Payız, Steemit və Monika Beluççi

Xoş gördük, @SteemitAzerbaijan☪✔ -nın yaradıcı kollektivi!

Gəlin, etiraf edək ki, hər gün post hazırlamaq, qrup üzvləri ilə ünsiyyət qurmaq, ən əsas da postumuza yerləşdirmək üçün gündəlik foto çəkmək, üstəlik fotoya uyğun yazı yazmaq üçün zaman və bilik lazımdır. O bəzi sayt başlıqları var e, "İnternetdən asan pul qazanmaq yolları", ay nə bilim, "Oturduğun yerdən pul qazan" kimi absurd fikirləri oxuyanda istehza ilə gülümsəyirəm. Başınız üçün elə) Tökülüb pul internetə, yığıb-yığışdıran yoxdur)

Hə, əzizlər, yenə burdayam. Bu dəfə Ukraynadan qardaşımın göndərdiyi payızın xəzan nəfəsli mənzərəsi, Steemit düşüncələrim və bir də Monika Beluççi bacımla gəlmişəm)

İndi deyəcəksiniz ki, heç dəxli var? Monika hardan çıxdı?
Var, əzizlər, dəxli var!
Neçə vaxtdır, Hədəf Nəşrlərinin sifarişi ilə bir kitab yazıram. Kitab ən sona gəlib çatıb, Monika Beluççidə ilişib qalmışam. Nəsə getmir, Monika əlimi-qolumu bağlayıb elə-bil, üstəlik şıltaq qızcığazlar kimi mənə dil də çıxardır ki, bəs nə oldu, kitabı 1 ilə bitirirdin guya? Yəni, çox özündən deyib eləmə, yazıçılar da yorulur, ilham pəriləri uçub gedir. Bu qədər yüklənməyin sənə nə faydası var axı?

Nə isə... Yaxşı olacaq əşi. Gələk, Steemit düşüncələrimə. Bu haqda yeni bir post hazırlayacağam, içi də sual dolu. Steemit Azerbaijan üzvlərinin hamısını dəvət edəcəyəm, hər kəsi danışdıracağam və birlikdə çarə tapacayıq.
Necə demişlər, bu dünyada bircə ölümə çarə yoxdur, qalan hər şey düzələndir)
Gününüz xoş keçsin!

Thank you for support

The Steemit Team

cc @steemcurator01 @steemcurator02 @girolamomarotta @chriddi @kiwiscanfly