Love Is Blind

ayesha98 (59)in Steem Sri Lanka • 27 days ago

_source
Exam එක නිසා කාලයක් steemit එකට එන්න බැරිවුනා ඒවගේම ලියන එක වගේම කියවන එකත් අකමැත්තෙන් උනත් ටිකක් කල්දාන්න මට සිද්ද වුනා. ඉතින් exam එකයි තව තිබ්බ වැඩ ටිකකුයි ඉවර කරලම නිදහසේ ලියන්න අවස්තාවක් හම්බවුනේ අදයි. ඉතින් ඒ නිසාම අද ලියන්න යන්නෙ ටිකක් වෙනස් ආදරයක් සම්බන්ධ මාතෘකාවක් ගැන.ඇත්තටම මට මේක ලියන්න හිතුනේ මුහුණු පොතෙන් හම්බවුණු කියවන්න ලැබුණු අමුතු article එකකට පස්සෙ.ඔයත් ආදරය කරන කාලෙදි එක එක බොළඳ දේවල් කරන්න ඇති.ඔහු සමහර වෙලාවට ඒක පහුවෙද්දි බොනදයි කියල හිතුනත් ඒ කාලෙ දේවල් එච්චර එහෙම හිතෙන්නේ නෑ.ඔයා ඒ දේවල් කරන්නේ කැමැත්තෙන් වගේම ආසාවෙන්.සමහර වෙලාවල් වලදී ඔයා ඔයාගේ ආදරවන්තයා හෝ ආදරවන්තිය කියන දේවල් වලට අකමැත්තෙන් වුණත් ඒව කරනව ඇති. මාත් එහෙමයි. ගොඩක් වෙලාවට එයා මගේ හොඳටම කියන දේවල් මට එපා වෙන අවස්ථා තියෙනවා. නමුත් ආදරය රැඳිල තියෙන්නෙත් ඒ දේවල් මතම බවත් මම හොදටම දන්නව. ඒක එහෙම නැතිවුනොත් සම්බන්ධතා දෙදරා යන්නත් පුලුවන්. මේ Article එකෙන් කියන්නෙත් ඒක. කියවල බලන්න ඔයාට කොහොමද දැනෙන්නෙ කියල.

මේක හරි ලස්සන ලියමනක්. "Love is not what you say" කියන ගමන්ම, "ආදරය ක්‍රියා පදයක්" කිව්වහම අනෙක් පැත්තෙන් විවර වෙනවා මැජික් දොරටුවක්.

දැන් මිනිස්සු ඒකට කියන්නෙ "toxic relationship එකක ඉන්නවා" කියලා. ඔහොම කියන කියන දේවල් කරලා වෙහෙසට පත්වෙලා ආදර සම්බන්ධතා හබක් වෙන තැන් බොහොමයි. වේගවත් ලෝකයක හැල්මේ දුවන අපට ඒ සංයමය නෑ. මටත් නෑ. ඒ නිසා කැපකිරීම් කරනකොට ඉක්මණින් වෙහෙසට පත් වෙනවා.

ඒත් ආදරේ කියන්නෙ choice එකක්නෙ. ආදරේ කරන කාලෙට සමහරු ඔය කියන ඔක්කොම කරනවත්නේ. එතකොට ඒක ඒ මනුස්සයට toxic කියලා හිතෙන්නෙ නෑ. අනෙක් පැත්තෙන් "love is blind" කියන්නෙත් ඒකනෙ. ආදරෙන් මත් වුනහම ඔය toxic, boxic මොකුත් පේන්නෙ නැතුව යනවා. ආදරේ කරන්නයි ලබන්නයි විතරමයි ඕන.

රවී සිරිවර්ධනගේ ලියමනට අනුව "ආදරේ ක්‍රියා පදයක්" නේ. ඔහුගේ පින්තූරයට අනුව "love is not what you say"ත් නේ. ඒ කියන්නෙ "ආදරය කියන්නේ කළ යුතු දේවල් වල එකතුවක්". ඒක ආදරය සම්බන්ධව කාලෙකින් දැකපු ලස්සන නිර්වචනයක්. 100%ක් හරිද වැරදිද කියලා වාද නොකර ඒකෙ සාහිත්‍යමය රස විඳගත්තොත්, ඒක නේන්නම් වැඩේ.

"හැමදාම එකම ඇඳන් යන්න එපා අනේ", කිව්වහම ඇඳගත්තු ඇඳුමත් ගලවලා වෙන එකක් ඇඳගෙන යන එක,
"අර ෂර්ට් එක තමයි ලස්සන", කිව්වහම ඒකට ලොකු කැමැත්තක් නැතත් ඒක අඳින එක,
"ගියාම මට මැසේජ් එකක් තියන්න", කිව්වහම අදාළ තැනට පය තබන මොහොතේම මැසේජ් එක යවන එක,
"බඩගින්නෙ ඉන්න එපා", කියපු නිසාම වෙලාව නැතත් මොනවහරි ගිලගන්න එක,
"මොනවහරි කන්න", කිව්වහම මොනවහරිම කන එක,
"හයියෙන් යන්න එපා හොඳද?", කිව්වහම කොච්චර හදිස්සි වුනත් ඉවසගෙන යන එක,
"බෑග් එකට දැම්මා ගැස්ට්‍රයිටිස් පෙත්ත", කියපු නිසා විතරක්ම පෙත්ත මතක් වෙලා කටට දාගන්න එක,
"ඩ්‍රයිවින් කරනකොට කෝල් ආන්ස්වර් කරන්න එපා", කියපු නිසා ෆෝන් එක දිහා නොබලා ඩ්‍රයිව් කරන එක,
"රෑ එහෙන් පිටත් වෙනකොට කියන්න", කියපු නිසා වෙරි මරගාතෙ හරි මං එනවා කියලා කියන එක,
"ගෙදර කෑම තියෙනවා", කියපු නිසා කොච්චර බඩගිනි වුනත් ඉවසගෙන ගෙදරම ගිහින් රසයි රසයි කියලා කන එක,
"ඊළඟ නිවාඩු දවස කවද්ද ඇහුවහම", නිවාඩුවක් හදාගන්න දඟලන එක...

...වගේ උමතුවක් තමයි ඉතින් ආදරය. ඉතින් ඔය උඩ ටික කියන කෙනාට වඩා ආදරේ තියෙන්නේ, අමාරුවෙන් හරි උඩ ටික කරන කෙනා ළඟ. ආදරේ අන්ධයි තමා. එතකොට කරනවා.

ඔය අමාරුම වැඩ ටික ලේසියෙන් කරන එක තමයි දිගුකාලීන සම්බන්ධයක පදනම වෙනවා ඇති කියලා මට හිතෙන්නේ. "ආදරය කියන්නෙ ක්‍රියා පදයක්" නම්... ආදරෙන් දේවල් කියන හැමෝම toxic නෙමෙයි.

#srilanka #steemitexclusive #thediarygame #love