Kamaal kar gayi ye to

Iss saal to URI ne kamaal kar diya hai itna kisi dusri filme ke liye kamaana bahut mushkil ho gaya hai. Yahi wajah hai ki director me desh bhakti waali filmo ko banaane ko lekar ladayi ho raha hai. Maine suna hai director log jo pulwama me hamla hua hai uspar film banana chahte hai aur kayi director ne ye socha hai un sab ke beech ladayi chal raha hai ki kon iss film ko banayega batao sala dhandha bana liya hai logo ne. 

Image from vicky kaushal

Waise sahi bhi hai yaar wo bhi jaante hai ki desh me kewal desh bhakti waali hi filme chalti hai isliye aisi hi filme leke aana chahte hai director log. Abhi desh bhakti waali filmo ka daur hai aur agar true story me bani ho tab to aur bhi jyada chalti hai. Misaal ke tour par aap uri le sakte hai. Ab tak ye film kama rahi hai kick aur chennai express ka record bhi tod diya hai iss film ne. 

Bataiye budget kewal 45 crore hai aur film 240 crore ki aakde ko chune waali hai. Sach me director aur producer to khush ho gaye honge iss film ko bana kar. Sirf paise hi nahi kamayi iss film ne balki award bhi kaafi kamaye hai. Upar ka photo me aap dekh hi sakte hai kitne award leke najar aa rahe hai vicky kaushal. 

Ab tak ki iss film ki kamayi 240 crore ho gayi hai aur anumaan hai ki jald hi 250 crore kama legi. 

Screenshot from taran adarsh twitter page

Bahut se filmo ko duba diya hai iss film ne. Sab se bada misaal to manikarnika hai bechara socha tha ye film kamaal dikhayegi lekin sala 100 crore bhi nahi kama paayi. Kangana ko to bahut gussa aa gaya tha iss par kyo ki dusre actor ne unka saath nahi diya aur unki film ko promote nahi kiya. Ab dusre kya kare usne khud hi apni film ko thik se promote nahi kiya tha. 

Manikarnika bhi achha chalti yaar agar usko thoda aur promote kiya jaata to. Kangana ne uss par dhyaan nahi diya aur upar se thoda masla bhi ho gaya tha director ke saath aur sonu sood ke saath isliye ye film thodi piche rah gayi. Ab tak maine ye film dekhi nahi hai lekin jiss ne dekhi hai wo iss film ko achha hi bata raha hai. 

Ab dekhna ye hai ki URI 250 crore kar paati hai ki nahi. Aap ko kya lagta hai kar paayegi ya fir nahi? Mujhe to lagta hai kama legi ab dekhte hai kitna din me kamaati hai.