැයි ඒ හැම එකක්ම Switch off කරලා තියෙන්නේ
ඒක කරන්න වෙනම ජාන තියෙනවා

අපි ආශ්වාසය කරන සිගරට් දුම නිසා
ඒවයෙ තියෙන oncogenic chemical පිළිකාකාරක රසායන ද්‍රව්‍ය, මෙන්න මේ Switch off වෙලා තියෙන ඔන්කොජීන්ස් ස්විච් ඕන් කරනවා...ඔන්න ඔය ගැන සාකච්ඡාවක් ගියේ..
එතනදි මතුවෙච්ච විශේෂම දේ තමයි,
මම මීට ඉහත කලින් පෝස්ට් එකක කිව්වා
භාවනාවෙන්... අපේ ඇගේ තියෙන ප්‍රතිඔක්සිකාරක ගුණය 41% කින් වැඩිවෙනවා කියලා. සිගරට් බීම තුළින්
වැඩි වෙන දේ තමයි Mutagenesis....විකෘති ජනනය...කොච්චරක්ද ?
61%......
ඔය විකෘති ජනනය අතරේ සිගරට් බීම නිසා
Cancer හැදෙන්න තියෙන ප්‍රවණතාවය
වැඩි වෙන්නේ අන්න එහෙම...
එතකොට
ටිකක් බිව්වට කමක් නැති එක මේකට අදාල වෙන්නේ කොහොමද ? නිකමට කල්පනා කරලා බලන්න බොන එවුන් සෙට් වෙන තැනක සිගරට් බොන එවුන් ඉන්නවා.
මත්පැන් සහ සිගරට් යන්නේ එකටමයි...
අරක්කු වලින් අක්මාවට බලපෑවට සිගරට් වලින් පෙනහලු වලට. විවිධ පිළිකා වලට
ඒ විකෘතිතාවය එන්නේ මොන ජානේද කියලා අපි දන්නේ නෑ, ඒ නිසා එන්නේ කුමන ආකාරයේ කැන්සර් එකක්ද කියලා අපි දන්නේ නෑ...
ඉතිං එතකොට social drinkers ලට
ටිකක් බොන අයට ප්‍රශ්නයක් නෑනෙ.
එහෙමද හිතන් ඉන්නෙ.?
ඇත්තටම සිගරට් බොන එකා Active Smoker...කටින් සිගරට් එකේ දුම උරලා
නහයෙන් පිටකරනවා. ටිකක් පෙනහලු වලට යනවා. හැබැයි වටේ ඉන්න සිගරට් නොබොන එවුන් ටික Passive Smokers ලා
නහයෙන් අරන් කෙලින්ම පෙනහලු වලට දාගන්නේ…

සාපේක්ෂව ගත්තහම වර්තමානයේ පිලිකා
වැඩි වෙන්නට හේතුව තේරෙනවද ?
සිගරට් බීම ඇතුළේ සිද්ධවෙන දේ අද නෙවෙයි අපිට ප්‍රතිඵල පේන්නේ තව අවුරුදු ගානක් යනකොට

තරුණ වයසේ දී...ජීවිතේ විඳින්න කියලා
ටිකක් බිව්වට කමක් නැති, ඔබේ පෙම්වතා එක්ක විවාහ වෙලා දරුවොත් හැදුවට පස්සේ කැන්සර් එකක් හදාගෙන
මහරගම හොස්පිටල් එකේ ඉන්නකොට එයාට බෙහෙත් ගන්න හතර අතේ ණය වෙනකොට....
මෙන්න ජීවිතේ...කියලා පෝස්ට් දාපු,..
ඔන්න විඳින උං කියලා හාට් දාපු....
වෙහෙර විහාර හදන්න එපා..
මහරගමට දෙන්ඩ කියපු..
ආගමට දහමට යොමු කරන්ඩ එපා..
ඉන්න ටිකේ කාලා බීලා ඉන්න කියපු..
අම්බරුවෝ එන්නේ නෑ පුතේ...

කැන්සර් කියන්නේ..පවුලටම පිළිකාවක්..
පවුලම නන්නත්තාර වෙන ලෙඩක්....
ගොඩ ගියත් නැට්ටටම කෙලවිලා...

දුරාචාර වලට යොමු නොවී..
චෛත්‍යයක් හදන, යහමගට පියවර තියන..
මිනිහෙක්ට බහ දීපං කෙල්ලනේ ...
ඊට වඩා පින් කරන්න
මහරගම තියෙන්නේ කියලා අඥාන තර්ක ගේන බුකීබකපණ්ඩිතයෝ
එන්නේ නෑ පුතේ එදාට...
දරුවෝත් එක්ක මිනිහගේ බර, ආර්ථික අහේනි...ඔක්කොම පැත්තක තියලා...
පපුවේ ගින්දර... එදාට දොස්තර නෙවෙයි සක්කරයා ආවත් වයිමා ආවත්...සොරි පුතේ .
ඔය විඳින්නේ ජීවිතේ ....දැන් හරිනේ...

ඔය අයියලා එන්නේ නෑ ඒවා නිවන්න..
පුරෝකතනය කරන්න දන්නේ නෑ.
විචාරය කරන්න දන්නේ නෑ...
නොදන්නාකම පිළිගන්නෙත් නෑ...
ගොං තර්ක ගේනවා...අහිංසක මිනිස්සු අමාරුවෙ...
කුමන ආගමේ වුණත් ආගමට දහමට යොමු කිරීම මිනිසුන්ගේ ජීවිත කාලයේ විඳවීම් අඩුවෙනවා. ඔය කියන විඳින ජීවිතය තුළ
විඳවීම් වැඩිවෙනවා. ඒවා විද්‍යාත්මකව ඔප්පු කරල තියෙන්නෙ...