My Green House Part Two

ashen99 (66)memberin Steem Sri Lanka • 2 years ago

පොරොන්දු උන විදිහටම මගෙ ග්‍රීන් හවුස් එකේ ඉතුරු කොටස අරන් ආවා. ඒත් පොඩ්ඩක් පරක්කු උනා. තාත්තව වැඩේට අල්ලගන්න හරි අමාරුයි.ගෙදර වෙන වෙන වැඩ. ඉතින් පෙරේද තමයි අපි නතර කර තැනින් එක හුස්මෙ වැඩ කරන්න පටන් ගත්තෙ. ඊයෙ හවස් වරුවෙ කොහොම හරි වැඩේ 95% ක්ම වගෙ ඉවර කරා. අපි මුලින් ප්ලෑන් කරේ බට ගස් වලින් වැඩේ කරන් යන්න උනත් රාමුව හදල ඉවර වෙද්දි තේරුනා ඒක ශක්තිමත් මදි කියලා. කලින් කපාගත්ත උන ගස් වලට අමතරව තව ගස් දෙකක් ඕන උනා. ඉතින් ඒකත් කපාගෙන ඒව කනු වලට ඉන්දලා රාමුව ශක්තිමත් කරා. මොකද මේ ග්‍රීන් හවුස් එක හදන්නෙ වදුරන්ගෙ ප්‍රදාන ගමන් මාර්ගයක් හරහා.

ඔන්න ඉතින් ඊට පස්සෙ වහලට ඕන කරන ප්ලාස්ටික බට ටිකක් පරිස්සමට නවලා බැන්දා. ඊට පස්සෙ ඉතින් අපි ගෙනාපු තවාන් නෙට් එක මුලින්ම දැම්මා. මේ වැඩෙන් ග්‍රීන් හවුස් එක ඇතුලට වැටෙන ඉර එලිය ගොඩක් අඩු වෙන බව මට තේරුනා.ඒත් තාත්තා කිව්වෙම වදුරො පැන්නොත් උන් ඇතුලට වැටෙන එක නතර් වෙයි කියලා. ඉතින් අකමැත්තෙන් උනත් මම වැඩේට කැමති උනා. කොහොම හරි ගෙනාපු දැල මදි නිසා තව එකක් ගෙනාවා. ඒක වහලට දාල ආයෙ අයින් කරා මොකද ඇතුල ගොඩක් කලුවර නිසා.

ඔන්න ඉතින් ඊට පස්සෙ අපි ගෙනාපු ඉටිකොලේ දාන්න තමයි තියෙන්නෙ. ඉතින් ඒ ඉටිකොලේ පලල මීටර් දෙකක් විතර.ඉතින් ඒ ප්‍රමානෙ මදි නිසා ඉටිකොල දෙකක් එකට සෙට් කරල තමයි වැඩේ කරේ. ඉතින් අපි ඒකත් ගානට වහල උඩට දාලා වටෙන්ම බැන්දා. ලේසියට බදින්න බෑ. මුලින් හදුන්කූරකින් සිදුරු විදලා නූලක් අරගෙන මැහුවා. දැන් නම් ගොඩක් දුරට වැඩේ පිලිවෙලයි. ඉතින් එදා දවසට වැඩ ඉවරයි. ඊලග දවසෙ හවුස් එක වටේටම තව කනු කිහිපයක් හිටවගත්තා. එහෙම කරේ ග්‍රින් හවුස් එක වටේටත් ඉටිකොල වලින් ආවරනය කරන්න ඕන නිසයි. ඊට පස්සෙ ඒවත් කලින් විදිහටම සිදුරු කර කර නූල් වලින් ගැටගැහුවා. අම්මො ඔන්න දැන්නම් මගේ ග්‍රීන් හවුස් එකේ වැඩ ඉවරයි. පුදුම සතුටක් තමයි දැනෙන්නෙ. ඉතින් ඊට පස්සෙ අද උදේම තාත්තයි අක්කයි එක්ක එකතු වෙලා මේස දෙකක් ඇතුලට දාගත්තා. ඊට පස්සෙ අක්ක එක්ක ඔක්කොම පැලටික ඇතුලට දැම්මා. දාල පිලිවෙලට ඒ ටික තිව්වා. දැන් ඉතින් මගෙ පැල වලට හිතේ හැටියට ලොකු වෙන්න ඇති තරම් ඉර එලිය ගන්න පුලුවන්.