After long time neh?

ගොඩ කාලෙකින් නේද අපි හම්බුනේ.එක එක ප්‍රශ්න නිසා,අසයින්මන්ට් නිසා ලියන්න වෙලාවක් තිබුනේම නෑ.ඉතින් පහුගිය ටිකේ මම කරපු කියපු දේවල් ගැන පොඩ්ඩක් කතා කරන්න මම හිතුවා. සතියකට දෙකකට විතර කලින් ටිකක් ස්පෙශල් ග්‍රැෆික් වැඩකුත් කරා.ඒත් ඒ ගැන දැන්ම කතා කරන්න මම කැමති නෑ. ඊලගට ඉතින් අසයින්මන්ට් එකක වැඩ වලට හිර වෙලා හිටියා. අලුත් අත්දැකීමක් ඉතින් ඒක. පලවෙනි පාරටනෙ කැම්පස් ඇවිල්ලා අසයින්මන්ට් එකක් කරන්නෙ. ඉතින් ඊටත් පස්සේ මම කරන ග්‍රැෆික් කෝස් එකේ ප්‍රඩක්ශන් කියන සබ්ජෙක්ට් එකට අදාලව ඩොකියුමන්ට්‍රි එකක් කරන්න තිබුනා.ඉතින් ඒකට අදාල line up එක, script එක කියන දෙක ලියන්න මමත් දායක උනා.ඒ තමයි ඒ වගෙ දෙයක් සම්බන්දවත් මට ලැබුන පලවෙනි අත්දැකීම.

ඊට පස්සේ පහුගිය සදුදා 24 වෙනිදා මම ගියා ෆිල්ම් එකක් බලන්න. මෙච්චර මෙහේ ෆිල්ම් හෝල් තියෙද්දි මට යන්න ඕන උනේ කටුබැද්දෙ කේ සෝන් එකෙ තියෙන හෝල් එකට. ඒ ඉතින් පිට පිට තුන් වෙනි පාරටත් තනියෙම ෆිල්ම් එකක් බැලුව කියන වාර්තාව තියාගන්න එකම හෝල් එකෙන්. අහම්බෙන් තමා එ අදහසත් ආවෙ.එදා කරන්න වැඩකුත් නෑ.නිවාඩු දවස. ඉතින් දවල් 1 ශෝ එක බලන්න ඔන්ලයින් ටිකට් එකකුත් අරන් මම ගියා.බැලුවෙ Black Adam මූවි එක.ඇත්තටම මරු. මගේ රේටින් එක 8/10 යි.

ඊට පස්සෙ ඉතින් ඒක බලලා බස් එකේ නැග්ගා කොටුවට එන්න.ඒත් මගක් හරියෙදි හිතුනා ගෝෆේස් ගියානම් මරු නේද කියලා. මිනිස්සු ගොඩක් ඉන්න තැනක තනියෙම මිනිස්සු දිහා බලන් ඉන්නෙක වෙනම ආතල් එකක්. ඉතින් කාලයක් තිස්සෙ මම කරන් ආපු තව දෙයක් තමයි මට හොදයි කියල හිතෙන දේවල් වීඩියො කරන එක.ඉතින් එහෙම වීඩියො කෑලිත් අරන් ෆෝටෝසුත් අරන් හවස් වෙලා මම ආවා බෝඩිමට.ඇවිල්ලා ඉතින් ටිකක් රෑ වෙලා අර් අරන් ආපු වීඩියො ටික එකට එකතු කරලා තනි වීඩියො එකක් හැදුවා. ඔයාලට මන් හදපු වීඩියො බලන්න පුලුවන් ටික් ටොක් එකේ.මෙ තියෙන්නෙ ඒකෙ ලින්ක් එක.https://www.tiktok.com/@minor_25?_t=8WoeC8yMc1R&_r=1

ඊයෙ දවස නම් මෙලෝ රහක් නෑ.හවස් වරුවෙ නම් තුන්වෙනි සීනුව කියලා නාට්‍ය ගීත වැඩසටහන් බලන්න ගියා. ඉතින් ඒක ඉවර වෙලා එලියට එද්දි මහ රෑ පිකට් එකක්. ඒකට අහු නොවෙන්න වටයක් ගහලා බෝඩිමට ආවා. මහ රෑ ඕවට යනවට වඩා නිදාගන්න එක සැපක්.