රැජිනගෙ මලගෙදර

රැජිනගෙ මලගෙදර නිසා සදුද දවස බොහෝ අයට නිවාඩු හම්බුනා. තෑම්ස් රැජින. සිකුරාදා ගෙවල් වල යන අයට ඉතින් ඉහේ මලක් පිපුන වගේ තමයි එ වගෙ නිවාඩුවක් සෙට් උනාම.ඒත් ඉතින් මන් නම් ගෙදර ගියෙ නෑ. කොහොම හරි සෙනසුරාදා ඉරිද දවස් දෙක හරිම සාමාන්‍ය විදිහට ගෙවිල ගියා.සෙනසුරාදා නම් බුක් ෆෙයා ගියානෙ.ඉරිදා ග්‍රැෆික් ක්ලාස් ගියා. සදුද ඉතින් කොහේ හරි ඇවිදින්න යන්න ඕන කියන අයිඩියා එක ඔලුවෙ තිබ්බා. ඒත් ඉතින් තනියෙම යන්න බෑ වගෙ එකක් හිතුනා. හෙ හෙ යාලුවෙක් හොයාගන්න ඕන ඇවිදින්න🙂.

උදේ කෑම වේලයි දවල් කෑම වේලයි එකට ගන්න තමයි මගෙ ප්ලෑන් එක තිබ්බේ. ඉතින් නිවාඩු දවස නිසා ඒක සමරන්නත් ඕන නිසා මම ඌබර් එකක් දාන්න කල්පනා කරා. ඉතින් ඌබර් එකෙ බලන් බලන් යද්දි මට හම්බුනා චිකන් ලම්ප් රයිස් එකක්. ඒකෙ සෑහෙන අයිටම් තිබුනා. එග් එකක්,චිකන්, වම්බටු මෝජු වගේ දේවල්.ඉතින්න් මගෙ කෑම වේල උනේ ඒ රයිස් එක.හරිම රසයි. ආයෙ බඩ පිරුනා හොදටම. දවල් කෑමට කලින් මට හිතුනා ඊට කලින් දවසෙ මන් බලපු ඇනිමේටඩ් මූවි එකක් උන බැට්මෑන් ගෝතම් බයි ගෑස්ලයිට් කියල ෆිල්ම් එකේ මම ගහගත්තු ස්ක්‍රීන් ශොට් එකක් ආයෙ අදින්න.සෑහෙන කාලෙකින් තමයි එ වගෙ වැඩකට අත ගැහුවෙ. ඉතින් ටිකෙන් ටික ඒක ඇදගෙන ඇදගෙන ගියා. මම හිතුවට වඩා හොදට ඒක ආවා..

ඒ අතර කෝල් එකක් ආවා යාලුවන්ගෙන් කැලනි පන්සල් යන්න එන්න කියලා. ඒත් එවෙලෙ මන් වැඩක ඉදපු නිසා එයාලට යන්න කිව්වා. ඒත් හවස් වෙද්දි මගේ වැඩ ඉවර වෙද්දි කල්පනා උනා තනියෙම හරි කොහේ හරි යන්න ඕන කියලා.ඒ හිතද්දි මට මතක් උනා සන්ඩවුන් එකේ ෆොටෝ ටිකක් එහම ගහගන්න ගෝල්ෆේස් ගියොත් හොදයි කියලා. ඉතින් සන්ඩවුන් එක සෙට් වෙන ටයිම් එක හවස හයට තිබුනේ.ඒත් ඊට කලින් යන්න ඕන නිසා මම පාරට බැස්සා. කොටුවට බස් එකේ ගිහින් ගෝල්ෆේස් එකට පයින් තමයි ගියේ.වැඩි දුරක් නෑ. කියන්න දුකයි අහස කලු වලාකුලු වලින් බර වෙලා තිබ්බේ. ඒත් කමක් නෑ ඔන්න ඔහෙ ගිහින් මුහුද දිහා බලන් ඉන්නව කියල ගියා.

ගිහිල්ලා කට්ටිය වැඩිය නැති හරියකින් වාඩි වෙලා මට පේන එක එක දේවල් වල ෆොටෝස් ගත්තා. වැඩියෙන්ම ගත්තේ එක එක මිනිස්සුන්ගේ ෆොටෝ.

සමහර වෙලාවට එකම ෆ්‍රේම් එකට ආදරේ කරන මිනිස්සුන්ගේ එක එක අවදි අහු උනා.

ගොඩක්ම මිනිස්සු ගැවසුනේ කෑම කරත්ත තියෙන කොටසෙ.ඒත් මට කිසි දෙයක් කන්න ආසාවක් තිබ්බෙ නෑ. ඉතින් ඉදපු තැනින් නැගිටලා හෙමීට ඉස්සරහට ඉස්සරහට ඇවිදන් ගියා. ඒ ගිහින් ආයෙම ඉතින් හෙමීට බෝඩිම ආවා රෑට කෑම එකකුත් අරන්. ඉතින් ඔන්න ඔහොමයි රැජිනගෙ මලගෙදර දවසෙ මගේ වැඩකටයුතු.