Sunday Fun😍

ඉතිම් කොහොමද යාලුවනේ. ඊයෙනම් මට නිවාඩු දවසක්. ඒ නිසාම ටිකක් වෙලා යනකන් නිදාගන්න පුලුවන් වුණා. මන් මුලින්ම කරේ උදේට කාලා බීලා එහෙම කාමරේ සම්පූර්ණයෙන්ම අස් කරලා දැම්ම එක. සතියක් වගේ කාමරේ සුද්ද කරන්න බැරි වුණා. ඒ නිසා ඉතින් උදේ නැගිට්ට ගමන්ම කරේ ඒ වැඩේ. හොදටම මහන්සියි ඉතින්. ඊට පස්සේ තේ එකක් එහෙම බීලා පොඩි graphic වැඩක් තිබුනා ඒක කරා. ම්ම්ම් ඊට පස්සෙ බෝඩිමට වෙලා ඉදිද්දී මට හරිම කම්මැලි යි කරන්න වැඩකුත් නෑ. ඔහොම කල්පනා කර කර ඉදිද්දී ගෝල්ෆේස් පැත්තෙ ගිහින් ආවනම් හොදයි කියලා හිතුනා. ඒ වෙලාවෙනම් හොදටම අව්ව සැරයි. ඒ නිසා හවස් වෙලා අව්ව සැර අඩු වුනාම යන්න ඕන කියලා හිතලා පොඩි නින්දකුත් දැම්මා. ඊට පස්සේ ඉතින් යාලුවෝ කට්ටියමටත් කතා කරලා අපි ගෝල්ෆේස් පැත්තෙ රවුමක් දාලා එන්න ගියා.

අපි කැම්පස් එක ලගින් පිටත් වුනේ හතරට විතර ගෝල්ෆේස් එකට යද්දි 5 වගේ වුණා. ඊට පස්සේ ඉතිම් ඉස්සො වඩේ, අයිස්ක්‍රීම් එහෙම කාලා පැත්තක වාඩි වෙලා නිදහසේ මුහුද දිහා බලාගෙන හිටියා. හවස් වරුවක මුහුදක් ලගට වෙලා නිදහසේ ඉන්න එක මන් ඉස්සර ඉදන්ම ආසම දෙයක්. ඒක හිතට මාරම සැනසීමක්. තව ඉතින් ගෝල්ෆේස් එකේ ඉදලා මිනිස්සු දිහා බලාගෙන ඉන්නත් ආසයි. එක එක මිනිස්සු ගැන හොද අද්‍යනයක් කරන්න පුලුවන්. තව ඉතින් ලස්සන ලස්සන දේවල් photo ගන්න එකත් ආසම දෙයක්.

ඊට පස්සේ ඉතින් ගෝල්ෆේස් එකේ ඇවිදලා One Galle Face එකෙත් රවුමක් දාලා හතට වගේ කට්ටියම ආයෙ එන්න පිටත් වුණා. කාලෙකින් ගිය නිසා මන් හරිම ආසාවෙන් ගියෙ ඒ ගමන. ඊට පස්සේ ඉතින් කැම්පස් එක ලගින් බැහැලා රෑට කන්න කෑම එකකුත් අරගෙන බෝඩිමට ආවා. කෑම එකක් කිව්වට බත් නෙවේ. බත් කන්න බෑ වගේ හිතුනා කඩචෝරු කෑව නිසා. ඒ නිස මං කොත්තුමී පැකට් තුනකුයි, පොඩි සොසේජ් පැකට් එකයි, සෝස් පැකට් එකයි, චිලිපේස්ට් එකකුයි අරන් බෝඩිමට ඇවිල්ලා රස නූඩ්ල්ස් එකක් හදාගෙන කෑවා. ඔන්න ඔය විදිහට තමා යාලුවනේ මගෙ දවස ගෙවුනෙ. ඉතින් අලුත් ආටිකල් එකකින් අපි හෙට හම්බවෙමු.