ඔබේ ජීවිතේ වටිනම තීරණ ගන්නෙ කවුද?

_source
ඉතින් හැමෝම පරිස්සමෙන් ඇති කියලා හිතනවා.අද මම ලියන්න හිතන් හිටියේ වෙන දෙයක් ගැන. නමුත් අහන්න ලැබුන දෙයක් නිසාත්, වර්තමානයේ ගොඩක් සිදුවන දෙයක් නිසාත් මේ දේ ගැන ලිව්ව නම් හොඳයි කියල හිතුනා. ඔයාට මාතෘකාව දැක්කම ඇත්තටම මම අද ලියන්න යන්නේ මොකක් ගැනද කියල පොඩි අදහසක් ගන්න පුළුවන්. නිකමට හිතන්න ඔබගේ ජීවිතයේ වටිනම තීරණ අරන් තියෙන්නේ ඔයා මද නැත්තං ගෙදර අයගේ බලපෑම් මත ද? වැඩිය ඕනේ නෑ මං මමම උදාහරණෙට ගන්නම්කො.මං ඒ ලෙවල් වලට Maths කරේ ඇත්තටම ගෙදර අයගේ කීම මත.විශේෂයෙන් අම්මගෙ. මට ඕන්නං ගෙදර අයට කියලා arts කරන්න බැරි කමක් තිබුණ නෙමෙයි. මටම ටිකක් හිතුනා Maths කර හා මං හරි ගේමක් ගහගන්න බැරි වෙන එකක් නෑ කියලා.ඉතින් ඒ නිසාම මේක තෝරාගත්තා. කොහොමහරි ඒක කරා කියලා පාඩුවක් උනෙත් නෑ. ඒත් IET එකට ආවමත් කොරෝනා සහ එක එක ප්‍රශ්න නිසා මේකත් ටික ටික කල් ඇදෙන වැඩක් උනාම මේක කරන එක තේරුමක් ඇති වැඩක් ද කියලත් හිතුන අවස්ථා නැතුවම නෙමෙයි.

ඉතින් ඔය හේතුව නිසාම මට තනි තීරණයක් ගන්න පුළුවන්කම තිබුනත් මට ඕන වුණා අම්මගෙනුත් අහන්න, ඇත්තටම අම්මගෙන් විතරක්ම නෙමේ. තව මට ළඟම දෙතුන් දෙනෙක්ගෙනුත් ඇහුව . ඒ අයගෙන් ඇත්තටම මට ලැබුණේ මම හිතුව ධනාත්මක ආකල්ප ගොන්නක්. මොකද ඒ වෙනකොටත් මම මේකෙ වසර දෙකහමාරක් කාලය ගත කරලා ඉවරයි. ඉතිං තව මට ඉන්න තිබ්බේ අවුරුද්දක් විතරයි.ඉතින් ඒ අය හැමෝම වගේ මට කිව්වේ මේ අන්තිම අවුරුද්දත් ඉවර කරගෙනම ඔයාගේ qualification එහෙමත් හදාගෙන ඔයා කැමති පාරක යන්න කියලා.ඉතින් මං ඒ අදහසට ගොඩක් ගරු කළා මොකද ඔවුන් කිසිම කෙනෙක් මට බල කළේ නැහැ ඔයා මේ පාර යන්න මෙහෙම කරන්න අරම කරන්න කියලා. මනුස්සයෙක්ට තමා කැමති දෙයක් කරන්න තීරණයක් ගන්න නිදහස අනිවාර්යෙන්ම තියෙන්න ඕන.ඔවුන්ට උපදෙස් දෙන එක වෙනම දෙයක් , නමුත් තමන් කැමති දෙයක් ඔවුන් ලවා කරගන්නවා කියන්නෙ ඔවුන්ගේ ජීවිතය විනාශ කිරීමක්. මේක මට හොඳටම තේරුනේ මගේ හොඳම හොඳම යාළුවෙක් ගේ සිද්ධියක් නිසා. මේ ගැන ලියන්න ප්‍රධානම හේතුවත් ඔහුයි.
ඉතින් මේ කොල්ලා IET ඉන්න කාලෙම අම්මගේ බල කිරීමට නර්සින් දාල තිබුන.උගේ නම් ලොකු කැමැත්තක් තිබුණේ නැහැ.කොහොමින් කොහොම හරි මෙයාට නර්සින් ඉන්ටව් පවා ආවා.ඒකට ගියොත් අම්මගේ බලකිරීම මත මයි. වාසනාව කොච්චරද කියනවා නම් nursing select වෙන්නත් මොහුට පුළුවන් වුණා.එතනින් පස්සේ තමයි ලොකුම ඛේදවාචක පටන් ගත්තෙ.කොල්ලයි කිසිම කැමැත්තක් තිබුණෙ නැහැ මේක අතහැරල නර්සින් යන්න.ඉතිං අම්මට කොච්චර තේරුම් කරලා කිව්වත් එයාලගේ බල කිරීම ජීවිතයේ එපා වෙන තත්වෙටම මොහු පත්කළා.මට එතෙන්දි තමයි තේරුනේ මේ අම්මා කරන්නේ කොච්චර ලොකු වැරැද්දක් ද කියලා.ඔහු හිටියේ සම්පූර්ණයෙන්ම මානසිකව වැටිල.ඉතින් අවසානයේ ඔහු තීරණය කළා නර්සිං යන්න ගෙදර අයගේ බලකිරීම හින්දම.නිකමට හිතන්නකෝ ඔහුගේ සම්පූර්ණ අනාගතයම රැඳෙන්නේ ඔය තීරණය මත.ඒ දෙමව්පියෝ ගත්ත තීරණය වැරදි එකක් වුනොත් ඒ වගකීම ඒගොල්ලන් භාරගන්නවද????

කෙනෙක්ට යමක් කමක් තේරෙන වයසකට ආවහම ඔවුන්ගේ ජීවිතය සම්බන්ධ තීරණ ගැනීමට අයිතිය ඔවුන්ට භාර දිය යුතුයි. ඒ ගන්න තීරණ වලට උපදෙස් දෙන්න හරිද වැරදි ද කියන්න විතරක් පුළුවන්නම් ඒක ගොඩක් වටිනවා.