爆完未?

爆完未?

The Diary 8 July

近日香港疫情有第三波爆發跡象...本來已放寬既限聚令馬上再收緊...我已經預左今年都返唔到深圳啦, 但拜托, 唔好再玩我, 我考車個到一推再推, 由2月推到4月, 4月推到8月, 大佬, 你比我考完個車牌先爆得唔得? 今年真係好唔順...工作上係咁, 私人事上面又係咁... 2020年我真係X你老母.

本來我都唔想咁負面, 呢幾日聽到爆發我都算, 但一諗到連考車都咁唔順利, 我真係火都黎. 而家我冇野求, 只求唔好再爆落去住. 等我考完車牌再算得唔得?

工作上, 而家啲單訂慢慢回復正常,但原來都係冇X用, 工廠話請唔到人, 然後就將責任推返比我地sales? 話一個sales應該有本事同客人 negotiate? 其實客人比左單你, 你自己就要諗辦法按期出貨, 呢個係最基本既遊戲規則. 我地已盡力做左自己可以做個part, 你地請唔到人, 又怪我地?

考車同工作既野,暫時放埋一邊, 而家只想專心將 The Diary Game 埋左個尾佢, 今日晒一下我三餐

早餐, 行貨野, 蛋牛治加凍啡

午餐, 靚野, 日式牛肉豬骨湯拉面加凍奶茶.

晚餐, 煎豬排, 炒菜心加罐頭鮑魚, 另外加啲炒豆干.

今日其實心好累, 真心唔係好想寫, 但一諗起而家咁既死款, 就寫得幾多得幾多, 掠得一蚊得一蚊. 好天斬埋落雨柴. 暫時個啲咩 "明天會更好" "希望在明左" 呢啲心靈雞湯, 唔好同我講. 等我捱過左死唔去,先至慢慢回望, 啊, 原來之前既難關都唔係好難姐.

大前提係, 我有命捱過呢關再算, 大家祝我好運

[WhereIn Android] (http://www.wherein.io)