කලකට පස්සේ එලියට බැස්සේ

සෑහෙන කාලෙකට පස්සෙ පොඩ්ඩක් එලියට යන්න ඊයෙ පුලුවන් උනා. කැම්පස් එකේ යාලුවො ටික දෙනෙක් ගාල්ලට සෙට් වෙනව කියල කතා කරගත්තා. දුර ඉදන් ආපු එක යාලුවෙක් හිටියා.එයා රත්නපුර. කොහොම හරි ඊයෙත් අපිට ඔන්ලයින් ලෙක්චර්ස් තිබුනා. ඒ යාලුවො ටිකනම් ලෙක්චර්ස් හිටියෙ නෑ.ඒත් මම කෝකටත් කියලා ලෙක්චර් එකට ඉදල ත්මයි ගාල්ලට යන්න පිටත් උනේ. ගොඩ කාලෙකින් මගේ පුස් බයික් එකේම ටවුන් එකට ගියා.ගිහින් එතනින් ගාලු බස් එකකට නැගගත්තා. මෝටර් බයික් එකේ ගාල්ලට හරි අපේ ටවුන් එකට හරි යන්න පුලුවන් කම තිබුනත් කොහේවත් බයික් එකක් නතර කරල යන්න බැරි තත්වයක් නේ දැන් තියෙන්නෙ. එක්කො පෙට්‍රල් ටික අදීවි නැත්තන් කෑලි ගලවන් යාවි. ඒ නිසා හොදම් වැඩේ බස් එකේ හරි පුස් බයික් එකේ හරි යන එක.

ඉතින් කට්ටියම කොටුවෙ සී බාත් කියන තැන හිටියා.මාත් එතනට ගිහින් කට්ටිය එක්ක කතා බහක් දාගෙන හිටියා. අපෙ බලාපොරොත්තුව තිබ්බේ තව යාලුවො ගොඩක් එකතු කරගන්න. නුවරින්, එහෙමත් යාලුවො එන්න හිටියා ඒත් මේ බස් සහ ට්‍රේන් වල තදබදය සහ ඒවයෙ ගමන් වාර අඩු නිසා එයාල ආවෙ නෑ. යන එන අතරමග සෑහෙන වෙනස් කම් දැක්කා. පාරෙ වාහන සෑහෙනම අඩුයි.ඉස්සර වාහන 100 ක් පාරෙ තිබ්බනම් අද තියෙන්නෙ වාහන 10 ක් 20 ක් වගේ. ඒ වගේම ගොඩක් අය ෆුට් සයිකල් එකට හුරු වෙලා. ඒ වගේමයි වින්කල් වල පුදුම විදිහට සෙනග. හැමෝම තමන්ගෙ පරන ෆුට් සයිකල් එක අලුත් වැඩිය කරගන්න ඇවිල්ලා.

ඒවගේමයි ඉතින් ෆුට් බයික් එකක් මිල. සාමාන්‍ය හීරො බයික් එකකුත් දැන් රුපියල් 45000- 50000 වෙනවලු. ලීසින් එහෙමත් තියෙනව කියන්නෙ. අවුරුදු හතර පහකට කලින් ඒ ගානට පාවිච්චි කරපු මෝටර් බයික් එකක් උනත් ගන්න තිබ්බා. ඊයෙ ගාල්ලෙ විරෝදතා එහෙමත් තිබුනා. ඒ එක්කම ක්‍රිකට් මැච් එකකුත් තිබ්බද කොහේද. පිට්ටනිය පිටි පස්සේ දිග ගෑස් පෝලිමකුත් තිබ්බා ආමි එකෙන් ගාඩ් කරන. ම්ම් ඉතින් ඔහොම තමයි ඊයෙ දවස ගත උනේ.