My Favorite Youtube Channel
ඉතිං කොහොමද යාළුවනෙ ඔයාලට, හොදින් ඇති කියල හිතනවා. මේ දවස්වල පෑව්ල්ල නම් හරිම සැරට තියෙනව අපේ පැත්තට. ඔයාලටත් එහෙමම වෙන්න ඇති නේද?
ඉතිං මම අද කියන්න යන්නෙ මම හරිම ආසාවෙන් බලන Youtube Channel එකක් ගැන. ඒක ලංකාවෙ එකක් නම් නෙවෙයි. මං හිතන විදියට ඒක කොරියාවෙ එකක්. මේ Youtube Channel එක කෑම සම්බන්ධ channel එකක්. ඒකෙ video වල නම් පේන්න ඉන්නෙ ගැහැනු කෙනෙක් විතරයි. ඒකෙ එයා එක එක විදියෙ කෑම ජාති හදන විදිය, සමහර කෑම ජාති oder කරල ගෙන්නන විඳිය, තව සමර ඒවා එයාම ගිහින් අරන් එන විඳිය වගේ දේවල් තමයි තියෙන්නෙ.
මට කියන්න බැරි වුණානෙ මම කොහොමද කියල මේව බලන්න පුරුදු වුණේ කියල. ඇත්තටම මට මේ video මුලින්ම බලන්න ලැබුනෙ කොරෝනා තිබුණ කාලෙ. ගෙදරට වෙලා කරන්නත් හරියට වැඩක් නැතුව ඉන්න කාලෙ ඉතිං අපි කළේ 📱 ඔබ ඔබ ඉන්න එකනෙ. ඒ කාලෙ තමයි මට මේ video මුලින්ම බලන්න ලැබුණෙ. ඊට පස්සේ ඉතිං මං දිගටම ආසාවෙන් මේ video බලන්න ගත්තා.
ඇත්තටම මට නන් හරිම ආසයි ඒ video බලන්න. මොකද වෙන රටක, වෙන සංස්කෘතියක් ඒකක තියෙන නිසා නොදන්න දෙයක් ඒ videoවලන් මට දැන ගන්න ලැබෙනවා. අලුත් කෑම ජාති, අලුත් රෙසිපි, එතකොට ඒ කෑම පියවරෙන් පියවර හැදෙන විඳිය, ඒ හැම දෙයක්ම මට ඒ video බලන්න තියෙන ආසාව වැඩි කරනව. ඒක කෑම හදන්න කියල දෙන channel එකක් නොවෙයි. තනියම කෑම හදාගෙන, ලස්සනට arrange කරගෙන කනවිදිය තියෙන channel එකක්.
එතකොට එයාගෙ kitchen එක තියෙන විඳිය, එයා kitchen එකේ බඩු ලස්සනට arrange කරල තියෙන විඳිය වගේ දේවල් වලටත් මම හරි ආසයි. එයා කෑම
හදන විඳිය හරිම ලස්සනයි. බඩු පාව්ච්චි කරන විඳිය, ඒවා පිළිවෙළට තියෙන විඳිය, වැඩ ඔක්කොම කරල kitchen එක පිරිසිදු කරන විදිය, වගේ මේ හැම දෙයක්ම මම හරි ආසාවෙන් බලනවා. ආ තව එයා ළඟ චූටි බලු පැටියෙකුත් ඉන්නවා. මේ video වල ගොඩක් වෙලාවට එයත් ඉන්නවා.
ඉතිං ඔයාලත් දවසක බලන්නකො මං කිව්වෙ ඇත්තද කියල. මම ඔයාලට පහළින් link එකත් දාල තියන්නම්, ඉඩක් ලැබුණ වෙලාවක බලන්නකො. එහෙනන් යාළුවනෙ පරිස්සමින් සතුටින් ඉන්න. 😊
[source]