ආගමද ? දර්ශනයද ? (2)
ඉතින් කලින් එකේ තව ටිකක් ලියන්න මදි වුන නිසා මේකෙන් මේ මාතෘකාව අවසන් කරන්න හිතුවා.අගමක තියෙන්නෙ ඇදහීමක් දර්ශනයෙ තියෙන්නෙ අවබෝදයෙන් යුතුව පිළිපැදීමක්. ඉතින් දර්ශනය හා මිත්‍යාව පටලගත්ත
මිනිස්සුන්ගෙ ඔලු වලට ඕක දෙන්න පුලුවන් උන දවසට මේක ලස්සන රටක් වෙයි මනුස්සකම පිරුන 🤍 මං මුහුනුපොතේ තිබුණ් හරි ලස්සන සංවදයක් දැක්ක මේකටම ගැලපෙන. ඒ සංවාදය යන්නෙ බුදුන් සහ ආනන්ද තෙරුන් අතර වත්මන් සමාජය හේතු කොට ගෙන.ඒකෙ අඩංගු ඇතැම් කරුමු වලට මම එකග නොවුනත් ඒකෙත් ගතයුත්තක් අඩංගු වෙනව. ඉතින් ඒක වෙනසක් නොකර මන් මේකට දන්නම්.
බුදුන් ආපසු වඩිති අනඳ තෙර සමග....
සමහර කසාය චීවරධාරීන් මම දේශනාකලා කියලා
එයාලගෙ හිතලු මගේ පිටින් යවනව ආනන්ද .
සමහරු කවි කියනවා ආනන්ද
තවත් සමහරු සින්දු කියනවා තවත් සමහරු ආදරේ කරන හැටි කියනවා ආනන්නද.. මම දේශනා කලේ සියලු සත්වයාටම ලෝකයාටම එකසේ ආදරය කරන දර්ශනයක් විතරයි ආනන්ද..
තවත් සමහරු බන කියලා ගෙඩි පිටින් කුනුහරුප ඇදබානවා ආනන්ද? මම දේශනා කලේ අහලා හිනා වෙන කොමඩි දර්ශනයක් නෙවෙයි මම දේශනාකලේ අහද්දි හිත නිවෙන දර්ශනයක් ආනන්ද....
ආනන්ද ඒ අතරේ තවත් සමහරු පිරිමි උසස් ගැහැනු පහත්. ගැහැණය පිරිමියාට සලකමින් සිටියයුතුයි කියලා දේශනා කරනවා ආනන්ද.. මම දේශනා කලේ නැහැ නැහැ අසමානාත්මතාවයක්. මම දේශනාකලේ සමානාත්මතා දර්ශනයක් ආනන්ද. මගේ දර්ශනය ඇතුලේ මල්වත්තට ලොකු පුටුවකුත්.. රාමාඤ්ඤ නිකායට පොඩි පුටුවකුත් තියන්න අවශ්‍ය නැහැ ආනන්ද. මගේ පැවිදි පුත්‍රයන් සියල්ල එක හා සමානයි ආනන්ද.. මම මහන කරපු මා පුත්‍ර රාහුලත් උපතින් පහත් කුලේක යැයි පැවසූ සෝපාකත් දෙදෙනාම මගේ පැවදි පුත්‍රයන් පමනයි ආනන්ද.. එහෙනම්පඇයි මේ මාගේ සාසනය තුලම බෙදීම් ආනන්ද...
ඇයි ආනන්ද මේ අහස උසට පළතුරු පූජා, ඇයි මේ මලුව වටකරලා වතුර කලා පූජා.. මම මේවා දේශනා කලේ නැහැ ආනන්ද මම දේශනාකලේ හිත නිවන මාර්ගයක් මිසක මා පුදන ආගමක් නෙවෙයි ආනන්ද..
ආනන්ද මම හැමදේම අතහැරපු බෝ ගහ යට ඇයි මේ මිනිස්සු වැඳ වැටිලා හැමදේම ඉල්ලන්නේ?
ආනන්ද මේ තරම් පළතුරු වලින් ඇයි මේ චෛත්‍යය පුරවන්නේ?
ආනන්ද ඇයි හංදියක් හංදියක් ගානේ
මගෙ රුව තැන්පත් කරලා?
කරන්න තියෙන පව් වැඩ
මිනිස්සු හංදියක් ගානෙම කරද්දී
මගේ රුව වුනත් දුක්වෙනවා ආනන්ද
ඇස් පනාපිට මිනිස්සු තිරිසන් වෙද්දි.....
ආනන්ද ඇයි මිනිස්සු මගෙ රුව ගාවට ඇවිදින් යාන වාහන
ඉල්ලා වැඳ වැටෙන්නෙ?
මිනිස්සු පව් ආනන්ද කවුද ඒ බොරු මත
මිනිස්සු අතරට යැව්වේ....
ආනන්ද ඇයි අර බෝ ගහේ සුදු පටි වලින් සරසලා අපල දුරු
වේවා කියලා බැඳලා තියෙන්නේ?
කියා දෙන්න ආනන්ද හිත දියුණු කරලා
තමන් තුළ හටගන්නා ප්‍රාර්ථනා
ඉටු වෙනකල් මහන්සි වෙලා වැඩ කරන්න කියලා.....
බලන්න ආනන්ද ලෝකය දිහා
කොච්චරනම් සැබෑ ආදරවන්තයන්
අද මිථ්‍යාවෙන් වැහුණු වෙලාවල්
කඩදාසි කොල නිසා වෙන්වෙලාද කියලා....
කවදද ආනන්ද මම කිව්වේ වෙලාවල් විශ්වාස කරන්න කියලා....
ආනන්ද ඇයි මේ භික්ෂුව සුර සැප මහල් වල වැඩ සිටින්නේ?
ආනන්ද ඇයි මේ භික්ෂුව බීමතින් පන්සල් වල වැඩි සිටින්නේ?
මතකද, ආනන්ද මම දේශනා කලා
කොසොල් රජතුමාට එදා
මගෙ ශාසනය විනාශ කරන්න,
ධර්මය යට ගහන්න
මිත්‍යාවන්ගෙන් වැහුනු මිනිස්සු
කසාවත දරාගෙන මගෙ ශාසනය තුලම බිහිවෙනවා කියලා.....
අද ඒ හැමදේම මහ පොළොවේ සිද්ධ වෙනවා ආනන්ද...
ආනන්ද පාලකයාට බෞද්ධ ධර්මය රකින්න පුලුවන් කියලා මුසා කියව්වේ කවුද
ශාසනේ රැකෙන්නේ ධර්මය ,විනය විතරයි කියලයි මං කීවේ.
කවද්ද ආනන්ද මම දේශනා කලේ
උපතින්ම දෙමව්පියන්ගේ ආගමින් බෞද්ධ වෙනවා කියලා....
බෞද්ධ යා කියන්නේ,
ධර්ම මාර්ගයේ යන කෙනාටයි
පින්බර ආනන්ද....
ආනන්ද ඇයි බිලි පූජා කරන කෝවිල් වල දේවාල අඩවි වල
"නමෝතස්ස භගවතෝ අරහතෝ සම්මා සම්බුද්ධස්ස" කියන්නේ?
සත්තු මරන තැන්වල
මිනිස්සුන්ට දෙස් තියන තැන්වල
"නමෝතස්ස" කියන්න තරම්
මිනිස්සු එච්චරම පහත් වුනා නේද ආනන්ද...
ආනන්ද ඇයි පන්සල් වල මේ තරම්
පිං කැටයට අගුළු දාලා හිර කරන්නේ?
කවද්ද ආනන්ද මම දේශනා කලේ
පිංවතුන් දෙන දානය හිරකරන්
පන්සල් දියුණු කරන්න කියලා
හිත් ගඳ ගහන්න දීලා....
මිනිස්සු හැමදේම ඉල්ලා හඬා වැටෙන
බෝ ගස යට තමයි ආනන්ද,
මම එදා හැමදේම අතහැරියේ....
අපි ආපසු යන් ආනන්ද.... මුන්ට පිස්සු ආනන්ද...
බෞද්ධ දර්ශනය ඇත්තේ සිතේ ස්වභාවය අවබෝධ කරගෙන පරිපූර්ණ වශයෙන් නිවීමයි.
මම අරකයි මේකයි කියා ලේබල් ගසා ගැනීමෙන් වෙන්නේ සත්‍යයෙන් තව තවත් ඈතට යෑම පමණයි.
අවසානයේ සිදු වන්නේ අහෝ සංසාරය දුකකි කියා හූල්ල හූල්ල ඉඳිමින් තව තවත් ප්‍රඤාව වටේ මැටි බිත්ති ගසා ගැනීමයි.
දර්ශනයේ හරය තේරුම් ගන්න.
නිදහස් මිනිසෙකු වන්න.
මං මේක කියවලා තියෙනවා. ඒක හරිම ලස්සන ගැඹුරු ලියවිල්ලක්. ඒත් අපේ රටේ බහුතර බෞද්ධයන්ව මේකෙන් ගලවගන්න අමාරුයි.
ගලවගන්න බෑ අක්කෙ ඇත්තටම මිථ්‍යාවට ඇලිල ඉන්නෙ මිනිස්සු 😐