පෝලිම්කාවත

භූමිතෙල් පෝලිමේ ඉන්න එකේ මොනවහරිම ලියන්න හිතුන. ඉතින් අද මම කතා කරන්නෙ පහුගිය දවස් මම ගතකරපු හැටි ගැන. මුලු සතියම ඉතින් සෑහෙන බිසී. වැඩියෙන්ම බිසී වෙන්න උනේ අපේ ආදරනීය ආන්ඩුවෙ හොද කල් ක්‍රියාව නිසා. ඉතින් අදට දවස් හතරකට විතර කලින් උදේම තාත්ත වැඩට යද්දි කෝල් කරල කිව්ව පෙට්‍රල් පෝලිමක් තියෙනව දැනටම පෝලිම ගොඩක් දිගයි ඉක්මනට එන්න කියල. ඉතින් මහවැස්සෙ ජැකට් එකක් එහෙම දාගෙන පෝලිමට සෙට් උනා. උදේ තේ එකවත් බොන්න උනේ නෑ. ඉතින් උදේ 6.40 විතර ඉදන් බලන් ඉන්නව ඉන්නව බවුසර් එකක් එන පාටක් නෑ. 9.30 වෙනකනුත් බලල මම ගියා අනිත් ශෙඩ් එකට. ඒත් එතනත් එවෙලෙ තෙල් ඇවිල්ල නෑ. ඉතින් ඔක්කොම් බලාපොරොත්තු බිදිල ගෙදර ඇවිල්ල තේ එක එහෙම බීල ඉද්දි 11.30 විතර පනිවිඩයක් ආව තෙල් ඇවිල්ල කියල. ඉතින් ගිහින් බලද්දි පෝලිම තියෙනව කවදාවත් දැකපු නැති තරම් දුරට.

ඉතින් ආ කමක් නෑ කියල ඒ පෝලිමටත් සෙට් උනා. මගෙ පිටිපස්සටත් තව කට්ටිය සෙට් උනා. හැබැයි ටිකකින් කට්ටිය හෙමින් හෙමින් ඉස්සරහට යන්න ගත්ත. ඒත් හිතට බයයි පොම්පෙ පෙනි පෙනි තෙල් ඉවර වෙයිද කියල. ඉතින් ඔහොම ඔහොම ගිහින් දෙයියනේ කියල තෙල් ගැහුව. ම්ම්ම් වැඩි වෙලාවක් ගියෙත් නෑ. පැය පහයි ගියේ රුපියල් 2000 ක තෙල් ගහගන්න. 🥴 බයික් වලට දෙන්නෙ රු2000 යි. ලීටර් පහක් විතරයි වදින්නෙ. ඔන්න ඉතින් එදා දවස එහෙම ගෙවුනා. ඊට පස්සෙ දවසෙ අපිට ඕඩර් එකක් තිබ්බ නිසා ඒක සූදානම් කරා දමිදුයි මායි..

ඉතින් ඊට පස්සෙ දවසෙ අපි දෙන්න ඊට සතියකට කලින් ලේස්ති කරපු ඒත් සල්ලි ගෙවන්න ප්‍රමාද උන ඕඩර් එකක් අරන් ගියා. ඒකනම් ලග තිබුනෙ. ඒ යන ගමන් අපි කතා කරා අපේ බොක්ස් හදන කාඩ් බෝඩ් ඉවර නිසා ඒව ගේන්න කොලබ කොටුවෙ යන්න. ඉතින් ඒ වැඩේ අපි ඊයෙට දාගත්තා.ඒ අතරෙ තව ඕඩර් එකක් කුරියර් කරන්න ගිහින් ලොකු අවුලක් උනා. මොකද සමහර කුරියර්ල අපේ පැත්තෙ එන්නෙ නෑ තෙල් අවුලනිසා. කොහොම හරි අපේ රෝශනී අක්කට පින් සිද්ද වෙන්න එයාගෙ ඕඩර් ටිකක් එක්කම අපේ පාර්සල් එකත් යවාගත්තා.

ඊයෙ ඉතින් මායි දමිදුයි කොලබ ගියා ට්‍රේන් එකේ. හරි සන්තෝසයි යනකන් එනකන් දෙකෙම හිටගෙන තමා ඉන්න උනේ.

ඉතින් ඒ දේවල් අස්සෙ අද උදේ 10.30 ට ආයෙ ගියා දර ලිප පත්තු කරන්න ඕන නිසා භූමිතෙල් ගන්න. පෝලිමට ගියාට පස්සෙ තේරුනේ ඒකෙ දිග. ඉතින් ආයෙ මට සන්තෝසයි එතනත් පැය හයක් හරියටම ඉදල හවස 4 වෙද්දි තෙලුත් අරන් ගෙදර ආවා. විශේශයෙන්ම කියන්ට ඕනි ඒ අතරතුර හෙලකුරු එකෙන් දැක්ක රනිල් මාතිය මුදල් ඇමති වෙලා කියල. හරි සෝක් නේද?.

ඉතින් ඔන්න ඕකයි මට උනේ. තවත් පෝලිමක් බලාපොරොත්තුවෙන් අදට සමුගන්නව. බායි