අම්ම හදපු රස කෑමක්

ඉතිං කොහොමද යාළුවනෙ, හොදින් ඇති කියල හිතනවා. අද මම කියන්න යන්නෙ අපෙ අම්ම හදපු රස කෑමක් ගැන.

Exam නිසා මේ දවස්වල මම ගෙදර ඉන්න නිසා අම්මට නිතරම කියනවා මොනව හරි හදල දෙන්න කියලා. මම වැඩිපුරම කැමති පැණි රස කෑමවලට නිසා අම්මට හදන්න වෙන්නෙත් පැණි රස කෑම තමයි.

ඉතිං මගේ කරදරේ ඉවස ගන්න බැරිම නිසා අම්ම මට නාරං කැව්ම් හදල දෙන්න පොරොන්දු වුණා. හැබැයි ඉතිං මටත් උදව් කරන්න වුණා අම්මට.

ඔයාලටත් හදල බලන්න හිතුනොත් හදන්න ඕන කරන බඩු ටිකත් මම කියන්නම්.

පොල්
සීනි
හාල් පිටි
පොල් තෙල්
ලුණු
එනසාල්
මාදුරු

මුලින් ම කරන්න ඕන පොල්, සීනි, ලුණු, බැදපු හාල් පිටි, එනසාල් , මාදුරු, මේ ටික එකට දාලා ලිපේ තියල හොඳට තම්බා ගන්න ඕන. ඊට පස්සෙ ලිපෙන් ඉවත් කර ගෙන හාල් පිටි ටික ටික දාලා හොඳට කලවම් කර ගන්න ඕන. ඊටත් පස්සෙ තරමක ගුලි හදා ගන්න. ඊළඟට හාල් පිටි, පාන් පිටි, කහ, ලුණු ඇල වතුර යොදා තරමක ඝනකම මිශ්‍රණයක් හදා ගන්න ඹ්න.

ඊට පස්සෙ තියෙන්නෙ මේ හදා ගනිපු පිටි මිශ්‍රණයෙ අර කලින් හදා ගනිපු ගුලි දවටල හොදින් රත් වුණ තෙලේ බැඳ ගන්න එක. ඊට පස්සෙ නම් ඉතිං තියෙන්නෙ කාල බලන එක.

ඔන්න ඔය විදියට තමයි අපෙ අම්මා නාරං කැවුම් මට හදල දුන්නෙ. ඉතිං වේලාවක් තිබුණොත් try කරල බලන්න. රසම රසයි😋

එහෙනන් හැමෝටම Good Bye