අපේ කොල්ලෝ 😎😍

හැමෝම පරිස්සමෙන් ඇති කියල හිතනවා. අයිත් කාලෙකට පස්සෙ ඇදිරි නීතිය රටට පනවල තියෙන්නෙ හවස් වරුවට . දැන්නම් රටේ තත්ත්වෙ සාමකාමී වෙලා ඉවරයි . පස් පාරක් අගමැතිවෙලා මේ රට මේ තත්වෙකට සංවර්ධණය කරන්න දායක වුණු විශිෂ්ට නායකයෙලුත් අගමැති වුණ නිසා රටේ ප්‍රශ්නත් ඉක්මනට විසදේවි . කිසිම හොරකමකට , රට විකුණන වැඩ වලට එහෙමත් දායක නොවුණු වැදගත් නායකයෙක්නෙ. ම්ම්ම් ඒක ගැන ලියන්න ගියොත් කලින් දවසෙ පස්සට දාපු එක අදත් කල් දාන්න වෙනව . ඒක නිසා අද අපේ කොල්ලො ටික ගැන ලියල ඉන්නම්.

වෙනද cricket post එකදිගට දාපු මට මේ ටිකේ post දානව තියා කවදාවත් නැතුව IPL තරග පවා සෑහෙන්න ගානක් බලන්න බැරිවුනා. ගොඩක් මැච් highlights බැලුවට live බලන ෆීලින් එක ගන්න අමාරුයි . කොහොමහරි අපේ කොල්ලො හයදෙනෙක් මේ පාර IPL වල සෙල්ලම් කරනවා. ඒ අතරින් බානුක , චමීර , මහීශ් සහ වනිදු තමයි තරග වලට සෙල්ලම් කරන්න අවස්තාව හම්බුනේ. අවාසනාවට චාමිකට සහ මතීශ්ට තාම අවස්තාවක් හම්බුනේ නෑ. මේ පාර IPL එකට අලුතින් කණ්ඩායම් දෙකක් සම්බන්ද වුනු නිසා තරග ප්‍රමාණය තවත් වැඩිවුණා. හරි අපේ කොල්ලො ගැන කත කරමුකො. ශ්‍රීලංංකා ක්‍රිකට් කණ්ඩායමේ සංචිතයෙන් ඉවත් කරපු බානුක රාජපක්ශ IPL වල තම අණසක පතුරන්න සමත් වෙලා තියෙනව. මහීශ් තීක්ශනත් චෙන්නායි කණ්ඩායමට් නැතුවම බැරි ක්‍රීඩකයෙක් බවට පත්වෙලා තියෙනව. ඔහුගේ පන්දුවාර හතර බොහෝ විට ලකුණු 20-30 ත් අතර රදවා ගැනීමටත් ඒ අතර කඩුලුද ලබාගැනීමට මහීශ් සමත්වෙලා තියෙනව. කෙටිකාලයක් ඇතුලත ශීඝ්‍ර දියුණුවක් ලබාගත් චමීරත් තරගාවලිය පුරා තමා තරග කල තරග වලදී විශිශ්ට දස්කම් පෙන්වීමටත් සමත් වුනා. ඇත්තටම මේ ක්‍රීඩකයන් තිදෙනාම අලෙවි වුණේ විශාල මුදලකට නොවුණත් ඔවුන් විසින් කංඩායමට ලබාදෙන සහයනම් අතිවිශිශ්ටයි.

ඊලගට කතාකරමු කතාවේ විරයා ගැන. ඔහු තමයි විස්සයි විස්ස ශ්‍රේණිගත කිරීම් වල පලවෙනියා , 2021 ලෝක කුසලානයේ වැඩිම කඩුලු ලාභියා, පසුගිය T10 තරගාවලියේ වැඩිම කඩුලු ලාභියා , පසුගිය LPL තරගාවලියෙ වැඩිම කඩුලු ලාභියා, ඒ වගේම මෙවර IPL තරගාවලියේ දැනට දෙවෙනියට වැඩිම කඩුලු ලාභියා . ඔහු නමින් වනිදු හසරංග. වනිදු අලෙවි වුණේ මට මතක විදියට් ඉන්දියන් රුපියල් කෝටි 10ට වැඩි මුදලකට . ඔහු ඒ මුදලට අතිශය සාදාරනයක් තරගාවලිය පුරාව්ට මේතාක් පෙන්වමින් තියෙනව. වනිදු පසුගිය තරගයේදී මෙවර තරගාවලියේ හොදම පන්දු යැවීම සනිටුහන් කලා.ඒ ලකුණු 18ට කඩුලු පහක් ලෙස. මාලිංගට පස්සෙ IPL තරගාවලියක කඩුලු පහක් දවාගත් අනිත් පන්දු යවන්නා ඔහුවීමත් විශේශයක් . ඉතින් වනිදු මේ වෙනකොට කඩුලු 21ක් දවාගෙන ඉන්නව. චහල්ට වඩා කඩුලු දෙකක් පිටුපසින් තමයි ඉන්නෙ . අපේ කොල්ල පලවෙනි තැනට එනව කියලනම් ශුවර් . ඉතින් අපි බලන් ඉමු ඉතිරි තරග කිහිපයේදී අපේ කොල්ලො ටික වැඩ පෙන්නන හැටි 😎😍.